فرح. اليل كلة اريد انام ما اكدر غفيت الساعة ستة كعدتني ماما الساعة سبعة حتى ابدل واتحضر نروح للصالون كمت كلش تعبانة ونعساتة وضايجة بدلت اني ومريم وخالة وبقت ماما تكمل البيت واخذنة يوسف للصالون مكيجتني حلو بلون فستاني اشتريتة بنفسجي فاتح كلش مرتب طلع ورتبت شعري حلوة التسريحة كملت الساعة 11 اجة يوسف انصدم بشكلي كال لج هاي شنو طالعة تخبلين كتلة حبيبي انت الاحلى
وصلنة للبيت لكيت عمامي موجودين وعماتي كولهة صايرة هوسة واني منا تعبانة وراسي يوجعني كلش مالي خلك احد
كعدت الحد مصارت الساعة 1 وكالو اجوي الناس ياله دخلو اخواتة وامة مبين حبابات واقاربهم بقو كاعدين والزلم برة يتفقون
ورة شوية صاحو هلهلو
كامن امة واخواتة يهوسون ويهلهلون نوب كالو جيبو حضرو البنية راح يجي الشيخ يعقد دخلوني بغير غلفة ودخلت وياية خالة نوب دخل علي والشيخ وبابا وابو حجة شيخ وجاوبتة نعم كملنة عقد شيخ رجعت بمكاني وعلي طلع يسلم على اصدقلئة ويباركولة كالو راح يدخل علي يلبس حلقات دخل لبسني الحلقة واخذنة صور بس اني مطايقتة ابد كوة متحملة وجودة يمي خلصو وانطاني علبة بيهة موبايل وبياض 100 وقرأن وطلعو اني كبل على غرفتي حتى منتضرت الناس تروح نزعت الفستان وفتخت التسريحة ومسحت المكياج ونزلت كولهة نصدمت ليش هيج بعد وكت
كتلهم ما اريد تعبانة مالي خلق ورة شوية كولهة راحت بقت بس خالة ومريم يمي للعصر خابرت رقية كتلهة لج بذاتة ليش ما اجيتي كالت لج والله امير كال اكسر رجلج ومترحين كتلهة علج الله تعالي هسة مريم يمي واني مختنكة كلش محتاجتكم كالت هسة اكول لماما واجي ورة شوية اجت رقية كعدنة نسولف ونضحك اني وياهة ومريم بحيث نسيت الخطبة ورة شوية نسمع صوت موبايل يدك اندور وين ماكو جان نسمع صوت من العلبة كتلهم اهو نسيت
كالت رقية شلون هذا جاي يدك مو جديد كتلهة ما ادري فتحت العلبة جان يطلع مخلي السيمكالت ومسجل رقمة كتلهن بدت رحمة الله اني مصدكت يطلع نوب احجي ويا بالمبايل كلولي شلون انتحر شلون واخلص منة فتحت خط حجيت ويا كلام عادي وبعدين كال شوفي فرح طبعي صعب
يعني لبسج تغيرين منة اريد منا وهيج عباية تلبسين
وبنطرون ماكو جوة العباية جبة
ومدرسة بس هلسنة
بقيت ساكتة ما اجاوب لان ماما متقبل تكول شيكلج كولي اي خلصت ويا المكالمة كوة ورقية راحت ومريم بقت يمي
الساعة ثمانية راسلت ايهم حجينة شوية بس كتله ايهم هاي اخر مراسلة بعد ما اكدر لان اذا احد درة بالي دا تسوي والله نروح بيهة
ايهم.فروحة حبي هانت مبقة شي والله متبقين ويا بعد اسبوع
فرح. بس لو افتهم على شنو جاي تخطط
ايهم. هسوة انت شنو الي يهمج مو يهمج اخلصج منة ونتزوج اني وياج
فرح.اي
ايهم.خلص هذا الاسبوع انت خلصانة منة واني متقدملج
فرح. ان شالله خير
خلص مراسلة وية ايهم واتفقت ويا بعد ما اراسلة اله اخلص من علي هوة هم قبل مكال شي
بقت اسولف وية مريم وما ادري بنفسي نمت كعدت ثاني يوم من الصبح لان اليوم يجي زوج خالتي حتى ترجع لبيتهم اهو راح ارجع للضوجة بحدي مريم والله جنتي مونستني
مريم. ياله حبي شنسوي وعد بالعطلة اجي يمج شهر ونفر بغداد اني وياج
فرح. صدك
مريم والله
للعصر راحت خالتي وبقيت اني وماما بالبيت اجة يوسف جال المامة باجر ترحين تحخطبيلي
ماما. يا يمة صلاوات واخيرا ومنو هل سعيدة الحظ هاية
يوسف. ماما رقية صديقة فرح
ماما والله ونعمة التربية والاخلاق ماكو مثلهة عائلة مرتبة ومحترمة ورقية حبابة وخش بنية
يوسف. خلص اليوم كولي البابا وباجر روحي اخطبيهة
ماما.ان شالله
فرح. الله يتمملكم بخير والله انت ورقية تستاهلون ثنينكم درة مال الله
صعدت راسلت رقية وكتلهة طارت من الفرح خطية تحبة صالهة هواي واي بنية تفرح من الي تحبة يتقدملهة
خلصت من رقية مراسلة واشو هاذا علي دك بس احجي ويا عبالك مو هوة واحد ثاني صوتة كوة يحجي وكلام حلو غزل واشعار وما اعرف شيكول اني مصدومة ولا عبالك هذا علي الجاف الي شايل خشمة نص ساعة وكتلة نعسانة وراية دوام اريد انام كلي ياله باي
نهيت المكالمة واني دايخة معقولة مستحيل هذا مو علي
فتحت المبايل الثاني مالي القديم عفتة لاغلقتة ولا سويتلة شي بس ما استخدمة بس راسلت منة ايهم اخر مرة وعفتة لان استعمل الي جابليا علي
دزيت رساله الايهم كتلة علي خابر وهيج صوتة
اني قررت اكول لايهم لان متأكدة محد حيفهمني ولا يصدكني غيرة دزيتلة رسالة وسديت المبايل ما اريدة يجاوبني لان اخاف اضعف واراسلة واني ما اريد ارسلة اله يخلصني من علي بس حبيت انطي خبر بالي يصير وياي
