#دقة_قلب
#للكاتبة_زينب_البغدادي
#البارت_١٦
كذبة من الشبه اربعين اخترعها اولئك الذين يرون وجه احبتهم في وجوه كل العابرين
زهور ..
كعدنه نسولف على حفلة التعارف باجر..
وشراح نلبس ..لازم اطلع اشتري شي لان ملابسي كلهن عاديات مااهتم بالبس ..
كملنه محاظرات طلعنه للخط ..كلش حبيت عفويتها وضحكتها المرافكتها ..
وتحجي بصراحه ومجامل ..
...وصلنه للكراجات ..تغير لونها ..
..رنا شبيج شكو ضاعت ابتسامتج
...لا زهور حبيبتي ماكو شي بس تعبت من المشي ..تمشي خطوات متباطئه الى ان صعدت الخطها بتردد..
حريتني شبيها قبل شوي نضحك شبيها من شافت ابو خطها انكلب لونها ..
صعدت الخطي ..خليت راسي على الجامه وافكاري مشرده بذاكرتي ..
كمت اخذ الجهاز واكتب ..بذاكرة الجهاز
كلشي ضايقني...الى ان وصلت للبيت
فتح الباب ابمفتاحي ..دخلت ..
شفت امي ومهودي ..
طرت من الفرح بشوفتهم ..يزيلون كل اوجاعي ..صعدت بدلت ضلت تصيح امي وراي خلصي ونزلي اكلي
..يمه مالي خلك اكل تعبانه طريق بعيد اريد ابدل وانام ..
..ارتاحي ونزلي وضعج معاجبني ..
..ياربي شون وكعت بحلك امي شيخلصني بعد هسه كلسع استجواب سين وجيم اشسويتي مسويتي ولازم اطيها تقرير مفصل عن يومي
...بدلت واخذت جهازي واتمددت
..فتت للكروب ..ياربي هذه شوكت يلحك يوصل وينشر..شفت منشور متوقعته منه
..هاي شنو طالعه عينه زايد د ناشر صورة ابنية محجبه وخاله شي خفيف مكياج ..
وكاتب فوك الصورة الواحد ياخذله شياشنينه مترفع خشمها عليه وجمالها رباني شتكولون شباب البنات على صفحة ..لتعلقن...
...هلو..لتعلقن اني اعلمك
...عفوا من حضرتك امبين زليخات القسم معاجباتك
...شنو ..وين الربط..مداافتهم شتكولين
...احسن لتفتهم ..
...لك هاي غير صلفه شون تحاجيني هيج
...والله لو رجال جان فرغت الاقسام براسها ..عفتها ومسحت المنشور...نشرته بالكت صديقات ازهار يكلولها وشوي تغار لو تحس بس هاي كل ماانشر حاجه تعلق
اوف ..سديت الجهاز ورحت نمت
...زهور...
هاي شنو فوك منشوراه اليلعب النفس يمسحه وميردني ..ماشي..نشرت
ستكشف لك الحياة الوجوه المزيفه ..
...وعفت ااجهاز ورحت ادرس
..طار النوم من عيني ...كملت دراسه نزلت اكل مالي نفس بالكوه اخلي الكمه بحلگي
زهور شبيج..لتلعبين بالاكل ..لو تاكلين لو تعوفي كافي بالخاشوكه رايحه جايه
...مو دتحاجيج امي انطرشتي
هاا شبيكم..على شنو تحجون شكو
..لا حبيبتي ماكو شي سلامتج كملي صفنتج اقصد اكلج
...فاتن تعبانه كلش مطايقه شي ..كمت وعفت الاكل ..صعدت فتحت الجهاز لكيته معلق صح كلامج
...هاي شنو شنهل جراءة يعلق ..اجيت رديته شنو ..مثل اسلوبه اتبعته ويا ..
فتره وردني فتهمتج شتقصدين ..
شنو شفهمت ..لا ماكو شي
جيت ومسحت المنشور..
..خرب مسحته اكص ايدي اذا ماعدها شي ..عبالها غشيم لو جاهل ماافتهم شتقصد من اضل تحاجيني وجيب وتاخذ تسئل ..كلش جنت اضوج من اسئلتها تسئل هواي اسئلة شخصية ..هي شدخلها بحياتي الخاصه ..مااعرف ليش احس روحي مجبور اجاوبها مااريد تسمع من احد شي شتريد تعرف تعرفه مني احسن باجر يوضح للكل والصم الحلوك التحجي عليه ناس زاحف ..وناس راكض بره وحده ..لو بيدي افرغ اقسام براسهم
..اجاني اشعار ..هاي الثوله كلسع تنشر
هسه شطالبه ..
.. تريد ملخص الدكتور
..زهور..
احتاج ملخصات الاساتذه الاسبوع الفات كومه شغلات فاتتني..نشرت بالكت احد عنده
..اوف هم هذه علق
...عندي ملخصات كامله ..
..اها اذا مصير عليك زحمه انشرهن..
..ماانشرهن
...على راحتك لتنشر ..
شفت منشور ابنية ثانية هم رايده ملخصات ...كللها باجر اجيبهن واستنسخيهن ...صعد الدم الراسي دموعي كامت تجري شكد خبيث ..
جيت علقت جوه تعليقه ..اذا كدرتي تحصليهن استنسخها منج
..ماشي باجر اخذهن من الولد واستنسخهن انتي زهور بقاعتي جيتي جديده مو ..اي حبيبتي بقاعتج
..اني رهف تشرفت بمعرفتج..
..الي الشرف گلبي
..شفت منشور ثاني طالب ناشر الملخصات كلهن مصورهن ..
علقت شكرته
ردني ..شفتج ناشره كلت خطيه محتاجيهن ..انشرهن انتوا جدد بقاعتنه
..شكرا اخويه تعبتك وياي مصورهن كلهن قليل امثالك ..
..لا عادي اختي ممسوي شي تدللين وردني ورده
..كتله تسلم ..
...لحظات واشوف هذه خبيث ردني ..
...انتي مو كلتلي للبنية تستنسخين ملخصاتي بالمبايل متفتهمين شي ..
...لا حسام عادي نتساعد اني باجر اجيبلها ملخصاتي ..وتستنسخهن مني ماكو فرق ..
...مااعتقد تاخذهن منك ..روحي اخذيهن من البنية بره حفلة التعارف باجر مااجيبلهن الها ..
...شفتهم يتحاجون واني مثل الاطرش بالزفه ..هسه هذه شيريد مو كلي ماانشر
...سويتله تاك شكرا مااريد ملخصاتك مو مقبلت تنشر..
..اي صح مقبلت مردتج تقرين بالجهاز ..تستنسخيهن احسن تكبالج ..
..لا مكتلي هيج انته مردت تساعدني واني مااريد اخذهن منك
...اوف شكللها معصبه زايد ..الحقيقه صدك مردت اطيها شي اسلوبها وياي معجبني ..بس شفت شون تحجي وي حارث ..كلت اشوف بس اني هيج لو غيري ..رديتها ..اي شي تحتاجي كليلي واذا منشرت تكدرين تدزيلي ..
..هه خوش يحلم ادزله ..
..لا شكرا مااحتاج شي ان شاءاالله
..يا جماعة ليش مشاكل بينكم هي نفسهن اخذتهن مني او منك لتكبر الموضوع
..جيت ..رديته اشكرك هواي حارث وورده
...عكد حاجبه وضل يتنافخ ..مطيتها مجال مضيعت فرصه تروح تحجي وي غيري ..ضليت اهديء نفسي اريد فد طريقة اغثها ..جيت نشرت
انتضرها ماكو معلقت ..عفت الجهاز ورحت غسلت وجهي صرت اغلي من الاعصاب
....وعدت نفسي بعد مااعلقله ليكول كاتله نفسها عليه ..ويتكبر زايد..شفته كلسع ينشر شكل ويمسح ..كلت مستحيل اطخ منشور من منشوراته ..ماادري وجهازي وكع واتفلشت جامته ..كمت ابجي واصار بيه ..صعدلي محمد..اتخبل من شافه ..بعدين كام يضحك عليه ..ههههههزهور من كل عقلج تبجين على شاشه امامية
...شون امامية يعني مابيه شي الف الحمدلله وشكر مسحت دموعي وحضنت جهازي ..والله لوصاير عليم شي مااتحمل اطك واموت
...ههه هاي شنو هوه جهاز ..خايبة دطيري ونزل..
..امشي تعبت نفستي شكد مااكسر اجهزه
...تذكرت الحفله نزلت ..لامي
...يوم ..يمه ماماتي حبيبتي . تعرفين شكد احبج ..
..اعرف شكد..هه احجي شترييدين
..ماما باجر حفلة التعارف واني ماعندي شي البسه حلو الفستان البسته بعرس نرجس مااكدر البسه ..اريد شي يناسب حفلات لان مختلطه هم مستور لازم
...ياربي شون فرق عن قبل كم شهر جنت اجرج جر..عمود لبسه الف الحمدلله تغيرتي..بس اكلج..هذه التغير انتي فكرتي بي لو عمود شي ثاني ..
..اوف ماما كلشي ماكو بس ردت شي مرتب ..
..هههههه واضح حبيبتي ماكو شي من وجهج الطكع..
..شنو مسحت وجهي ..ياربي شون اتخلص من هل حاله كل متكلي امي هيج ذاك الخبيث يصير كدامي ..ايضيع عقلي
...فاتن اتأشر كدامها بأديها..ماكو ماما مدتشوف شي رجعت صفنت
رجتني رجع..
..ولج فاتن شبيج ..خضيتيني
...زهور صارلج كم يوم مو طبيعية بسلا عشكانه
..انجبي فاتن مابيه شي لتفترين عليه
..ها يوم شكلتي نطلع نشتري ..
..يله يمه بدلي وفاتن تبقه يم مهودي والجهال
...اي طبعا فاتن بيبي سيتر متاخذوها
..كمت بدلت وطلعنه ..امشي مسافه وكل ماارفع راسي اشوفه بالوجوه ..ياربي هاي شبيه تخبلت..
..دخلنه للمحل اندار الرجال ..شهكت وختلت وره امي ياربي معقوله هوه
...ولج هدي عباتي شبيج مثل الجهال ..
وخرت رجعت باوعت موهوه ايي ..زين موهوه..
اشتريت فستان ماروني طول بيه بولك من فوك ويجي قالب على الجسم وبيه شوي عرض حلو ..كلش ..
دخلنه المحل الاحذية واني مااكدر اباوع بوجه احد كل الوجوه صارت هوه ..هاي شنو هذه عبالك لعنة بحياتي صار
اخذت حذاء عالي مقبط وبيه ورده فضية جو شته جان مديله
رجعنه للبيت قستهن كلش حلوات عليه
حضرت غراضي وجيت انام..
صورته صارت بين عيوني كمت اذكر كل موقف جمعنه صرت بصراع دامي بين كلبي وعقلي اليرفض يدخل احد بكلبي الدمع وكف اطراف عيني
اجتي ابالي اغنية مصرية بالخط جنه نسمعها
ايامي بئت من غيرك ماليها الويل
بتعزب كل ميكي عليا الليل
صعبة عليه فرائك طب عامل اي
..ديما روحك حواليه وفي كل مكان
بتخفف يا ما عليه سنين الحرمان
