"قعدت نحكي معاه وبعدها قال"
اسامة »»شمس انا نحبك
انا بصددمة ،»شنووو!!!!
اسامة »»نــحــبــك
انا »»........"ساكتة"
اسامه »»ردي علي ونا والله نحبك
انا »»عطيني وقت نفكر
"مـروا يومين ونا قعدت نفكر وقتله موافقه وفرررررررررح واااااااااجد"
"حبيته بجنووون وحبني وكان اسامة اول راجل في حياتي وثقت فيه وحبيته...في يوم كنت نحكي معاه ومواضيع عاديات وسكرت منه ونزلت كسدت معاهم في الصاله"
ماما »»شمس كنك قاعده متغيرة هالايام....معاش تقعدي معانا وديمه في دارك
علي »»اقسسم بالله نلقاك تكلمي في واحد نعلق مشنقتك 😡
بابا بعياط »»سكررر فمك ياخرا...بنتي تربيتي وواثق فيها وعارفها مستحيل تدير حاجه من ورانا
"ابتسمت لكلام بابا ومشيت لداري قعدت نفكر....بابا وهلي واثقين فيا ويحبوني وانا كسرت الثقة وبعدين العلاقات حرام عند رب العالمين....شننن دررت لروحي انا 💔رن عليا اسامه ومارديتش عليه ودزيتله رساله"
(اسامه معاش ترن عليا الا لما نقولك لان اختي تبات معايا فالدار وخايفه تسمعني ومعاش تجيني فالجامعه اصلا خوتي يراقبوا فيا)
"كذبت عليه وقررت معاش نحكي معاه واجد وممكن يجيب هله ويخطبني"
"مـروا ايام وايام وانا نتسبل لاسامه بان معاش يحكي معايا وقعدت نحكي معاه نادررراً ولوقت محدود...مر قريب من الشهر واسامه ياريته دار حاجه رسمية وخطبني...قررت اني ننهي علاقتي معاه ونصيبي يجيبه ربي...رنيت عليه الساعه 12 فالليل وقتله"
انا »»اسامـه خلاص ياريت ننهوا العلاقه والله بابا وخوتي واثقين فيا ويحبوني ومنبيش نخسرهم وكان تبيني جديات جيب هلك اما كل حد فطريق
"قعد اسامه يضحك بكل قووة وانا مستغربه وخايفه"
اسامه »»هههههههه وصورك ياحلوة؟ مش خايفه ننشرهم
"انصددددمت وكأن من كب عليا اميه ساخنه....الدم في عروقي جمد وقعدت نبكي"
انا »»شن قصدددك!!!!
اسامه »»بكرا نتلاقوا برا الجامعه في ### والا صورك تلقيهن فكل مكان ياسمحه هههه 😂
انا قعدت نبكي »»حررررام علييييييك وحبنا والوعود اللي عطيتهن ليا...ليييييش تديررر فيا هكي لييييييييييييش!!!!!!!!😭
"قعدت نبكي وننتش في شعري ونعيط...انا شن دررررت لروووحي انا شن درررت!!!!!"
اسامه »»اسمعي وفكينا من الطروح يا تجيني بكرا في كافي ### يا صورك تلقيهن في كل مكان "وسكر"
أنت تقرأ
"حكـاية شمس"
Contoقصة باللهجة الليبية للكاتبة سرو الحـاسـي ..تتكلم عن بنت حبت شاب ويهددها بصورها وتصير معاها احداث مشوووقة جدا...❤❤#واقعية
