جبروت الشيخ وقلبي ..

37

البارت السابع والثلاثون
جبروت الشيخ وقلبي

مساء الخير حبايبي
اعتذر منكم عن تاخير بالنشر لكن الاغلب يعرف عندي ضروف صعبه والله بالكوه الخاطركم انشر والله وضعي كلش صعب
ماراح احجي عن كمية الانتقادات والحجي الزايد
بس اكلكم اني انشر وكت يصير عندي مجال وكاعد اوضح هل شي كل مره فبلا كلام محلو
لان العندي يعلم بي بس الله
نزلت بارتين سوا ..
فمتابعه طيبه ..
الكاتبه بنين الطائي ...❤🦋
............................

غاليه
بقيت فوك انتضر شهاب ..اريد اعرف منه شبيها هاي هيج لزكه بي ..
اجه هو وياها ..واني نزلت على درج على كيفي امشي
من سمعت عركتهم يم باب الاستقبال
وخالتي تحجي ..بس كافي لا تسمع غاليه ..ولك يمه اسكت فدوه رحتلك
اني هناا وكع كلبي ..وكلما اتقرب احس بطني وكلبي كامن يوجعني
سمعته يحجي ويصيح بس بصوت ناصي ..انت احقر انسانه شفته بحياتي وحيه مسمومه ..تقصدتي تسوين هيج وجذبتي علي ..بس الا اموتج خلاص وخلص منج بنت النعال ساقطه ..
ردت هي ..والله مابايكته ولا جايبته من شارع ..وهو صار بعد شتريد اروح انزله مثلا هذا ابنك مثله مثل علاوي ..
وكته مادري شنو احس ..اني جاي اسمع زين لو جاي اتوهم ..عقلي مارضي يصدك ولا كلبي
دخلت عليهم واني بلكوه اطلع الكلمه مخنوكه بيها ..وحجيت ..انت...انتي حامل من .. منو
كلهم التفتوا علي ..وقبل ما اي احد يحجي
حجت وهي تباوعلي بكل ثقه ..حامل من رجلي طبعا ابو ابني

لحظته اريد اسحب نفسي صار النفس يخنكني ..ماعد احس بالداير ميدوري ختل توزني واذني كامت توش بعد ماشوف زين وبقيت حاول اثبت مادري نهار كدامهم وصرخ وابجي لو اهجم عليهم اكتلهم اثنينهم لو انهزم من كدامهم واكتفي مر كل هل افكار بثانيه بالي ..
بعدها ماحسيت غير على ضربت شهاب
وهو يضربها راشدي وكعت على اثر بالكاع وهي تصيح
فوك مااخلفتلك جهال تضربني ..حتى ماتكدر تخلف
رد هو عليها ..بس ماكدر اسمع شي اصوتهم مامفهومه صارت الي ..
مادري ليش ماكعد اكدر اتحرك عقلي يكلي اطلعي بسرعه انهزم من كدامها ..بس رجليني ثابته بمكانهم ..
واديني هم جامده كل جسمي تقريبا جمد ماعاد يتحرك ..
مارجعت الي حرك غير وكت
صاح ..غاليه ..بس اسمعيني اترجاج
وكتها كدرت ارجع اتحرك ..وركضت من كدامه للغرفه
قفلتها علي ..وستند عليها واني ابجي واحترك من داخلي
هو جان وراي ..وصار يحاول يفتح الباب يدخل
بس لكه مقفول بدا يدك عليه ..ويحجي ..غاليه ..لا تسوين هيج بيه ..بس انطيني فرصه احجيلج غااليه
ماجنت اسمع شي وكتها حسيت بغصه بكلبي ..وصرت ابجي بحرگه ..وصرت اشمر بالغراض الي على ميز المرايه كلهن شمرتهن ترست بيهن الكاع ..
وشلت افرش الجربايه كله شمرته واني احس نار تاكلني جان ينام هناا يمي وياخذني بحضنه ..ويروح عليها بنفس الوكت شلون كدر ..شلون اجه كلبه يسويها بيه
ماعرف شنو صار بيه غير نوبات جنون وحرگه ..كلبت الغرفه اكسر بالغراض ..وافتح الكناتير وشمر كلشي بيهن برا ..
واسمع صوته وهو كسر باب ..بالدك ويصيح ..غاااليه ..غاااليه لج رحمه لله رد علي وفتحي
بس اسمعيني ..بربج لا تموتيني هيج عليج ..غاااليه افتحي لو اكسرها للباب ..لخاطر محمد ردي عليه
ماجان يسمع غير صوت بجي الصار عالي وشهكتي الي صارت بصرخه ..صرخه على كلشي عشته ويه وجان خدعه وعدني مااياذني وياريت بس اذاني هو كسرني مية قطعه ..
من سمع صوت بجي على ..كام يصيح ويحاول يكسر الباب ..بس سمعت صوت خالتي وهي تبجي ومجلبه بي وتكله ..خله تهدا لا تلح وياها ..
عاد وكتها تخبلت واني اسمع يصيح بخالتي ..ويكله كله منج اني جبتي هل الحقيرة هناا وانتي الي جبرتيني الخاطر علاوي اتقرب منهاا ..وهل طلعت حقيقته   ..سوت كل هاي حتى تبعد غاليه عني ..هسه يمه ارتاحيتي من تسمعينها كاعد تموت جوا واني كاعد اموت برا ..وماكدر اسويلها شي ..