ايهم.سبحت وبدلت ورحت المصطفى بس رحتلة بتكسي عفت السيارة يم اخوية لان متعودين من نريد نطلع نطلع بسيارة مصطفى وصلت يمهم كالو وين تريد اليوم نسهر كتلهم بكيفكم
يوسف.شنو رأيكم نروح هسة للمول اريد اشتري ملابس لان بعد يومين عدنة خطبة وبعدين نقرر وين نكمل السهرة
ايهم .اوك براحتك
فرح. ماما ماميتي
ماما.ها حبيبتي
فرح.بعد يومين لخطبة ابن اخوج شنو مناوية تشترين ملابس
ماما.ياا صدك والله ناسية
فرح.اي ديالة خلي نروح هسة نشتري
ماما.وين تردين نروح
فرح.للمول
ماما.ياله دكومي كولي لابوج وخلي ياخذنة
فرح.اي
بابا باباتي حبيبي
بابا.هاا شنو ورة هلواكة
فرح.الله يسامحك اني اتلوك بس ردت تاخذنة نشتري ملابس
بابا.اي مو اكلج هلواكة مو لله دياله روحي بدلي
فرح.ثواني واكون جاهزة
رحت بدلت لبست بنطرون كابوي جنز وبدي ورفعت شعري ولبست ترانشوز ابيض وطلعنة للمول
دنفتر جان اشوف
ايهم.رحنة للمول وحنة دنفتر وجان اشوف فرح واكفة هية ومرة ورجال
مصطفى.لك يوسف هذا ابوك وامك واختك
يوسف.وينهم
مصطفى هياتهم شوف ديشترون ملابس لفرح دومهة مدوختكم
يوسف.انجب لك تدلل فروحة شعدنة غيرهة
مصطفى.اي يعمي نيالهة اكولك صدك خلي اروح اسلم عيب من ابوك
يوسف.ياله وبالمرة نعرفة على ايهم البارحة ملحك علية
ايهم.لا خاف عيب وياهم بنات
يوسف.لا عيب شنو هاي ماما الي ويا وفرح انت تعرفهة
ايهم.ماشي لعد ياله امشو
فرح.شفت ايهم واكف ويا يوسف ومصطفى بس سويت نفسي مشفتهم شوية واسمع يوسف يسولف وية بابا ويعرفة على ايهم
ايهم.سلمت على ابوهة ورجال كولش مثقف وحباب وحتى امهة سهل التعامل وياهم
ابو يوسف.شنو مصطفى مختفي هليام حتى ابوك ماكو
والله ياعمو بابا حاير بالشغل الجديد من فتحتو الشراكة لليوم مجاي يشتغل عدل
ابو يوسف.اي والله ياعمي اني هم شغلي كولش قل من فكينة الشراكة
مصطفى.لعد ليش مترجعوهة انت مو عندك علاقة وية الطرف الثالث الي بيناتكم وحاول تحل الخلاف الي بينة وبين بابا وهذا الرجال محمد ورجع الشراكة
ابو يوسف.والله ياعمي شسوي حاولت بس ابو مصطفى محمد قافل ميقبل وابوك هم قافل ميقبل يصالحة
ايهم.دقيقة دقيقة عن شنو دتحجون اعتقد اعرف الشريك الثالث الي وياكم ولو اني ما احب ادخل بشغل غيري بس فهموني السالفة عمود اذا اكدر اساعدكم
يوسف.لعد اني حاخذ فرح وماما وانت اتفاهمو بالشغل
علي.شنو ابني منين تعرف ابو مصطفى
ايهم.ابو مصطفى غير اسمة محمد مصطفى جعفر هذا اسمة الثلاثي ويكلولة ابو مصطفى
علي.اي انت شعرفك بي
مصطفى اي لك انت شعرفك بي
ايهم.هذا يصير ابوية
علي.صدك تحجي
ايهم.اي والله واني احاول اساعدكم
علي .اي والله يابني تسوي فضل اذا تقنع ابوك يرجع الشراكة يبناتنة
ايهم.ان شالله عمو والله احاول وما اقصر ان شالله
فرح.كملت اشرية ملابس اني وماما ويوسف
ورجعنة يم بابا وايهم ومصطفى كاعدين بالكافتيريا
كام بابا كال ياله اني اروح وبقة يوسف وياهم
رجعنة للبيت واني فرحانة لان شفتة
ايهم.خلصنة السهرة وتقريبا الساعة 12 رجعت للبيت بس كولش فرحان لان شفتهة بقيت كاعد تقربا الحد الساعة 1 اجاني طلب صداقة من بنية اسمعة نونة
وافقت وغلقت الموبايل ونمت
