فرح. بقيت كاعدة انتضر علي بس خايفة كلش
اندك الباب جاي اطلع افتحة صاح يوسف امشي ادخلي اني افتح الباب وخلي ححاب على راسج وتعالي يردونج تكونين حاضرة بالحجي شكو يوسف
يوسف. والله ما ادي ايهم ميقبل يحجي اله يحضر علي وابو
فرح. دخلت وفتح يوسف الباب ودخل علي اني لبست حجاب ودخلت سلمت عليهم وكعدت يم بابا
ابو فرح . احجي ايهم هاي بنتي وهاي علي وابو وكوللنة شصاير
ايهم. شوف عمي بدون لف ودوران اني قبل لاتنخطب فرح جنت ناوي اجي اخطبهة بس من سمعت بموضوع خطوبتهة وشلون تمت بالغصب فكرت ليش هيج هيج ابو علي مصر على فرح شمعنة هية وليش هيج يخصر فلوس علمود يزوج ابنة فقررت انو اني ابحث بهذا الشي واشوف
علي . وانت شعليك همة الناس انطوني ومفكرو لو اكو شي بينك وبين ست فرح وهيج ذابح روحك عليهة
فرح. علي احترم نفسك اني اشرف منك ومن عشرة من امثالك
ايهم. فرح اسكتي شوف عمي ابو يوسف ما اكذب عليك واكولك ماعندي مصلحة بالي سويتة وتعبت بي عمود اعرف حقيقة علي
اني مصلحتي هية فرح اني احب وفرح واريدهة من نصيبي وتخبلت من سمعت انخطبت وبهيج وضع
ابو يوسف . يعني نفهم بينكم علاقة انت وفرح
ايهم. لا عمي ما بينة علاقة ابد ولنتك اشرف من الشرف
بس اني احبهة وايدهة وهي متدري بهلشي
المهم عمي اني بعد الخطبة حققت بالموضوع وطلع علي متزوج قبل ومرتة خاينتة وية حبيبهة وشاردة وهسة هوة هادر دمهم
فرح . شهكت مصدومة ودموعي بقن ينزلن بدون توقف
ابو فرح . بابا فرح اطلعي
ايهم . لا عمي اريد فرح تسمعني وللاخر
ابو فرح . شوف ابو علي اذا طلع كلام ايهم صح متلوم غير نفسك
ايهم. خلي اكمل للاخر
يوسف. اتفضل
ايهم . اي وترة علي يشرب وترة سوالفة مكسرة بالمختصر
ابوعلي . طبعا اني اسف ابو فرح بس حجي ايهم صحيح وبعد ما اكدر اضم اكثر عليكم
علي . اي وهسة شتسون متكدرون لان نطلبكم فلوس فاحترمو نفسكم واسكتو
يوسف. انعل ابوك لابو فلوسك لج عار شنو مفكر نهتم انت عار
علي. احترم نفسك ماكو عار غيرك
جان يهد يوسف على علي وانطا بوكس على عينة جان طفاهة اله
ورجع علي يهد على يوسف كوة وكفهم ايهم واني بس اباوع عليهم وابجي وبابا يكاي وداعتج بابا لاخذ حقج من هلناس السكط اني اعلمهم هاي تخر كلمات سمعتهن وبعدهة محسيت علدنيا وغير بابا وايهم ويوسف وماما يمي واني بالمستشفى تذكرت الصار وبقيت ابجي بالزايد وباب يهدي بية
يوسف. وداعت دموعج الغالية اليوم اله اندمهم طلع يوسف وبابا كال الايهم الحكه لايسوي مصيبة
راح ايهم ورة ورة نص صاعة دك موبايل بابا المتصل ايهم كاله الحك عمي هذا يوسف كتل علي وهسة الولد نقلو للمستشفى وان شالله ميشتكون علي لان اقل شي يروح بيهة سجن خمس سنوات
ابو يوسف. الله يستر اني راح اطلع فرح للبيت واجيكم انتو باي مستشفى
اي لعد شوية واني يمكم
رجعني بابا للبيت ومرجع اله الساعة 12 باليل اني ما اكدر اتحرك نايمة لاستقبال وجان اسمع بابا يكول لج شلون حالفين الة يشتكون على يوسف
ام فرح. يمة عزا ابني عفية محمد كلشي الاة ابني اموت والله
ابو يوسف . لاتخافين عكب باجر عدنة كعدة عشاير وراح اخابر الشيخ يجي يحلهة
ام فرح. ان شالله زين وهسة علي شبي
ابو . فرح لتخافين مبي شي
اني بقيت ابجي واصلا اني مختنكة
نمت كعدت الصبح اجة ابو علي كال بنيتي خلي نحل السالفة وتبقين على ذمت زوجج
فرح. لاعمي ما اريدة والله ماتحمل اعيش ويا ما احبة والله
ابو علي . خلص بس خلي بحسابج فلوسي كلهة ترجعلي
راح ابو علي وبقيت ابجي الحد ما نمت ومحسيت على شي كعدت العصر اسمع صوت ايهم جوة
صاحني يوسف كال بابا يريدج بموضوع
كتلة شكو كال ايهم وابو جوة ويدون يحاجوج
كمت غسلت وجهي ولبس حجابي ودخلت سلمت وكعدت يم بابا
ابو فرح . شوفي بنتي فرح اني ما اريد اغلط نفس ما غلطت وجبرتج على علي
فهسة هذا الحجي كدام ايهم وابو بنتي ايهم جاي يخطبج وراح يكون مهرج انو يحلي مشكلتي وية ابو ابو علي
ايهم. لا عمي هذا مو مهرهة هذا موافقتك على الخطبة بس حقوقهة محفوضة وحاضر وخايب الي تامر بي فرح
ابو يوسف. هاا شكلتي
فرح. الي تشوفة بابا
يوسف. بابا فرح موافقة بس تستحي تكلك
ابو يوسف. لابنتي لتستحين اني ابوج واريد اسمعهة منج
فرح. كلت موافقة وراسا طلعت اسمعمهم باركولة وكالو الجمعة الجاية الخطبة وعقد الشيخ
ام فرح مبروك بنيتي ربي يسعدج صعدت الغرفتي فرحانة راسلت رقية وحجيتلهة عن الصار بس حسيتهة مختنكة سالتهة شبيج جان تكلي لج الجمعة الجاي خطبتي على ابن عمي
انقهرت حيل على يوسف خطية شنو موقفة من يسمع وعلى طاري يوسف ما احس اله ودخل للغرفة مالتي
كال شلونج فرح كتله تمام الحمد لله كال خابري رقية طمنيني عنهة
فرح. هاا يوسف بس
يوسف شنو فرح شبيج احجي شكو شبيهة رقية بيهة شي
فرح. يوسف رقية خطبتهة الجمعة الجاية
بقة ساكت وطلع من الغرفة
نمت واني شاكة حلكي من الفرح
كعدت ثاني يوم اجة علي وابو وايهم وابو وحلينة كلشي وطلكني
وخلص منة
خلص الاسبوع واني بين التجهيز اشتريت فستان اوف وايت وكعب جوزي كلش حلو وحجزت وية صالون رتبتلي شعري كصة جديدة سويت كلش غيرت بشكلي
اجة يوم الجمعة الي جان احلى يوم بعمري واجتي مريم من الصبح هية وخالة بس زعلت لان رقية مراح تحضر لان اليوم هم خطبتهة
