My Bittersweet Love |Published under Ebookware.com|

Chapter Three

"KAILANGAN mo ba talagang umalis Thena?" iyon ang tanong sa kanya ng katrabaho at kaibigan niyang si Iona nang tuluyan na niyang ibigay ang resignation niya sa may-ari ng Sweet Dosage kung saan siya nagta-trabaho bilang isang pastry chef.

"Hay nako kung makapagsalita ka naman akala mo hindi na tayo magkikita." Biro niyang sabi habang hinahalo ang frosting na ilalagay niya sa huling cake na gagawin niya sa shop.

"Eh kasi naman kasalanan ng tinamaan ng magaling na Randolf na 'yon sayang ang pambi-build up ko sa hinayupak."

"Oo move na tayo bes, nakabawi na rin naman ako sa pagpaligo ko sa kanya ng wine 'no, mahirap kaya tanggalin 'yon sa puting polo." Nakangising sagot niya.

"Iyan ang gusto ko sa'yo kahit kailan hindi ka talaga magpapaargabyado eh."

"Sus, ako pa ba?" aniya saka inilagay na sa isang piping bag ang frosting na hinahalo niya para mai-design na sa nagaantay na cake sa harapan niya.

"At least hindi magiging stressful ang last day mo dahil day off ngayon ng gagong 'yon."

Hindi na siya nagkomento sa sinabi nito at nag concentrate na lang sa ginagawa. Isang waiter si Randolf sa Sweet Dosage kaya nga siguro na-develop siya ditto dahil halos araw-araw ay nakakasama niya ito sa trabaho.

Pero lately na-realize niya na hindi naman ganon kalalim ang nararamdaman niya para ditto at ito rin sa kanya. Kung nagawa nga nitong lokohin siya di hamak siguro na mas mababaw ang pagtingin nito sa kanya.

Nagsayang lang siya ng panahon, dapat talaga itinutuon na lang niya ang pansin niya sa trabaho. Bakit ba kasi kung ano-ano ang naisipan niya at nag-boyfriend pa siya ng isang sira-ulo.

"Pero seriously bakit kailangan mo pang mag-resign? Pwede namang ipatapon ko na lang ang ex mo sa ilog pasig kung ayaw mo talaga siyang makita."

Napangisi siya sa kalokohan nito. "Mas bagay sa'yon maging boss ng triad kaysa maging chef."

"Oh? Nag-try akong mag-apply kaso sabi nila over qualified daw ako." Pareho silang napahagikgik sa kalokohan.

Ah, kung aalis siyang Sweet Dosage ito siguro ang ma-miss niya, kakulitan na rin kasi niya ang mga kapwa empleyado sa kusina. Pero kailangan, mas dapat niyang magkaroon ng mas malawak pang experience sa field na baking kay nagdesisyon siyang mag apply sa isang sikat na restaurant.

"Hindi ba pwedeng ditto ka na lang?"

"Iona kahit maglupasay ka sa sahig hindi ko na mababawi ang resignation ko baka masakal pa ko ni Ma'am Mela kasi pabago-bago ang isip ko."

"Ay nako, peborit ka 'non kaya baka magdiwang pa 'yon kapag nagkataon."

Tinawanan lang niya ito saka tinapos na ang final touches niya sa ginagawang cake.

Napangiti siya sa kinalabasan ng mango peach cake na ginawa niya. Natapos din siya saka niya tuluyan nang binalingan ang kadaldalan ni Iona.

"Para ka namang sira ang tagal ko nang sinabi ang balak na kong 'to ngayon ka pa nagrereklamo diyan kung kailan naman paalis na ko."

Lumabi ito. "Eh kasi naman bakit pa kasi kailangan mong umalis okay ka na naman ditto di ba?"

"Sayang ang opportunity 'no saka nakapasa na ko sa initial interview pati na rin sa written exam ung final interview na lang ang kailangan kong bunuin at magiging official staff na ko ng sikat na restaurant na Flavors of Asia." Iniisip pa lang niya ang mangyayari hindi niya maiwasang ma-excite.

"Eh paano naman kung hindi ka pumasa?"

"Then better luck next time isa pa hindi ka ba naniniwala sa'kin? Yakang-yaka ko 'yon 'no ako pa."