جبروت الشيخ وقلبي ..

ج 2 والاخيررررررر

جبروت الشيخ وقلبي
Banen_altaea

  
الاخيرة

مساء الخير احبتي
اول حابه اعتذر عن عدم نشر الحلقه الاخيرة والله النت انقطع منا وهسه يالله رجع ..
والثانيا بالنسبة الي ينقدوا براحتكم اني انسانه مثلكم وام واحيانا ضروفي تجبرني ان اتاخر
على العموم هذا اخر بارت وخليته اطول بارت بالقصه حتى تستمتعوا بنهاية ..
وحابه اشكر جميع المتابعين وخاصه الي يشجعوني حتى استمر ..ربي يحفظكم على كلمات الحلوه والمشجعه ..
والقصه نجحت وصلت لهذا المستوا بفضل الله وفضلكم وبالنهاية تقبلوا تحياتي
الكاتبه المتواضعه والهاويه
بنين الطائي
متابع طيبه حبايب ❤ 🦋...
..........................

غاليه
لمن صحيت ..فتحت عيوني على وحده تضرب بيه ابره بالكانونه ..متروسه شويه ولابسه صدريه عرفتها ممرضه
فحجيت واني اباوع عليها
عفيه شصار ..وليش اني هناا
التفت تباوعلي وحجت ..انتي هناا لان وكعدتي من الدرج وسقطتي الطفل وزوجج وحماتج جابوج قبل ساعتين ..لسه ينزل عليج شي لو انكطع ..
رديت عليها مستغربه ..الطفل ..يعني اني جنت حامل
ردت هي ..اي ليش ماتدرين ..شهل نسوان يربي نسوان تالي وكت .. وحدتجن ماتدري بنفسها حامل ..تالي تركضنه على درج وهل راح الطفل ..

وكت صرت ابجي بصوت وقهر ..ليش يربي مامقسولي الفرح ولا لحظه حتى اكثر شي تمنيته بحياتي راح قبل مااحتى ماافرح بي ..كل عمري اتمنى تالي يروح هيج وبلحضه وقبل ما فرح بي بجيت على خسارته ..
هي شافتني هيج ..اتقربت تحجي ..لا حول الله ياربي..هذا اول طفل الج ..ميخالف يتعوض بعدج صغيره ورجلج شاب تعوضوا ..
كمت اريد كعد ..تقربت ساعدتني وسندتني على حايط
ورديت من بين دموعي ..بعد ماكوا شي يتعوض كلشي انتهى وخلص
ردت وهي تطلع ..زوجج راح يجبلج علاج ..وحماتج جوا تسويلج بالدخول مالتج ..راح اكله صحيتي ..
وطلعت
واني بقيت بس دموعي تنزل ..واحس بقهره شكبرها
والم والله كلبي حسني راح تأذئ بشي عزيز عليه ..وتوسلت بي يخليني اروح بس لا انانيته اكبر ورغبته بتملك اقوى من ان يسمع الي اطلع من يمه ..وخسرني وخسر اخر فرصه تجمعا سوه وضيع احلى حلم جنت اتمنى ....
بعدها دخلت فاتن وشافتني واني ابجي وكهد
حجت وهي تركض بتجاهي ..لا تنقهري غاليه ..ربي يعوضكم ..قدر الله وكاتبه
مارديت عليها ..بس دموعي تنزل ..واتمنى اطلع منا واركض بشارع واهج لمكان ثاني مابي اي احد اعرف ..
من شافتني مو بوعي ..
كامت دك على شهاب ..وتحجي ..شهاب تعال غاليه صحت ونفسيته فد مره مدمره ..
من سمعت مخابرته ..كومت روحي كوه
ونزلت رجليني ..واجيت اكف ..هي تركت الموبايل واجتي تركض بتجاهي وتحجي ..غاليه وين تريدين تكومين ..ابقي مكانج ..
وخرت ايدها وحجت ..عوفيني ..اريد اطلع منا
جلبت بيه وتحاول تكعدني
واني ادفعه بيها اريد اكوم ..واحجي ..عوفيني اكلج
لمن دخل شهاب شايل علاكه مال دوه ..من شافني شمره على سرير ..وكعد بصفي ولزمني وهو يحضني ويحجي ..حبيبي لاتسوين هيج بنفسج ..ادري مقهوره واني مقهور مثلج واكثر ..بس لااعترض على حكمة الله ..
دفعته عني وحجيت ..انت سبب كلشي يصير بيه من اذى وقهر انت سببه من عرفتك ولسه وانت بس تقهرني وتعذبني ..كافي مليت منك ومن حياتك بعد شتريد تخسرني اكثر حتى الطفل الي كل عمري اتمنى يصير راح وانت سبب كتلك اتركني اروح لا اتاذئ هنا كلبي علمني راح يصير بيه شي مو زين ..بس لا انانيتك عمتك وجلبت بيه لحد ماضيعت اخر فرصه بينه ..