زينب علي ....
طائر العنقاء ....
شافني الرجال ابجي . انتبه عليه . شفته جاي ينضف بلجامع يشيل القرائين ويسفط بي وعينه عليه ابد ما فاركني .
اخر شي شفته ما استحمل بعد اجه يمي . صارلك ساعه تبجي ياب يول ما تكلي شجرالك ...
ماكو شي عمي ماكو شي ....
كوم بويه الله يرضه عنك كوم صلي واذكر ربك ....
ما اعرف اصلي ....
افه ، ليش ماحد معلمك ....
عوفني حجي سالفتي طويله ....
ياب سولفلي اسمعك ....
ماكو شي بويه اني رجال غريب هنا لا ام ولا اب ولا عزوه ولا عشيره كلشي مالي .....
اني هيست بيك من غادي . محتاج شي انه حاظر ....
لا ما اريد سلامتك حجي .
عفته وطلعت وجسمي يرجف من الجوع والالم الي اني بي . لا اعرف اقره قرائتي ضعيفه وكتابتي هم حتذا اكو امل واحد يشغلني هم ما اكدر لان كلشي ما اعرف احسب . جزعت طلعت روحي .
شفت حب شربت منه مي جان اشوف مره لابسه عبا بس صدرها طالع لابسه ثوب تور وبي بلك .
اوووووف استغفرك يا ربي . هاي منين طلعت .
يجي عمرها هيج ب ٣٥ ٠
اشرتلي كالت انت شسمك .
اسسمي احمد ....
عاشت الاسامي ....
اي حمودي كولي شتشتغل ....
ما عندي شغل ....
ليش متشتغل وياي ...
ششتغل وياج شتشتغلين ....
عندي صالون .....
ضحكت كتلها ششتغل وياج حفافه لو شنو ....
هسه انت وافق والشغل يجي حد رجليك ....
يلا موافق ....
تعال وياي ....
وين ....
لتحجي بس امشي ....
مشيت وراها . طببتي ابيت فله مو بيت جبير واثاثه فد شي . كالت اكعد هنا علما احظر الاكل .
فتحت الثلاجه وبدت اطلع الاكل اشكال والوان . شنو الشي الي تشتهي عدها . والفواكه نفسك ومتكوووول .
تغديت وخلصت كملت مستحي اني منها كالت تريد اطب تسبح .
كتلها لا بس اريد الشغل اعرفه شنو نوعه .
هسه فوت اسبح وبدل ملابسك وبعدين .
ما عندي ملابس مجايب وياي ....
خليها ورايه . طبيت سبحت ورجعت لنفس ملابسي . شافتني كالت لا بدل هاك هذني . لبست وكملت وكعدت اي تفضلي ست اسمعج ...
