#دقة_قلب
#للكاتبة_زينب_البغدادي
#البارت_السادس
دار وجهه وراح حته معتذر
هذه شبي ...اول جتفي ...شون دفعه
جسمي كله...كش...ليش هيج مستعجل مشايف كدامه
احد ...
اندار بابا ...
يله بنتي ...شبيج شارده ...امشينه
ماشي بابا وراك ...التفتت ...ليورة ..
شفت..شرار ونار عصبي على الأطباء ...وضرب ايده
بالحايط ...من يمي فزيت ... الله اعلم شصاير ويا
وهيج معصب ..
.....
حسام صعدت وياهم بسيارة الإسعاف
واعصابي ..فول ...عضيت ايدي ...ندم شون
منتبهت عليه ...وغافلني
...دكيت على كل الوحدات يطون علم للمستشفى الرايحيله
ينتشرون حرس ... خاف يصير شي
نزلنه من الاسعاف
اخذوا ... بالطوارئ الممرضين والدكاترة
ومشو كدامي
جيت احجي واللواء موجود لكيته
سيدي اسف الخطأ مني مكمشته ..زين
لا اعرفك متقصر فوك المجازفه الجازفتها
الخطأ مو منك بس شتتوقع من انتحاري ..
ميدزو اذا ميتأكدون يموت وميحجي عنهم شي
والناس الجهله التمشي وراهم ...عقليات تعبانه
اكتل نفسك وللجنه تروح ... استغفرالله ...
انلعن شيطانهم على هل تفكير
اجاني اتصال ...من جوه المستشفى
حسام...
الوووو..احجي اصار عايش
لا سيدي مات ..
سمعت هيج فقدت اعصابي ...دخلت اركض
لا ميصير يموت بهل سهوله ...اريد اخذ روحه بيدي
ماارتاح اذا مااعلك مشانگهم
مااطلع حسام ابن ريسان
اركض ...ومشايف شي كدامي ...
انضربت ببنيه ..اجت عيني بعينها
.عقلي توقف للحظه عن التفكير نسيت اركض شرايد
غرگت بسواد عيونها
اني الضابط حسام الاتلاوه ويه الموت.. المحد يجرء يوكف
گدامي الكل تهابني
هيج اوكف جامد بمكاني ...انربط الساني
