#دقة_قلب
#للكاتبة_زينب_البغدادي
#بارت_23
عندما يكون الشخص على حافة الانهيار النفسي، يحتاج للاحتواء أكثر من حاجته للنصح والعتاب.
حسام..صدك الشفته ياربي الف الحمدلله رجعت كون تتفهمني
..وصلت للسيارة
..اخذت قميصي ورجعت للكليه فتت للحمامات غيرته
.. اوف شون جامعه سافله البنات محد محسابهن كدنه طلعت الحمدلله لحكت ادخل قبل ميسدون الباب
صعدت اركض للقاعه..امتحنت الحمدلله اسئله سهله مطولت خلصت نزلت ادور عليها ماكو ياربي وين صارت اني شفتها دخلت شفت صديقتها رنا اقترب بأتجاهي
...سلام ..شونك حسام
...بخير اختي طمنيني زهور شونها معقوله تخيلتها الصبح
...حسام لا متخيلت موجوده بعدها منازله من الامتحان ...
...تكدرين تكلليلها حسام يريد يحاجيها
...اريد اوضحلك شغله زهور تعبانه وديصعد ضغطها..مااريدك تحاجيها وضايقها ..وهي دتحاول تنساك كافي نظراتك تأملها وبعدها تصدها ..زهور مدور لعب وتكبيل وياك من كلتلك تحبك هي رادتك..
مكملت حجي ..كامت دموعي تنزل مااعرف شحجي كلبي متفطر عليهم ..شكد ميحس بيها عايفها اضيع
...رنا مااكدر اعذبها وياي وتتعلق بشي منتهي
...معقوله حسام انته تلعب على الحبلين نعتبرك قدوه بالالتزام هيج تحجي لا غسلت ايدي من البقية
...مو هيج رنا فهمتيني غلط انتي هم ..اني مااكدر ازوج لسبب اكوله الج بس لتوصليه الها ابد تنهار وتتأذه
...حسام اني شاكه انته مريض
..دنكت راسي دينكشف مرضي ومدااكدر اخبي بعد...
..اي مريض وهل فتره ابد ممستعد الزواج ..والله يااختي الوجع دياخذ نص عمري
...مسحت ادموعي لتكول هيج اخويه بعدك شباب اطيب وتصير كلها قصص صدكني بعدين تتحسرون على بعض اذا استسلمت عمود مرض
...مطبت شون اتموت ورايه وعدها ضغط مااكدر اصير اناني لهل مستوه عذريني
...درت وجهي ورحت
...ياربي هذولي شون بيهم مسحت ادموعي انداريت لكيت زهور امدنكه تسد جنطتها ...اجيت يمها
...ها حبيبتي اشو طولتي بالامتحان كامت تبجي ..
...رنا مجاوبت معرفت احل بس سؤالين منو يكول انجح والله اموت اذا رسبت
...ياحبيبتي هاي لان مداومتي ..تعالي يگلبي شربي شي يهدئج انتي كبيرة شنو درجات تبجيج ..
...هاي شنو زهور دتبجي
...ههه رهف استلمي تخربين ضحك لان سؤال واحد محاله ومجاوبه سؤالين تبجي..
...هههه دكولي يالله اني سؤال واحد حاله والباقي تسفيط وفرحانه ننجح ان شاء الله
...اني من دخلت قانون وعدت اهلي اتفوق بي مو وكتها مااجاوب السؤال هذه
...يله حبيبتي عادي كلنه نغلط ..
..رحنه للسنتر اول مره اكعد اني ورهف دائما بس بالمسجات نحجي ..
..كامت هي ورنا يشاقون ويصنفون على شكلي ودموعي التجري على اقل سبب غيرو نفسيتي المدمره صرت اضحك وياهم الى ان طلعت للخط
وصلت للبيت تلكتني امي ...
...زهور امشي اخذج للدكتوره مدام امبدله
يمه تعبانه خلي على العطله...
...ولج ياعطله قبل ساعه جنت يم الدكتورة كالت جيبها ركض متدرين شكد خفيت صرت اتگله عليج
...ماشي ماما امشي انروح
...اخذنه تكسي ورحنه للدكتوره
...امي حاجيتلها كلشي
...حبيبتي رفعي ايدج بس اشوف حجمها
...استحيت مكدرت ارفع ايدي
..حبيبتي عادي ماكو داعي للخجل بس اجيك المكان ..رفعت ايدي دختها نغزتني
...اااه..شنو وجعتج
..اي دكتوره نغزتني
...تمام كلش تمام لتخافين بله فتحي الحجاب شافت ازلافها ياحبيبتي هاي هرمونات وملتهبه الغده الجوه الابط
راح تسوين هل التحاليل وترجعيلي ب
بعد كم يوم وتسوين سونر اشوف اكو تكيس لولا
....يا يمه امين جاها
...لتخافين ام زهور كل البنات البعمرها ديصير بيهن هاي حاله النفسية والاكل هم اله دور حبيبتي نزلي وزن ورياضه وكلشي تمام ولشيلين هم احد هوه مزمن بس يخف ..و انشوفج احلى عروسه بعد الزواج غير علاج لان هوه يأثر على الاطفال اذا متتعالجين ميصير عندج بعد..كتبتلي ادويه ...
..كلامها اثر بيه قررت اتعالج واهتم بنفسي وماادير بال لاي احد
بيت حسام
...يمه مريم شونه الحمل وياج ..
...تحجي وتاكل ...والله شكلج يمه مشلوع كلبي ..
..الله يساعدج يمه هاي لان بجر تتعودين على الحباله اتصير الساعه المنسيه
...يمه توبه بعد هل توم واكعد
...يمه صلوات عندج توم ولج ليش محجيتي قبل واني دااشتري بس بناتي
..لا يمه بعد خمس اشهر جهزي نفسج الجود وماري
...شنو ولج ياماري ياجود شهل اسامي عفتي اسامي اهل البيت ركضتيلج انتي ورجلج المدري شلونه هل خرابيط
...يمه فدوه للاهل البيت بس مقررين من قبل منزوج اول طفلين هيج اساميهم ..حتى جانو يصيحولنه بحفلة التخرج ام جود وابو جود
...شحجي شون سوالف ..يله يمه اهمشي سلامتكم وافرح بشوفت احفادي..لفت الشيله وتبجي ..يمه حسام راح اموت وماشايفه جهالهه
...يوم ماتعرفي قافل اصور حابله من الكليه وحده
حسام ...دخلت للبيت اسمع امي ومريم يتحاجون عني قاطعتهم
...ياحب..محاب اي وحده وموضوع الزواج سدو
...دسلم اول كول شونج اختي صار شهر ونص مجايتكم
...هلابيج ..مريوم سدي موضوع الزواج وي امي
...يمه عندي قلب ..ياساعه اموت ماتريدني افرح بيك ليش يمه
...يمه هل فتره مااكدر ..وبعد وكت على الزواج
...يمه مو صغير راح تفوت بل26 واتكلي اصغير ابوك بكدك عندنه ستار وانته
...يمه تعبان صاعد انام بعدين نحجي بهل موضوع
...اصعد يمه
...اكلج مريوم هاي البنية الحلوه الابسه فستان بصلي الاجت بعرسج كرايب مرت حماج..صار فتره افكر اخطبها بس مزوجه لولا
..يمه ترديني اذكر قبل اربع اشهر واني اذا كلت شي البارحه انسا اليوم
...ولج هاي بت عمها مدري بت عمتها
...يمه اني اعرفها بس شنو تزوجين حسام بالغصب مو كال ماازوج شنو تفرضين عليه ابنيه ميحبها
...ولج ريمه انتي سكتي لتدخلين بحجي الكبار الحب يجي بعد الزواج خوش فيكه طالعيلي احب وازوج
...يمه ماكلت شي بس ليفشلج ..وحجيت لان شفتج محتاره ومريم ملتهيه بالعرس ماتذكر اني اذكر لان صار شي بذاك اليوم
...شنو ولج اشصار
...اخويه الذكي شمر سترته عليها ودفعتها وعصب وتعارك وياي عباله اني موكعتها كتلها ليش وكعتيها ضلت تزمخ بعونها حسام وعصبت منها وهوه هم مقصر ضل ينافخ بوجها واني بينهم لا يتعاركون مااكدر انسه هل يوم..شبعدت ارزاله بي وغسل وجلف بالستره
...شنو ولج ليش مندري
...هههه يمه طلعت ماشية المي من جوه دينه
...اوي لوشايفيهم شكد رومنسيين واحد يباوع على الخ وجدحون غضب
...عيوني وين الرومانسية اذا متعاركين
...لا يمه معليج هاي التكدرله الحسام والله شكلج كلش عاجبتني
...اكلج يمه تذكرت نرجس جانت البارحه ابيت عمها وكالتلي بت عمها الصغيرة راح تزوج خطبت البارحه ..
...لا يمه لتكوليها معقوله هي
..يمه لا مااصور الجبيره معقده متزوج
...مريوم لعد هاي الاقصدها لان جانت متكبره زايده شمرت الستره ومباعت وراها اختها جانت الاصغر تحاجيها وتبسمرلها ولا يمها ..
.يمه هاي التفيد اخوكم وتكسر اعناده اني كلش مقتنعه ..
..بعد كل الحجينا تكليلي مقتنعه شقنعج بيها
...مريوم حاجي مرت حماج اشوكت الحنه اريد اجي الحك عليها لتنخطب
..ماشي يمه هسه اتصل اشوف عرس شوكت وتعالي وياي
...هلا نرجس اسئلج بنات عمج يطون الثانيه
...والله ماادري مو كتلج زوجو الصغيرة الجبيرة معقده روحها متزوج ..دتكمل دراسه
...صدك ؟!
..يمه دتدرس
...سئلي شتدرس
...اكلج حبي شتدرس
...قانون
...يا صدك
...امها تريد مواصفات لازم خريج ومتمكن انتي المن رايدتها
...امي عاجبتها الحسام اخويه وهم يدرس قانون
...ما شاء الله عندج اخ يدرس
...هوه ملازم وديكمل قانون
...يا صلوات ماشي حبي اكول لامي تحاجي مرت عمي بالكت تقبل..ها صدك تعالي للحنه بعد الامتحانات على العطله..
...ماشي ..حبي الله يقدم الخير
...
...نرجس ..خابرت على امي
...هلا يوم شونج شخباركم
...هلا كلبي الحمدلله على الله انتي شونج وي الحمل
...تمام يمه بخير ..ردت اسئلج مرت عمي مزوج زهور ..
..حبيبتي متشوفين ترفض العرسان بزعتنه ..
..يمه هاي قبل اكيد من شافت فاتن انخطبت هم تريد تنخطب خطيه هذه حلم كل ابنية ليش نوكف بوجه نصيبها كليلها لمرت عمي ..مرت حمايه رايدتها لاخوها وكاتله روحها عليها الولد ملازم ويكمل قانون ..خوش ولد متدين شفتي اسوه حتى عبا لبسها لخته بالعرس ..يوالم عمو نفس تفكيره
...ماشي يمه يصير خير اخابرها واكللها..الله وياج حبيبتي
...الف سلامه يمه..اتصلي وردي خبر
..ماشي
...دكت لام زهور
...عيني شونج
..هلا كلبي شخباركم
..الف الحمدلله انتوا شونكم
...والله هاي رجعتنه من الطبيب
..خيرج شصاير؟!
...زهور تعبانه ..
..يا يمه شبيها..
صدك ميسون اكلج انتي شون صرتي التكيس شون عالجتي
...اي عالجته وتمنيت اعالجه من قبل ماازوج تعذبت ١٨سنه بس صار عندي نرجس وايلاف خةب بالكوه
...يا صدك تأخرتي يله حبلتي ١٦سنه بره نرجس
...اي والله انشلع كلبي ..بس ليش سئلتي
...الحجي بينه زهور صار بيها
...يا يمه حبيبتي لازم تاخذ العلاج واتريح روحها كافي اشيل همكم
...اي والله خطيه تعبانه نفسيتها
...صدك شون راح من بالي
...حاجتني نرجس
...اي
..اتكول مرت حماها عاجبتها زهور لاخوها رادتها البنيه خليها تشوف حياتها كافي خانكتها شجعيها تزوج ومرضها عادي كلنه صار عدنه جهال اكطيعه شحصلنه هاي نرجس عافتني وزوجت اول مندك بابنه
...اي والله شحصلنه ..زين الولد شمخلص
..ملازم وديكمل قانون
..يا ماشاءالله همه امبينين خوش ناس شفناهم بالعرس والله موقفه مينسي شون الولد يحب الستر..
..اي حبيبتي كلش مناسب ومتأكده ابو محمد ميعارض عليه
...شكلج اني اشوف شيكول وخلي بره عرس فاتن تشوفها
...ماشي كلبي الله وياج
...مع السلامه حبييتي يصير خير
...اكلج زهور الج ابشاره
...كامت بطني تمغصني امي متكول هل كلمه اذا مو عريس
..شكو يمه خير
...اي خير
...انتي كتلتي روحج تردين ضابط واجاج بعد شتردين
...يمه اني اريد اصير ضابط مو ازوج ضابط
..يمه تذكرين الولد البس اخته عبايه بعرس نرجس
...اي يمه نذكره موهيج زهور هذه الضليتوا تباوعون البعض
...انجبي وين باوعتله ..
..اتذكرت عيونه تطي شبه الحسام هواي مااعرف هاي اول مره كلبي هيج ايرف من تكلي امي على عريس
..دااكللها مثل كل مره لا
...كتلها ..ماشي يمه التردي يصير
...فاتن شهكت شنو زهور اتكول هيج لا مااصدك يمه كرصيني
...ولا اني مصدكه يمه خاف مصخنه
..شنو يمه شكلت اقصد مااريد اصخام الصخم حظي المزنجر اجابني حجيت شيخلصني من السانهن بعد
...صعدت الغرفتي طلعت ملازمي اراجع الامتحان وافكر بحجي امي كلت استشير رنا ورهف اليوم سوينه كروب وحدنه بس احنه اتلاثتنه
..بنات اكلكم شغله صارت وياي اليوم
...احجي زهور شكو خوفتيني شطلع بيج..
...رنا ماكو شي بس طلع تكيس..مو مثل متوقعنه الحمدلله
الف الحمدلله وشكر ...
..اليوم حاجت امي مرت عمي وكلتلها على ناس يردون يخطبوني..ملازم ويكمل قانون بس متردده كلش بالي مو صافي
...حبيبتي وافقي حسام ماكو منه فايده
..اعرف بس كلبي مديصدك شلون بي اليوم شفتي شون يباوعلي
...بنات ياحسام بسلا هذه المعقد
...اي هوه رهف
..شنو وشدخلها زهور بي مدااربط
...عيني متدرين
..رنا لتحجين
..لا احجي رهف صديقتنه
ولازم كلشي تعرف ونشوف شتنصحج..
ماشي حبيبتي كليلها
..الاخت معجبه بحسام
..لا حبيبتي هذه ميفيدج لان يحب وحده
..ادري ..واتحمال اوافق بعد مااريد اذكره دتتأثر نفسيتي وتتعب
..يله بنات كومن نقره بعدين نكمل
