Banyuhay
Tinitigan ko ang mga mata ko sa salamin
Sa aking pagtitig, napansin ko ang iba't ibang parte ng aking mukha
Napansin ko ang mga mahahabang pilikmata ko
Napansin ko ang mabilis na paghaba ng buhok ko
Napansin ko ang bilugang hulma ng mukha ko
Muli, tinitigan ko ang aking mga mata
Sa aking pagtitig, nakita ko ang sarili ko
Nakita ko ang sarili kong nagbago
Nakita ko ang sarili ko at ang pamilya kong nagsasalo-salo
Nakita ko ang sarili ko at ang mga kaibigan kong tanggap aking pagkatao
Muli, tinitigan ko ang aking mga mata
Sa aking pagtitig, nalunod ako sa kaitiman nito
Nalunod ako sa katahimikan ng pagiging makasarili ko
Nalunod ako sa paghingi sa magulang ko ng luho
Nalunod ako sa pag-aakalang lahat ng kaibigan, totoo
Maraming nagbago
Minsang nabigo, minsang nanalo
Sa aking pagtitig, aking napagtanto
Na hindi pala
Na hindi pala nagbabago ang mga mata ng tao
Maiba man ang ugali, anyo, pakikitungo
Ngunit ang mga mata natin, mananatili
Ito ang bagong anyo ng buhay. BANYUHAY.
#
BINABASA MO ANG
Daluyong
PoetryKalipunan ng mg Tula Ang Daluyong ay koleksiyon ng mga tulang nahinuha mula sa artistikong balintataw ng may-akda.
