ايهم. كعدت لكيت رساله من فرح كلش قلقتني
اني من تقدمولهة شكيت بامرة هلولد ليش ابو هيج مصر على فرح وليش دفع هلمبلغ الجبير وبالمقابل يوافقون على ابنة فخابرت صديقي عمر كتلة اريد تقارير كامله على هلعائلة كولهة وبالخص علي
من شفت رساله فرح خابرت على عمر كتله ها بشر شنو اخبار التقارير كال تقريبا كملت
جانت التقارير نفس متوقعت صدمة
فرح. كعدت الساعة 7 واني راسي يريد ينفجر من علي علي البارحة حجة حجي غزل واني لعبانة نفسي منة
بدلت ورحت للمدرسة وصلنة واجان اشوف رقية هية شافت يوسف وية ركض دخلت للمدرسة حتى مسلمت علية
كملت درسة وكلت الفرح اليوم العصر نجي
رجعت للبيت صعدت بدلت ونزلت اتغديت اول مرة اتغدة وياهم واسولف وية بابا من موضوع الخطوبة صعدت لغرفتي نمت جان معندي امتحان فترة امتحانات شفهي قبل نص السنة
كعدتني ماما الساعة 4 حتى نروح لبيت رقية بدلت لبس تنورة وبدي لان استاذ علي ميقبل ولازم اسم كلامة لان حضرة جنابة زوجي المستقبلي ويع علية
رحنة ماما كالت لام رقية احنة جايين رايدين رقية ليوسف
ام رقية. والله يام يوسف انتم ناس ونعمة الناس وابنكم ونعمة التربية واحنة نعرفكم بي ياعيني يام يوسف تبقة الكلمة الاولى والاخيرة الابوهة والا اذا تبقة علية ما امانع
ام فرح. ان شالله خير اليوم اريد تحجين ويا وباجر ترجعيلي جواب
ام رقية . ان شالله
رجعنة من بيت رقية ويوسف يفتر فوك راسي خابر خابر باله شوفي شنو
فرح. ياحبيبي يايوسف ابوهة يجي من شغلة ب8 اني كلش قبل لا انام اخابرهة واشوف
يوسف. لعد راح اطلع ومن ارجع تخابريهة
فرح. اوك بس تكلي وين رايح
يوسف. طالع وية ايهم ومصطفى
فرح. اهاا عفية يوسف اريد ككو من تجي
يوسف. اوك ادللي وبد متردين شي
فرح. لا حبيبي سلامتك
راح يوسف نزلت يم ماما شوية وسمعت سوت مبايلي يدك صعدت لكيتة علي العلة بقة يحجي ونف البارحة هم ما اعرف شبي حجية غريب وما افتهمة واخر شي كال انتم البنات كلكم خاينات وكح.... وبقة يفشر اني انصدمت شنو هلحجي سديت المبايل واني مصدومة شنو هلحجي بقيت صافنة
فزيت من صفنتي على صوت يوسف ياله الساعة 11 خابري
فرح بداخلي عااا صالي 4 ساعات احجي ويا
يوسف. الووو ست فرح احجي وياج
فرح. اي اي هسة راح اخابر
خابرت الوووو هلو حبي شلونج شخبارج
رقية. اخباري زفت
فرح. ليش يعمري شكو
رقية. لج فرح ماما حاجت بابا على الخطبة وافق بس
فرح. اي بس شنو
رقية. لج امير كال اذبحج بس توافقين وكل البابة اني مموافق وحتى رقية ودار وجهة علي وكال هاا رقية انت مو ما وافقة اني من الخوف كتلة اي مموافقة اريد اكمل دراسة
فرح. عزااا لج رقية وتالي
رقية. باجر ماما تخابر امج وتملهة ابوهة يكو لا صغير تريد تكمل
فرح. ياله يروحي لتبجن كافي اذا نصيبج هوة متصيرين الغيرة
رقية. لج فرح شلون لج امير قافل يكلي متاخذي لو تموتين
فرح. وهوة ليش هيج
رقية. لج متدرين هوة يحبج وهذا كلة لانج تزوجتي
يوسف. بصدمة شنووو
رقية. عزاا بعينج فرح خليتيني انهد بالحجي ومكلتيلي يوسف يمي
فرح. دا احجي وسحب المبايل مني يوسف
يوسف. الوو هلو رقية
رقية.بخوف الوو هل وو يو سف
يوسف. لتخافين شلونج شخبارج
رقية. الحمد لله انت شلونك
يوسف مو زين
رقية ليش
يوسف. يعني عاجبج هذا الحجي
رقية. طبعا لا بس شنسوي هذا نصيبي ونصيبك بعد انت شوف حياتك خلص انساني اني ما اصير الك
يوسف. رقية ما اكدر انساج اني احبج من زمان بس مجنك اكدر اعترفلج
رقية. خلص يوسف لتعذبني باي
فرح. يوسف كافي لخاطر الله لتضوج نفسك وتحسسني بالذنب
يوسف انت معليج وخلص اني حنساهة خلي تشوف حياتهة
عافني وطلع وهوة ميت قهر واني كلش ضجت علية
نمت كعدت ثاني يوم بس مرحت للمدرسة لان لاحد امتحانات وبعد منداوم الحد الامتحانات الساعة 12 كاعدين على ميز الطعام اني وماما ويوسف خابرت ام رقية وبلغت ماما بالرفض وماما كاعد تحجي وية يوسف تكلة هاي قسمة ونصيب وهية مو من نصيبك
جان يندك الباب كال يوسف خلي اكوم اشوف فتح الباب ايهم
ايهم. هلو يوسف شلونك
يوسف. لك هلو شنو منك من الشيطان شعجب جاي
ايهم. هسة اكلك ليش جاي بس ابوك هنا
يوسف اي فوت
فرح يمة اني شفتة واني متت
طولت الكعدة جوة ورة شوية اجة يوسف كال خابري خطيبج وابو يجون خلي نفتهم شنو هلحجي واذا طلع صحيح والله الة ادفنة هنا
فرح . عزاا شكو خابرتة وكتلة بابا يريدك ةنت وابوك
علي. شكو
فرح ما ادري تعال
علي. اي جاي بس ابدل واكول الابوي واجي
