جبروت الشيخ وقلبي ..

الاخيررررر

جبروت الشيخ وقلبي
الاخيرة الجزء الاول

مساء الخير احبتي
ومع اقتراب نهاية القصه حبيت ان انطيها كل حقها
فماختصرت بااحداثه لان بالكتابه اني مااحب الاختصار ..
لذلك قسمته النهاية لجزئين
واتمنى القصه جانت عند حسن ظنكم وستمتعتوا بيها واخذتوا العبرة منها ..
متابعه طيبه
الكاتبه بنين الطائي ....❤🦋
...................
غاليه
بعد مخابرتي ويه شهاب بقيت بقلق ومادري ليش كلبي ابد مامطمن والواب علي
خالتي من سالتني شبيج يمه بس تحوسين وتفترين
كتله ..لا ماكوا خاله ..بس انتضر شهاب يجي
خالتي ..والله اني هم كلبي اليوم يوجعني من الصبح لسه ..دكيت على الكل اطمن عليهم وهم بعدني بقلق
الله يستر ..
بعدها بساعتين ..صارت هوسه بار بيتنه
وطلعنه نركض على اصوت
واجه زيدون يركض وحجه ..يمه علي وشهاب سوا حادث
اني هنا ماعت روحي وكوه لزمت نفسي ..
خالتي لطت على وجهه وركضت بالشارع حافيه وهي تحجي وينهم يم ولدي ..
بعدها الكل التمت علينه بيت عمتي على بيت عمي
وكلها تركض ..واسمع بس رمي رصاص مله الحي
اريد افتهم شصاير ..مادري دفعوا مهند وحسين
كل احنه دخل البيت ..وزلم كلها اخذوا اسلحه وطلعوا
خالتي وزيدون ومهند ركضوا للمستشفى ..
اني بقيت واكفه مكاني ويه عمتي وصحت ..شصاير فهموني ..شهاب وعلي شبيهم
عمتي بس تبجي وتحجي ..مابيهم انشاء الله شي
ماعرف بعد جاي يصير ..ردت اطلع بس الباب جانت قافليه علينه من برا ..صرت ابجي واصيح افتحوا خلوني اطلع ..اريد اشوف شصاير ..
ماحسيت غير انفتحت الباب ودخلت رقيه وهي تبجي وتعيط ..ولج غاليه شصار بااخواني
لزمته واني احجي ..كلشي مابيهم انشاء الله مابيهم شي ..

شويه ودخل حسين وحجه ..يمه امشي بسرعه
التفت علي وحجيت شصاير احجي
باوعلي وعيونه حمر وعرفت صاير شي
رد ..واحد منهم مات ..
وكتها الدنيا سودة بعيني ..اريد احجي انطق
ماكدرت جسمي كله كام يرجف وخاف اسال
لحد ماعمتي ..صاحت ..يبووو ..وكامت تلطم على وجهه ..
اريد افهم جاي يصير فقدت وعي ماعدت اوعه لشي ..
بس حسيت على رقيه ..وهي تكع بالكاع من طولها ..
وتلزمها وحده من نسوان ويلتمن الباقيات ..
عمتي عافتنه وطلعت تركض ويه حسين
بس جلبت بعباته وحجيت ..خليني اروح وياج عمه ..ابوس ايدج اريد اشوفه ..كلبي وكف بعد ماكدر تحمل ..
باوعتلي وهي تبجي وكالت امشي بسرعه
ركضت لبست شلون ماجان وصعدت ويه حسين وحجيت واني حس جسمي كله يرجف وكلبي من كوة ضرباته احس يريد يطلع من صدري ..
وكتله فدوه حسين لاتكلي واحد مات ..والله بعد مابيه اصل ..
عمتي ردت علي وهي تلطم وتبجي ..ولك ياهوو المات فهمني مو بعد ماكدر كلبي راح يكف ..
رد حسين ..يمه مادري انه خابرت عليهم كلهم ومايردون بس دكيت على واحد عرف يشتغل بالمستشفى وسالت على حادثه كال واحد كلشي مابي والثاني اول ماوصل مات ..
وكت عيوني غوشت واحس روحي صعدت تريد تطلع مني
بحيث اريد اتنفس بعد مااكدر وصرت اتذكر اخر مكالمه بينه كلي ماتاخر بسرعه ارجعلج حبيبي ..
وكتله انتضرك ..معقولة راح وعافني وحدي ..شلون يروح وهو وعدني ما يصير بي شي ويرجعلي ..
شلون يتركني ويروح مايدري اموت بعده ..لايربي لاتحرمني منه ..
وتخلي اخر ذكرى بينه ان حاول يصالحني بس صديته ..توسل بيه وتعذب بفراكي وماسامحته مع ان ادري بي معذور مو بيده ..معقولة بعد ماحبيته وحبني كل هذا الحب يفرقنه الموت انت كلت يشهاب مايفرقني عنج غير الموت ..معقوله اني سبب وخليتك تروح من ايدي هيج ..