ام زوجي الظالمة (حماتي المستبدة)

البارت العاشر و الاخير

#حماتي_المستبدة
البارت العاشر و الاخير

#بقلمي
#همسات_الليل(ام آيه)

مساء الحب والسعاده....
وفيت بوعدي الكم ونزلتلكم الخاتمه...
طلب منكم تقيمون جهدي وتعبي وتقصيري مع اولادي لاجل ارضائكم...

اوقات ممتعه وحسن الاستمتاع...
عذرا اذا انوجدت اخطاء املائيه لضيق الوقت معدلت البارت

سعاد....
كومي بدلي تاره حجزتلج يم الدكتوره...
حتى اخذج تفحصج...
اريد اشوف ليش مدتحبلين مثل باقي جنايني...
هاي صار سنه ونص متزوجين...

تارة....
تفاجأت بتصرف خاله ...
عمار مجان موجود بعده بالمحل...
معرفت شلون اتصرف...

اذا اروح وياها راح تعرف من الدكتوره ...
واذا رفضت راح تنزعج ...
وراح تبقى تسمعني كلام مؤذي...

كلت احاول وياها...
لا خاله ما اروح ...
اريد اروح على دكتوره ذكرولياها بالشمال...
يكولون كلش تفتهم....

عيني وشبيها الدكتوره هاي...
علياء وندى من تزوجوا لسه مراحوا يم غيرها...
تفتهم وحبابه ومتكصب بالعالم...

خاله ما احب فحص و هالسوالف...
مره وحده من اروح للشمال...

تاره كومي لتضوجيني ...
تره فاض بيه وماضل صبر عندي...

ابني ديكبر وحتى انتي هم كبرتي ....
شوفي ندى وعلياء اصغر منج وجهالهم شكبر صاروا....

تاره....
متحملت كلام خاله ...
يجوز البعض يحسه كلام عادي ...
بس البي عله ...
مثل هالكلام يوكع على الجرح...

يله كومي اليوم قفلت عليج ...
اريد افتهم علتج وين ...

خاله الله يرضه عليج عوفيني...

ندى....عمه عوفيها ..
هاي مشكله بينها وبين رجلها هم يحلوا بيناتهم...
محد اله حق يتدخل...

انتي لو تسديلي حلكج وتنخرسين اشرفلج...
اني ام رجلها والي حق ...
هم بنفسي اشوف ضنى ابني...

صارلهم زمان متزوجين ...
ومادام تأخرت بالحباله...
معناتها بيها عله...

تاره..
كمت ابجي متحملت ...قست عليه زايد...

سعاد...
شكنالج عيني...فد مره متتحملين حجايه....

علياء..
عمه على كيفج البنيه انقهرت ومبينه تعبانه....

ولمة تلمج ...
شنو سويتلها اني ...
اليكول رافعه السجينه بوجها ...
شلون عياره...