"فطنت لـ ظل من تحت الباب مشيت تسلسلت وشفت مع الفتحة خويا علي قاعد يراقب ويسمع يحسابني نكلم في شاب....فتحت السبيكر"
نجـلاء »»تيي وينك يابنت
انـا »»هههه نسمع فيك
"قعدنا نحكوا وفطنتله مشا وحكيت مع نجلاء شوي وقريت وسكرت الكتاب ورقدت"
.
.
~~~~~~~~~~~~~
صبـاحاً...
"نـضت الساعه 7 الصبـح ونزلت لقيتهم كلهم يفطروا.."
انـا »»صباح الخير
الكل »»صباح النور
ماما نجوى »»تعالي سلـم ابنيتي افطري
انا »»هيا جيت
"قعمزت وفطرت معاهـم وكملنا....شهـد مشت مع علي للمدرسه وانا مشيت مع سالم وطووول الطريق ساكته...وصلت للجامعه ونزلت وسالم مشى...كل مانمشي يقعد واحد ينابش فيا وانا ننزل راسي ونمشي بسرعه واخيييرا وصلت لنجلاء"
نجلاء »»صباحووا
انا »»صباح النور
نجلاء »»شن جوك
انا تنهدت »»الحمدلله
نجلاء »»نحـس في راسي قريب ينفجر....نمشي نجيب قهوة تمشي معايا؟
انا »»لالا عدي وانا قاعده هنا
"عدت نجلاء وشفت بنت جتني من بعيد وكانت تقـرا معايا واسمها نوال"
نوال »»خير شوشو
انا »»خيرات
نوال قمعزت »»شن جوك
انا »»الحمدلله
نوال »»شوشو نسألك؟
انا »»تفضلي
نوال »»ليش مش مرتبطه؟
انا »»شـ شنوو!!
نوال »»اها ارتبـطي
انا »»سكري عالسيرة
نوال »»راه والله ماينفع هكي وحـتعيشي عانس طول عمرك وماحد يبحت فيك...انا اللي نحكي معاه يجي ثاني يوم يخطبني وشوفة عينك انا مش جميله لهدرجة عكسك انتي لاعمرك حكيتي مع واحد وملكة جمال لاكن مستحيل تاخذي واحد تحبيه....حيزوجوك واحد رواده لاتعرفيه ولاشايفتيه وتندمي طول عمرك"وضحكت بخبث ومشت"
"قعدت نفكـر معقوله كلامها صح!!!...بس علاقه ماعلاقه حـرام وهكي مربييني هلي وحتى خوتي واعرين....معقوله نعنس وماحد يدورني وناخذ واحد الله اعلم شن شكله وشن طبعه!!!...تنهدت وقعدت نفكر وجتني نجلاء"
نجلاء »»تفضلي قهوة
انا »»شكـراً
.
.
"خذينا محاضرتين وكملنا عالـ ساعه 1....نجلاء جاها باتها ومشت وانا رن عليا خوي سالم وقال قاعد في مكان كذا"
"مشيت وكانت فيه سيـارة قاعده جنب سيارة خوي وفيها شاب...ركبت لسيارة خوي وكان الشاب فيها بحتلي وابتسملي...كان الشاب اسمه اسامة وكان معروف بأنه محترم واخلاق وكويس...بعد ما ابتسملي نزلت راسي ووصلنا انا وخوي للحوش...."
أنت تقرأ
"حكـاية شمس"
Historia Cortaقصة باللهجة الليبية للكاتبة سرو الحـاسـي ..تتكلم عن بنت حبت شاب ويهددها بصورها وتصير معاها احداث مشوووقة جدا...❤❤#واقعية
