شايل عليه ليش
وانه الشلتگ بگلبي
زهور...
خلص ..يوم التسجيل رجعنه تعبانين بأجر ابدي دوام ..ومااعرف شون ابقى بدون مهودي ..
صعدت ذبيت روحي على فراشي جيت انام اذكرت ذاكه الحقير وتصرفه..شكد سطحي لان مومثل هل بنات اجاهلني هيج ومخلالي قيمه نمت ومخثوثه
...كعدت ثاني يوم من حلم نفسه المردته يفارقني ..ذكه الفارس وعيونه الساحرتني ماخذتني العالم بعيد ..بس هوه المصبرني على الدنيا مجرد مره شفته غير حياتي .. مااعرف ليش احسه موجود وياي ودائما اشوفه بوجوه العالم معقوله اتخيله وهوه مجرد وهم ياربي كون هل وهم مياخذني العالم بعيد عن الحقيقة
....كمت متنحله وافرك عيني هم راح اكعد ..اوف مااريد اروح واشوف هل نماذج التعبانه
...يمه زهور كعدي كافي نوم تعالي اكلي دنوصلج
..يمه كايمه
..كمت بدلت ولبست ملابس الدوام شي رسمي ستره وتنورة وقميص ولفيت الشال عادي ولا مهتمه
بترتيب روحي ..
نزلت اكلت واخذت مهودي وطلعنه
...امي وعائلتي جوي وياي كأن رايحين سفره ولا كأن كليه دخلت للكليه وانصدمت الاساتذه كبل دخلوني محاضرات ..
ماما..هاج مهودي لازم ادخل ..
..اي يمه دخلي احنه نكعد بره ..
...بابا دخلوا هنا كلكم بها قاعه ..لتوكفون اكبال الباب..
..ماما داخله ديري بالج عليه وبسته ودخلت
...مقرر قسمنه ...هاي شنو جايبه ابنج وياج أصغر طالب مرحلة أولى ..
..كلش خجلت من كلامه لا استاذ هذه اخويه ..
..هه..هه شفتج كامشته والا شويه تبجين من تعوفي عبالي ابنج الله يحفظه الكم ..اندار على الطلاب ..كلكم فوتوا..دخلت وكانت الصدمه ..صار بوجهي ذاكه الحقير .رفع حاجبه وتنافخ ودار وجهه ضليت كاعده على اعصابي من شفته ..لا هواي هل سنه خير من هل شكولات التطرد الرزق..وجتني ضربه على راسي بستول بنيه شايلته منتبهت دطلعه تكعد ليكدام ومنا بدت رحلة تشويراته بيه ..
...دخللنه استاذ عرفنه عن نفسنه كلنه وكلنه شنو احلامنا وشنريد انصير بالمستقبل وكلهم اجتماعيين وواحد منهم ضل يحجي شغلات خلتني بالكوه لازمه روحي ماانفجر ضحك الا وجه الغراب من اجه سراه اكتفى بس بأسمه وسكت من سمعت صوته الخشن انسرقت ضحكتي ومغص بمعدتي صار ..
حسام..كعدت الصبح بدلت ولبست ملابس دوام عاديه وصلت للكليه كملت كم شغله ناقصتني من التسجيل صعدت دخلونه للقاعه اول مدخلت جذبت انتباهي أبنية نستني كل اعجاب ببنيه صارت بعيوني بس هي كلش فرق عن كل البنات لبسها وترتيبها حتى مو ذاك المكياج ولا مبهذله ضلت أبالي حبيت اعرف عنها كلشي اذا طلعت خوش ابنيه مااضيعها من ايدي كعدت بسراها صار عندي فضول اعرف منو هي دخل الاستاذ ودخلت وراه ذيج ودخلت وراه ذيج ام السان تذكرت كلامها صديت نظري عنها جتني عصره بگلبي من اشوفها انغث تلقائي بدون ادراك جرتني عيني الهاي الملاك من بلش الاستاذ يعرفنه كل واحد حجت على حياتها كلش عجبتني ودخلت بعقلي مجنت افكر بهل أشياء بس من شفتها مااعرف شسوت بيه شلت تفكيري حتى نستني اسمي عيونها السود الوساع غركتني بغير عالم قاطع شرودي صوت الاستاذ ..
...ابني وصلك السره عرف عن نفسك ..هه هه ابني انته ويانه ..
..اها استاذ اعتذر اتفضل ..
...شنو اسمك طموحك
..جاوبته وعقلي مو يمي ..حسام غزوان
..وسكتت بالي مو يمه وشيكول ..
...خلصت المحاظره ..عيوني مكدرت اشيلها عنها بالمقابل لاكيت بس صدها ..جذبني كلامها وي البنات وشون لمتهم حواليها ..لكن من تجي عيني بعيني ترجع تهز كياني كله وتصدني بنضراتها ..كمت من اكبالها رجعلي الم كليتي ..مشيت بتنحل طلعت من القاعه ..
...زهور تعرفت على البنات وكلهن حبابات وأبنية كلش عجبني لطافتها ونزاكتها كعدت يمها وضلينه نسولف ..وتعرف عليها ..والغثيث مشال عينه من يمنه ..بس مااعرف ليش كسر كلبي كأن تعبان ليش يمشي وكامش ظهره ..راح طلع ..اوف همزين طلع حته من افكر انقهر عليه اذكر تصرفه وبودي اكسر راسه مو بس ظهره...كمت واتأفأف منه انضربت رجلي بالستول ..اوف ثاني مره اتأذه من وره الحقير
جيت اطلع ..اوكفوا بنات لازم نكللكم شي اريد انسوي كروب اندخلكم لولا ..
...شنو كروب وياهم كلهم مينجرغون تأفأفت و
...طلعت اركض اوف شون نسيت مهودي وامي
..لكيته مهودي طالعه عينه من ايد الايد يتناقلنه البنات ويتمضحك ويبوسن بيه..
...ركضت عليهن وجريته هذه ابني ..
وحظنته حسيتهن دياخذنه مني..
انداريت على امي ماما بابا خابرتي يجينه ..خطيه كلش تعب مهودي ..اي يمه راح اخابره ..خابرته ورجعنه للبيت كلش تعبانين صعدت بدلت ونزلت تغدينه وضلت ماما تحجي الصار هناك اني عفتهم انام عندي دوام الصبح
