زينب علي ....
طائر العنقاء ....
كلولها كلبي السبع ، يرجف رجف يم طولها ....
انت شتريد .
رايدج حلالي ...
الزياره انتهت يا ريت تتفضل تروح .
زينب ....
نعم ....
فكري بلموضوع ...
.
سديت الباب وطلعت حسيت هاي الانسانه الي تمنيتها هاي الانسانه الي ردتها هاي الي مستعد اكمل وياها حياتي .
بعد هذا اليوم . زينب اختفت لا صارت تجي تتعلم ولا تروح جلسات . ما عندي طريقه غير اضل اراقب بيتها .
سولفت لبكر عنها وكتله هاي البنيه عاجبتني ورايدها كلش . بكر انتفض . ها حمودي شنو تحب واحنه مندري امشي هسه اكل لامي تخطبها الك .
لا مو هسه اريد اتأكد منها رايدتني لو لا .
انطيني عنونها واجيبلك خبرها .
بكر سد الموضوع .
هسه بلكي الله تصير .
اهووووو اني هم اغبر كتلك .
خويه توكل واحجي وياها وشوف رايدتك لو لا .
الله كريم .
انتظرت يومين وره ما سولف وي بكر كل الي كدرت انتظره . بعد ما تحملت رحت الها للبيت .
دكيت الباب . حسيت اكو حركه احساسي هيه شافتني من العين السحريه ورجعت بدون كلام .
دكيت الباب ما فتحته . ضليت الح .
من وره الباب كالت اذا متروح راح اطلب الشرطه .
بس خل احجي وياج . رجاءا . ..
روح منا ...
نزلت واني ميييت قهر . انعل ابوج يابو الخلفج والله بورقتين كلش كلش تجين الطريق . كلتها بكلبي ونزلت . ادردم . اشوفها تباوع من البرده . وبعدين سدتها . ضلي هيج جنج بومه .
رجعت تعشيت بدلت ملابسي صوتها بدماغي وصورتها متروح من بالي . كووووه نمت . يا الهي شوكت اتزوج واستقر . وضعيتي صارت لا تطاق .
بنفس اليوم حلمت بيها .
كاعده وياي وجاي تاكل بس عيونها متشيلهن عليه . احجي وياها متجاوبني اسالها ماكو . صحت بيها كامت تبجي .
فزيت من نومي مخترع وتالي يا الهي شلون يعني اضل بلضيم .
شفت الساعه ب ٦ الصبح . بسرعه رحت اشتريت ريوك وخبز ورحت لشقتها دكيت الباب . فريت الشفقه على عيني ونزلت راسي . صاحت
منووو . تستخدم الانكليزيه .
جاوبتها ساعي البريد .
فتحت الباب رفعت راسي . باوعتلي بحقد . شجابك من وقت .
