#دقة_قلب ❤
#للكاتبة_زينب_البغدادي
#البارت_الاول
نلجأ إلى قوة عندما تكون خيارنا الوحيد
ففي داخل كل امرأة لبوة تخرج عند الالم والظلم
لا احد قادر على اسكاتها تدهش من حولها بشجاعتها
قصة تحمل بكل جزيئتها من معاناة والم
اتمنى قراءة مشوقه
حسام ..
سيدي قررت اروح للموصل بهل مهمه
مااكدر ابقه ساكت على الديصير بلدي
هاي عوائلنه الهناك
اللواء...ابني خايف عليك مااكدر اسمحلك
لا سيدي اني مااكدر اريد الحك اخوي وصديقي
فراس روحي مو اغله منه ...استشهد لاجل الوطن
اجه دوري مااتنازل عن شرف القتال ضد الدواعش
اللواء
امبين ماكو امل من الحجي وياك قافل
اي سيدي أما النصر أو الشهادة
بارك الله بيك وليدي الله يكثر من امثالك
...الشباب العدهم غيره على وطنهم
بيت حسام
يمه اني رايح
لايمه واحنه مفكرت بخواتك واني
اخوتك مامنهم رجه انته سندنه بعد وفاة ابوك
لتلجم گلبي بفگدك
حسام ...
يمه لتشيلين همي ابنج اسد ميخاف بس من ربه
بست راسها ادعيلي يالغالية وطلعت وتبجي هيه وخواتي وراي
عذريني يمه
زهور ...
مبقت مستشفى مشفناها محد قبل
تحجز امي للولاده يمهم
كلهم من يشوفون تحاليلها والسونرات
سكرها وضغطها
حالتها خطرة ميقبلون
الدكتورتها هم
محد بقلبها رحمة تقبلها
رجعنه للبيت روحي احسها تريد
تطلع سوده الدنيا بوجهي
ياربي شون راح نطلع من هل محنه
اني طالبة سادس علمي ...للمدرسه
اروح يوم يوم مااروح نتناوب اني واختي نبقه يم امي
راح يصير شهر على هل حاله
بس شنسوي امرنه لله
.......
حسام وصلنه للجبهه بالموصل
