فرح.بقيت كاعدة افكر بي منمت اجت بالي اسوي حساب وادخل علية بس ما اخلي يعرفني وفلا سويت حساب باسم نونة ودزيتلة طلب صداقة ورة شوية قبل الطلب ودخلتلة على الماسنجر ودزيتلة هلوو
ايهم.كعدت الصبح لكيت رسالة على الماسنجر من نونة الي دزتلي طلب صداقة جاوبتهة هلو وكمت اغسل وابدل ملابسي
فرح.كعدت الساعة 7دخلت للحمام بدلت جاي انزل وسمعت صوت المبايل رساله لكيتهة من ايهم مجاوبتة خفت اتأخر على المدرسة نزلت صبحت على بابا وماما وتريكت وطلعت
ايهم. طلعت للدوام كلعادة امل واروح يم مصطفى بس اليوم اريد اروح اشوف فرح كلت خلي اروح لمدرستهة اني اعرفهة
فرح خلص الدوام وبالطلعة شفت ايهم ودنكت مرفعت راسي جاي احجي وية صديقتي رفعت راسي فجاة صارت عيني بعينة واشرلي تعالي
خفت اروح اترددت بس كلت خلي اشوف شيريد
كلت الرقية انت روحي اني اريد اشوفة شيريد كالت لج ليجي يوسف يشوفج كلتلهة لا يوسف بعد اعرف وقتة مو هسة
راحت رقية واني رحت وكفت كدام السيارة وهوة نزلي
ايهم.شلونج فرح
فرح.تمام الحمد لله
ايهم.انشاء الله دوم
فرح.تسلم
ايهم.لج فرح شسويتي بية
فرح. شنو
ايهم .خليتيني ما انام الليل بسببج خليتي كل تفكيري بيج واني الي متهزني بنية
فرح.اني فاتحة حلكي بتعجب
كتلة اني اترخص لان اخوية راح يجي عفتة ومشيت واني دايخة بالحجي الي كالة
ورة شوية اجة يوسف كال هاا اتاخرت كتلة عادي نفس كل يوم
رجعنة للبيت سلمت وصعدت الغرفتي واني فرحانة بالحجي الي سمعنيا صاحتني ماما كالت تعالي اتغدي كلتلهة ما اريد
فتحت ناسنجر شفتة داز هلو
جاوبتة هلوات شلونك شخبارك
تمام الحمد لله منو
اني هنا صفنت شكلة
كتلة حابة اتعرف
اني اسمي نور
كال اهلا وسهلا
كتلة انت شنو اسمك
كال اسمي ايهم
كتلة اممم اسمك حلو
كال تسلمين كلج ذوق
كتلة مرتبط
كال اي واحب بنية واموت عليهة واريد اخطبهة
كتلة اهاا الله يسعدك وياها
تسلمين
نهيت المراسلة ويا واني فرحانة حيل
ايهم .ورة مرحت الفرح رجعت للدوام واني فرحان حجيت وياهة فتحت نت واشوف هذي البنية الي مراسلتني علماسنجر حجيت وياهة شوية وخلص الدوم ورجعت للبيت سبحت وبدلت ونمت كعدت على صوت المبايل دك علية يوسف كال تعال متطلع ويانة كتلة لا مبية حيل واليوم اريد احاجي ابوية على موضوع الشراكة كال اهاا براحتك
نزلت لكيت ابوية وحاجيتة بخصوص الموضوع والحمد لله كدرت اقنعة
كعدت وية اهلي الحد الساعة عشرة صعدت لغرفتي
راسلت البنية الي اسمعة نور حجيت شوية هلو شلونج شخبارج ومن هلحجي وسديتة ونمت
فرح. نزلت العصر ورجعت صعدت اكمل قراية كملت وفتحت نت دزيتلة هلو
دز هلاوات
فرح.شلونك
ايهم .تمام انت شلونج شخبارج
فرح .بخير اذا انت بخير
ايهم.دومج بخير
فرح.تسلم
شلونهة الحب مالتك
ايهم.ههههه ولج ياحب هذا وهوة حبمن طرف واحد
فرح.شنوو يعني متدري بيك
ايهم لا تدري اعترفتلهة بس عافتني محجت شي
فرح.هااا الله يجمعكم
ايهم. امين لان كلش اتعذبت بسببهة كلش والله احبهة
فرح.الله يجمعكم ياله اخذ راحتك دوختك
ايهم. لا بلعكس باي
فرح .نهيت المراسلة ونمت كعدت الصبح قررت اكولة اني فرح واحبك
دزيتلة الرساله ونزلت
صبحت على ماما وبابا جان يوم جمعة وكعدت متأخرة تقرب ساعة 11 جان ماما كالت فروحة حبي جايج خطابة وابوج موافق
فرح.شنو شنو موافق هوة بكيفة
انبي ما اريد ما اريد اتزوج
ابو فرح .اي بكيفي وغصبن عنج توافقين لان اذا رفضتي اني اروح بيهة
