جبروت الشيخ وقلبي ..

38

› جبروت الشيخ وقلبي › البارت الثامن والثلاثون
البارت الثامن والثلاثون
البارت الثامن والثلاثون
مساء الخير احبتي ..
اليوم البارت من اصعب البارتات الي كتبته خلال القصه وفعلا تعبت بي بشكل مو طبيعي
بس انشاء الله كدرت اوصله بصورة حلوة
متابعه طيبه حبايبي
الكاتبه بنين الكائي ...🦋❤
...........................

مرتضى .. بس حتى تعرفين مواهبي هواي بس محد يقدرني ..يالله الله كريم
ابتسمت على كلامه
طلع هو كلينس من جيبه وكلي هاج ..ممنوع بعد يطلعن هذني خليهن عزيزات وصعبات
بقيت صافنه ماخذته
رد حجه ..والله كلشي ماماسح بي هستوني اخذت من الكاونتر
وكتها ضحكت من كلبي وخذت وحجيت ..مو قصدي اسفه
مرتضى ..والله اشتاقينه للضحكه .. وكته بقيت صافنه علي مستغربه بس رد كمل وهو يشاقه ...بعدين شنو هل الادب زايد ترى مامتعلم واحد يعتذر مني كلها ترزلني من باب الميانه يعني ..
ضحكت اني وماحسيت غير الكل يباوع علينه
ورقيه مبستمه بوجهي وتحجي ..يبوو واخير سمعت ضحكة غاليه
باوعت عليهم وحجيت ..شنو هلكد اني جنت منكده عليكم حياتكم
رقيه .. ولج شمنكده علينه اصلا جنه شايلين همج ..بس هسه فرحنه ان انتي رجعتلج الضحكه
غاليه ..لا تشيلين همي رقيه ..اني الحمد الله بخير
ايه ..اي انشاء الله دومج بخير غلوي ..انتي تستاهلين كل خير
بعدها خلص الوكت بالحجي واللعب والضحك
وياهم نسيت ماكول همي لكن جزء من همي
يومها نمت اول مره من وكت من صارت المشكله ولسه وصار عندي امل ان حياتي راح تتغير او جنت متاكده ان راح غير حياتي ماريد ابقى متمسكه بحزني وكاعده بس اتالم لزم ابدي اغير بنفسي وحياتي ..و اكيد رب العالمين راح يكون وياي وينصفني لان بحياتي كله ماذيتلي احد جان كل همي طول عمري هي اهتم بغيري واسمع كلامهم ماناقش الي يكولوا انفذا
حتى حبي لشهاب جان حب تخليت بي عن شخصيتي وتمسكت ان كون شخص الي يريده او الي دائما مايسوي شي خطأ لخاطره ..بحيث امشي مغمضه ورا
مأمنه بي وعايفه نفسي تحت تصرفه ..
المشكله الصارت رغم قسوته والمها والغدر البيه
لكن نبهتني شي وعيت علي هسه .. مو لزم اأمن واكول هو يحبني عادي شراح تسوي امل لو غيرهاا
ناسيه ان لو عشقني بس نسوان لو رادن يوكعن واحد لو اكبر رجال يوقعنه ومايفرق كان يعشق مرته او لا شيخ ضابط تاجر طبيب محامي قاضي مسؤول راح تكدر بالاخير توكعه ..فغباء مني عفت كلشي وماتصرفت
جنت اكدر افرض عليه حقي واكدر من اول يوم اجتي بي امل احط حدود اله والي ..
وماامن واكعد وسكت وانطيها حريه تاخذ رجلي مني
اني اعترف اني غلطت هم مو بس شهاب
قبلت اكون الطرف الاضعف والي يكولون عليه طيبه وتسامح وتغفر ..صح اني غلطت من شفت كل تصرفات امل وماوكفت بوجهه جنت اكدر ابعدها عن بيتي ورجلي
اي اكدر بس عفتها بكيفه تلعب ..ونتيجه طلعتني واخذت كلشي ..وضربتني ضربه وجعتني كلش
بس نفس الوكت خلتني افكر بكل تصرفاتي واعيد ترتيب حياتي ..على طول تصير مشكله انهزم مااوجهه
كل وكت اتجنب المشاكل وحتى اسمع حجي واعبره
مايوم بحياتي فكرت ان اقف وحجي ادفع وصرخ واخذ حقي
جنت دومني الشخص الضعيف بكل مناقشه
وكل عركه ..حتى ويه شهاب مجرد مناقشات بينه دومه هو يربح واني اخسر وانفذ كلامه ..
بس ليش ..سؤال اجاني فجاءه ..ليش
حتى يكول انتي احسن وحده بالعالم لو حتى يحبني اكثر لو حتى اضمن هو باقي بحياتي ماراح يتركني ..
فعلا غلطت لان جنت الاضعف وكتشفت ان هل شي خلاني اخسر مو اكسب لزم ادافع عن نفسي عن حقوقي عن كلشي اريده ..
&&&&&&
غصون
جنت كاعده ارتب بالغراض مال مطبخ
ومتعارك ويه احلام ومنفعله
غصون .. ولج انتي منين تجيبين هاي المواعين مو قبل شويه غسلتهن كلهن
احلام .. اي شسويلج ..جانن بالغرفه الجوا
غصون ..والله نوب الي يوسخ ماعون هو يغسله ..مو خدامه عدكم اني شنهي 24 ساعه كاعده بالمطخ انظف شو عمري خلصت من المراهقه للشباب بالمطبخ
احلام .. يالله عاد اليسمعج يكول صدك ..شو يومين تنظفين وثالث تنامين وتخلين الهوسه على امي غير لو ماعطله جان لسه امي تنظف ..
غصون ..هو منو يكول صح تنضفين نوب كله تجذبني ولا عبالك اسوي شي
امي ..كافي صدعتني ..يبووو لو اني انظف بدالجن ولا هاي هوسه
احلام ..يمه وين ريحه شو مبدله
امي ..اي رايحه لمهند للعياده حتى يشوف رحاتي موتتني البارحه مانمت منها ..
مادري ليش من كالت امي رايحه المهند للعيادة حسيت كلبي نتفض وحجيت بسرعه
غصون ..يمه اني هم عندي راحتي صارلها يومين توجعني اروح وياج
امي ..يالله امشي
غصون ..اي ..بس ابدل واجيج
امي ..مو ساعه ترى مستعجله عندي روحه
ركضت واني ارد ..لا لا ثواني واجيج
يومها مدري شبلاني ..ورحت كشخت لبست نفنوف
لونه نيلي وبي ورود ناعمه ابيض
وشال نيلي ساده ولفيته بطريقه حلوه
حطيت كحل وشويه مرطب وردي على شفه
واني بيضه فكلش لاكلي ..
امي باوعتلي وحجت ..احد كلج راح اخذج تعقدين ..طالعه عروس وين مولين هي عيادة اسنان
ضحكت وحجيت ..واذا يمه ضضايجه من زمان ماطالعه ..خلينه اغير نفسيتي شويه ..
ماحجت بس طلعت كدمي وهي تحجي ..امشي فضيها يالله ..
باوعت اخر مره للمرايه واجتي احلام شافتني اعدل وحجت .. رجعنه لنفس السالفه ..انت الا تنكسر ركبتج يالله جرين عدل ... طريق وكلنه لاتمشين بي لو هي عناد
غصون .. وداعتج رد عتبار مو اكثر ..اريد يعرف هو الخسر مو اني ..وعاد واذا دكتور مو يعني اقل منه لزم يدوسني
طلعت وعفته ..واول ماوصلنه للعياده
لكينه يمه اثنين قبلنه ..امي كالت اكعدي خلي خطيه يخلص البيده ..هو على كيفنه احنه ..
وصدك انتضرنه سرانه عادي ..رغم طولوا كل واحد يبقى بالساعه ..
دخلنه اول ماشافنه نهض من مكان ..واجه سلم على امي
وكله ليش عمه بقيت برا ..مادخلتي
امي كالتله ..مامستعجله يمه على كيفك هم ناس قبلي عيب اكسر سراهم ..
التفت علي وعيونه كصتني من فوك ليجوا ..وحجه ..منوره غصون
رديت عادي .. تسلم ابن خالي
كوم امي للكرسي ..واني بقيت كاعده كدام مكتبه
كعد يشتغل باامي وضربها ابره وحجه ..عمه نص ساعه يشتغل البنج واكمل
امي بس هزت راسها ..
كعد على كرسي كدامي ..وحجه ..اي شتحبين تشربين
رديت واني اصلا عيني على امي مو يمه ..شكرا مااجيت اتضيف
رد ..السانج متبري منج دوم
غصون ..كلمن خلي بنفسه
مهند ..هيج صارت
غصون ..اي
نهضت من يمه ..وكفت يم امي ..وحجيت يمه راح اروح اجيب مي علما تكملين
هزت راسه بااي
عفته يباوع علي بغضب ..وطلعت اول ماطلعت يالله سحبت نفسي
ونزلت جبت مي من جوا ..وشربت
وبقيت شويه واكفه ..بعدها شفت واحد اجه علي وصار يذب حجي ..رجعت صعدت
ودخلت لكيته جاي يشتغل باامي
كمل ..وحجه خلصتي عمه مااكوا شي بسيطه
رفعت راسها وهي ماتكدر تحجي ..بس كلمة تسلم يمه
لزمها من ايدها ..وامي مثل الداخت اجيت اركض عليها كتله يمه شبيج
ردت وهي بالكوه تطلع كلمه ..مااكوا بس شويه دخت
التفتت علي وحجيت ..مهند شبيه امي
رد علي ..مابيها شي من البنج
كعدها على كرسي ماله ..وتقربت امسح بكصته
لحد ما بابا دك علينه ..فتحت وكلي دزيت امير عليكم
رديت علي ..ليش دز امير ..ليش ماتجي انت
رد بابا ..حبيبتي اني عندي شغل
باوعت لماما وحجيت ..راح يجي امير ياخذنه
امي هزت راسه بااي
مهند ..انتي مو هم تردين اكشف عليج
باوعت علي ورديت ..لا عادي اهم شي امي
مهند ..اي خليها عمتي تروح ..وانتي ابقي كملي فحص وارجعج وياي
عرفت سوا هيج خاطر ماارجع ويه امير بس رديت علي ..لا مايحتاج عود غير مره اني هم شي امي تصير زينه
باوعلي بغضب والتفت لامي ..عمه تردين اوصلج
ردت امي ..لا حبيبي ..والتفتتلي وحجت بلكوه تفهم ..ابقى خلي مهند يفحص اسنانج عود بعد شيرجعنه مره ثانيه
رديت عليها ..لا ماريد
كاعد نحجي ودك امير على امي..ولان هي ماتكدر تحجي انطتني موبايل اجوبه
وكته مهند اكلني بعيونه من شافني افتح علي خط
وكله اي ..تعال اخذنه احنه فوك بالعياده وسديت
شويه ودخل امير ..وحجه ..سلامتج عمه
يالله حتى اوصلكم ..ولزم ايدي امي هو من جهه واني من جهه ..وباوعلي وحجه ..شلونج غصونه
كوه بلعت كلمته ورديت ..هلا من ورا خشمي
جاي نطلع ومهند حجه ..غصون يالله امشي كعدي هناك اكشف عليج
بقيت صافنه شبي هذا ..