مراهقة والاربعيني

تنويه

رواية المراهقه.. كانت بسيطه .. لكن جعلت في ثناياها الكثييير من الرسائل ..

من بينها....

فكرة ان احنه المسلمين نكره الغير مسلم او اذا صار بينا مجبره على الأسلام..

وهذا شيء خاطئ تماما.. جدا نحترم الاديان .. وان كنا ضد.الزواج من الدين الاخر .. لكن لو حدث ورجل تزوج غير مسلمه..

ف ابد مو همه يجعلها مسلمه .. بالعكس يحافظ على دينها ويحترمه مهما كانت عقليته و بيئته..

الا الحجاب ورجالنا ما يعتبروه واجب ديني كد ما هو غيره وستر للمرأه برأيهم..

وهذا اللي صار بأحترام صراع لدين ليليان ..  وهذا خلاف الصوره اليعكس عنا العالم بأن احنه متعصبين ونجبر البقيه على دينا..

عدنا قاعده قرأنيه (لا اكراه في الدين ) المسلم الحقيقي اللي يتبع القرأن صح.. ما يتعداها..

الثانيه هي...

بعد احتلال داعش للأسف البعض يتهم اهالي الانبار بالدواعش .. وهذا جرم..

في ناس حقراء ساندت داعش لكن بالمقابل اكو كثييييييير ناس ضد داعش تماما .. ومثلتها بصراع اللي بصفوف الجيش العراقي واللي رفض يترك الجيش وبقى يحارب وهذا حقيقي ..

واهله اللي ايضا كانو ضد مبدأ وفتنة داعش..

ومثل موقف اهل صراع كثييييييير في الأنبار .. 

ثالثا وهي ..

كل العوائل اللي بقت بالموصل هم دواعش او راضين بحكم الدواعش..

وهذا جرم بحقهم.. لو شكد ما نكتب وتخط اقلامنا مستحيل نكدر نوصف العذاب اللي لاقوه اهالي الموصل بضل داعش بسبب بعض الناس اللي ساندت ووقفت مع داعش ..

في ناس ما كدرت تطلع وتشرد.. ومثلتها بأم ليليان اللي ما كدرت تهرب .. و بأهل ساره صديقة ليليان  اللي ما كدرو يتركون بيوتهم وتحملو القصف فوكاهم على ترك الموصل ومغادرتها..

كثير ناس مثلهم .. مثلتهم بكم شخصيه..

صح القصه كانت بسيطه .. لكن فرحت كثير بنجاحها ووصول رسائلها لل5 مليون  ..

في مقوله للأمام علي .. تكول .. (لغة التعميم لغةً حمقاء)  ما يصير نجمع الكل بذنب البعض .. كل من في الأنبار و الموصل هم اهلنا وناسنا .. والعراق جسد واحد الكلمه التمسهم تمسنا..

ما مجبره اذكر هذه التفاصيل بروايه عاطفيه لكن هدفي ايصال الفكره اهم من ايصال القصه واحداثها..

الجزء الثاني بلطريق حبايبي ...❤❤
#نونة