جبروت الشيخ وقلبي ..

40

جبروت الشيخ وقلبي
البارت الاربعون ..

مساء الورد والعافيه
اول شي اعتذر ان بارت مانزل من وكت بس لان مالحكت انشر
وثانيه شكرا على 2 مليون مشاهده كلش فرحت وماجنت متوقعه هل شي والله ❤
وشغله ثانيه بنات بخصوص احداث القصه هي حقيقيه وماكدر اتلاعب بشي بيها وانزلها الكم مثل ماصارت ..بدون تلاعب مني بيها ..
والبارت اليوم هو ماقبل الاخير ..
فمتابعه طيبه حبايبي
الكاتبه بنين الطائي ❤🦋
..........................

غاليه
واخر شي كدر يفتحه ..وحجه ..انفتح
ماصدكنه اني ورقيه من الفرحه
رقيه ..نزلت بوس بجهاد ..وهي تحجي ..فدووه الحبيبي
ضحكت عليها ..يكول عدها جاهل مو زوجها لان لزمت بديها الاثنين وتبوس بخده يمكن خمس مرات ..هي مو بالها بس من فرحتها ..
هو ..حجه ..كافي الله يبلاج فشله ولج ..
بتعدت عنه وهي تحجي ..من فرحتي ..ماتدري شكد اتمنى افضحهن هذني الاثنين سوا بيه جلطه
رديت واني اباوع لجهاد ..يالله افتح شوف شنو بيه خلي نعرف
جهاد ..بس قبلها غاليه بربج اي جهاز تريدين تفتحي جيبي اني مستعد ابقى ليل ونهار بي لحتى ماينفتح
بس احصل هيج مكافأة
ضحت وحجيت ..اي تدلل بس اول شوف شنو بي
كعد جهاد يفتش ويدور ..واني رقيه على اعصابنه
ورقيه كل شويه تحجي ..هاا يمعود بشر شنو لكيت
اخذ نفس وباوعلنه وحجه ..للاسف كلشي مابي شي مهم ..مجرد ملفات عاديه وحتى اي شي يخصها مابي الظاهر ان ماخذا حذرها ..وحده مثل امل مو سهل تنلزم هيج ..اكيد هيج معلومات حافظتهن برام او فلاش
وضمتهن بمكان محد يكدر يوصله غيرهاا ..
رقيه بخبة امل ..يعني كلش ماستفادين ..يافرحه ماتمت
جهاد ..موهيج اكوا شغل وحده كدرت اكتشفها
غاليه .. شنو وتفيدنه نكشفهن لو لا
جهاد ..كلشي اي معلومه ولو جانت بسيطه راح تفيد ..واتصور هل شي لكيته يثبت هواي شغلات ..
رقيه ..احجي بسرعه خلي نفتهم شلكيت
جهاد ..الظاهر ان اهل امل مطلوبين مبلغ مالي جبير للبنوك وامل جاي تحول فلوس لهذا البنك كل شهر
غاليه .. جهاد اريد اعرف امل شلون كاعد تسحب فلوس يعني جاي دز راتبه لو كاعد تسحب فلوس من شهاب وشلون تكدر تاخذ وشهاب مايدري بيها ..
جهاد ..هل سوال يجاوب علي شهاب وحده ..ام بخصوص المبلغ فااكيد راتب مايكفي لان حسب مافهمت ان سحبين فلوس من كذا بنك والظاهر ان يتم تحويل فلوس تسديد من قبل الاهل وامل حسب الحاجه لان كل مره تحول لمكان مختلف وتحويل 3 بنوك يعني بختصار اهله غركنين بالدين ..
رقيه ..بس اريد افتهم على شنو مديونين هلكد
غاليه ..بربج شعلينه هذا موموضوعنه الي خصنه هسه اعرف شنو بين امل ولقاء
جهاد ..خلي بالج غاليه لان عندي احساس ان هذواله الاثنين ممكن ياذون اي شخص واقع الحال ان مراه عدها استعداد للجريمه اكثر من الرجل وصدكي المثلهن خطرات كلش خاصه لو حسن بيج تحاولين تكشفيهن فخلي بالج
رقيه ..يمه راح تخوفني ليش ..غاليه يمعود لايروحن ياذنج بشي لو يركبنج بلوا خلي بالج يمعوده
غاليه ..على كيفكم يجماعه ماراح يكدرن يسوا شي ربك بالمرصاد الهن واذا اذن بشر اكيد الله راح يكشفن عن قريب ..ودام وحده قلبت على ثاني معناها كلها كم يوم وحده تطلع سوالف الثانيه ..
رقيه ..ميخالف حبي الحذر واجب
هزيت راسي ..
ورجعت للبيت لكيت خالتي كاعده ..شافتني وحجت
وين جنتي يمه خفت عليج من مالكيتج الصبح
رديت واني ابوس راسه ..لاتخافين ماعوفج بعد اليوم
دمعت عينه علي ولزمتني حضنتني وحجت ..الله يوفقج ياغاليه
ابتسمعت وكمت واني احجي ..اكلتي لو بعدج ..لاتكولين لس مااكلتي
خالتي ..اكلت خبزه وروبه شويه ..مااشتهيت شي
رديت ..لا هذا مايصرفلي راح اسوي وناكل سوا ..وتاخذين العلاج ..ومنا وجاي اني مسووله عن كلشي يخصج ماعليج بااحد
خالتي بس هزت راسه وهي كنما ماتعرف شتكول لان احسها هواي متندم ومتعذبه من الصار بيني وبين شهاب
شهاب جان بعده بالدوام ..ماعرف حتى بالصار
نوبات يدزلي مسجات بس مابيهن اكثر من كلماتين لو احبج لو اشتاقيتلج
بس ماجوبته ولا مره ..بعدها بسبوع
جنت نايمه يم خالتي ..بيوم سمعنه صريخ وعياط وكعدنه اثنينه مرعوبات
ودك قوي على باب مالتنه ..ركضت فتحت
وزيدون جان بالباب وشكله مايتفسر وصاح وهو يباوع على خالتي ..يمه الحكي لقاء
طلعنه وجانت بالحمام ..ونفس لقطه مال امل تكررت كدامي ..ونفس الصار باامل صار بلقاء
بقينه بس مرعوبين ..وخاصه من راحت للمستشفى ورجعت ..كالوا اسقطت الطفل هم ..
وكتها زيدون خطيه كلش ضاج ..
وهي بقت تبجي ..وتحجي ان اكوا احد سقطها والطفل وحالته كل زينه ..
وان اكو احد ما يريد يصير اطفال بهذا البيت ..
وبقت تحجي وتبجي كومه ..
بس بالاخير نامت ..وعمتي خطيه متورطه هم جانت وياها نايمه بالمستشفى ..
بس امل ثاني يوم اجوي اهله وخذتها امها وياها ورجعت بعد خمس ايام ..
لقاء ثاني يوم من حادثتها ..لكينه اهلها كلهم فوق روسنه ..وامها تحجي وتسمع بينه ..الله لايوفقها جانت السبب اريد حوبة بنتي ماتتعدها ..كون بيها ولا بيج سوده عليه يمه
واخواته هم يحجن ..الله لايوفقه طاحت بكل البيت كون الله ينتقم منها
لمن خالتي دخلت عليهن وهي تحجي ..شقصدجن انتن ..شو شمرن بالحجي ..قابل منو السبب بعد قدر ربجن وهذا الكاتبه ..
رجاء ..لا ترى سالفه واضح مثل عين شمس وتردين تسكتينه كوه عنهاا ..بس وحده تسقط اكول قدر ربي بس اثنين بنفس الشهر ونفس البيت لا هاي بيها انه ..والي سوته وحده ضربت عصفورين بحجر خلصت من طفلين بضربه وحده ..بس اريد الله ياخذ حوبة هل الاطفال مالهم ذنب وراحوا برجلين ..