زينب علي ...
طائر العنقاء ....
اكلك ضيغم انت اوكف وبيع الماعين وانه بلمخضر حته بلكي نحصل النه جم فلس .
اي بويه .
وضلن يجن النسوان يشترن الكتب والماعين . ويحطن وابويه يشتغل ويضم فلوس ويضمهن يم امي . كطع الفواكه من البيت في سبيل يوفر وكام يقنط بكلشي .
يرجع يوميه فاتح اذاعه طهران ويسمع الوائلي لو المهاجر . جانو كبل محد شايفهم بس بلاذاعه .
.
صادف بيها يوم احد وعلى اساس انو هلاسبوع نروح نسوي عمليه امي .
ام احمد : ها بشري خيه ما سويتي العلميه ....
ام ضيغم : لا والله شوفت عينج الرجال شغله مو هلكد يا دوب جمنه تلت اربعاهن ومنتظرين عليك يا صافي صفه ....
عهههه ....
ضيغم : الله اچبر . خميني رهبر . ( جان كبل هذا نشيد يطلعو بأذاعه طهران اله هيبه وصوت عالي . مثل موسيقه هتلر
ام احمد : ياااا داده هذا شنو ضيغم منيله هلحجايه ..
ههههه هاي يسمعها من ابوه كاعد على اذاعه طهران ....
لا خيه لا تخليهم يسمعوهن . اذاعات محرضه للعراق ....
لا والله ولا اقبل . بس همه يكلبون ويسمعون اصلا انه طول عمري اكلهم بطلو تسمعون راديو ....
التفتت لضيغم . هذا ابو عداي قائد الضروره يفيدكم . لا تسمع هيج شغلات يبيبي ....
يا صدام حجيه والله بطرانه ....
ام ضيغم : خزرت ضيغم . اسكت ولك ابن الكلب لا تفضحنه ....
.
راحت ام احمد .
.
اول مره امد ايدي على ضيغم اول مره اضربه وشلت الراديو وهبدته بلحايط .
يا امين ان جان جبت راديو ثاني هاي الله كتبها عليج ....
شكو شصاير ....
عمي لا تحجي كدام الولد بعده صغير وباهش لا اشوفه هيج شكله تره صغير الله وكيلك والعباس كفيلك ....
لليل . نمنه . اندكت الباب حيل . كسرو بابنه تكسير .
وين امين الملاح
سحلو سحل وامي كامت ادك وتلطم . يبووووو عليكم انشاء الله .
بهذا اليوم ما نمنه لان مستحيل يرجع بعد احنه ندري بي اليروح ما يرجع .
نصبت عزايه وضليت ادك والطم . يا امين يا خووووويه . يا امين يا ابو بيييتي . وادك والطم والنسوان اجن جوارينه وكلهن يباوعن عليه ويصبرن بيه .....
اباوع لامي ادك وتلطم وتصيح . واني خايف كلش . صح اني ابن سوك بس صغير بعدني الخوف بكلبي صار .
وعلى يومين . دكت ولطمت امي لمن طاااااحت وضلينه نفتر ورا وندور عليه . محد النه . خوالي كلمن وروحه وعمام ما عندي بس عمات وشيسون .
