لم يعطي أحمد فرصة لإلياس للدفاع علي نفسه وهو يضربه بهذه القسوة.... ثارت براكين الغضب داخل أحمد وأرسلت حمم ثائرة إلي قلبه.... كيف يجرؤ هذا الأحمق علي لمس زوجته.. هي فقط زوجته.. خاصته و ملكه لا يحق لأحد حتي النظر إليها بينما هذا الأحمق تجرأ ولمسها .... "أبعد عنه... بقولك ابعد عنه هيموت في ايديك "قالتها ملاك وهي تحاول دفع أحمد لكنها فشلت.... وأخيرا ابتعد عنه أحمد بالإكراه بعد تدخل من علي وعثمان وعمر... انحنت ملاك بجانب إلياس وهي تطالع وجهه المدمي بسبب ضربات أحمد.. مسحت علي شعره برفق وهي تتمتم "إلياس أنا آسفة " ثم تطلعت إلي أحمد وعينيها الخضراء مشتعلة بالغضب... اقتربت منه وهي تصرخ به قائلة"أنت مستحيل تكون إنسان طبيعي... أنت أكيد مجنون متوحش ".... "وهو بأي حق يحضنك بالطريقة دي.... هو انتي نسيتي أن حضرتك متجوزة ولا ايه؟ " قاطعته بغضب قائلة "مش ليك دعوة بيا... ثم أننا هنتطلق قريب إن شاء الله " كز علي أسنانه بينما اقترب عثمان من ابنته وهو يقول "اهدي يا ملاك... وانت يا أحمد لو سمحت أمشي دلوقتي ".... "بس... " قاطعه عثمان وهو يقول "من غير بس يالا روح " ربت علي علي كتفه وقال "يالا يا أحمد "... تطلع أحمد إلي ملاك بحزن لتتجاهله هي ثم ذهب.........
~~~~~~~~~
في منزل جرجس وكاثرين
رن جرس المنزل ففتح جرجس الباب ليجد إدوارد.. "اتفضل يا إدوارد يا بني " ولج إدوارد إلي المنزل وهو يقول "فين كريستين؟"... خرجت كريستين فجأة إلي صالة المنزل لتتسع عينيها بذهول وهي تري إدوارد ومالبث أن اشتعلت عينيها الزرقاء بغضب وهي تهدر "كمان ليك عين تيجي هنا؟ يا بجاحتك يا أخي... أطلع بره "... "كريستين"قالها جرجس بحدة ليشد إدوارد علي ذراعه ويقول "سيبها... مفيش مشكلة " ثم وجه حديثه لها وقال "أنا جاي أتكلم معاكي ومش همشي إلا لما نتكلم "... "وأنا مش هتكلم معاك..ومش عايزة أشوف وشك... ياريت تخلي عندك كرامة وتطلع بره " رمقها والدها بنظرة نارية وقال من بين أسنانه "كريستين.. احترمي نفسك " وأكمل بأمر "لازم تتكلموا وتحلوا مشاكلكم مع بعض... اتفضل أقعد يا إدوارد وأنا هسيبكم لوحدكم "....
بعد فترة
" لحد أمتي يا كريستين؟ " قالها إدوارد بتعب لتقول كريستين "لحد أمتي أيه؟ "... "لحد أمتي هتفضلي هنا في بيت أهلك... أمتي هترجعي؟ " بكت كريستين وقالت بصوت مختنق بالدموع "أرجع؟ ليه هو انت شايفني رخيصة للدرجادي... بعد ما خنتني عايزني ببساطة أسامحك... " زفر إدوارد وقال "يا كريستين.. دي مش خيانة... ده ضعف.. هي اللي قربت مني وأنا كإنسان ضعفت... أنا إنسان والإنسان بيضعف "... صاحت كريستين وقالت "ضعفت؟؟؟ بكل بجاحة تقولي ضعفت... يا أخي حرام عليك ده انت حرقت قلبي ودمرتني.. وتقولي الإنسان بيضعف؟ "ثم رفعت رأسها وقالت"ما دام الإنسان بيضعف يا دكتور إدوارد... معني كده إني أنا كمان ممكن أضعف... يبقي قولي يا دكتور.. لو جيت أنا وضعفت زيك هتسامحني"... وقف إدوارد وهدر"كريستين! " ابتسمت بسخرية بينما تسيل الدموع علي وجنتيها "بتوجع يا دكتور صح؟ أنت خنتني بس مش قادر حتي تسمع إني ممكن أخونك ".. "أنا راجل " نهضت هي وضحكت بوجع وقالت "راجل؟ يعني حضرتك عندك مشاعر وأنا لأ... أنت عندك كرامة وأنا لأ؟ أنت بتحس بالإهانة وأنا لأ؟ فعلا كلكم كده انانيين بتجروا ورا شهواتكم... "مسحت دموعها ورفعت رأسها وقالت "بس لا يا إدوارد... أنا مستحيل أجي على كرامتي... طلقني " أبتسم إدوارد بتهكم وقال "طلاق ايه يا كريستي؟ ... أنت ناسية يا حبيبتي الطلاق عندنا شرطه ايه؟ ... علشان تتطلقي لازم أكون أنا زاني... وأنا مش زاني ... يبقي أفضلك ترجعي بيتك... هسيبك في بيت أهلك ترتاحي شوية... بس لفترة قصيرة.. يالا دلوقتي باي " قبلها علي وجنتها وذهب لتنهار هي علي الأريكة وتمسح قبلته بإشمئزاز وتضع يديها علي وجهها وتجهش بالبكاء ....
