ညား၍ခ်စ္ခဲ့သည္။ ( Uni + Zaw )(Complete)

ညား၍ခ်စ္ခဲ့သည္။ ( ၅ ) ( Z+U)

Uni..

" မေမေရေ သားတို့ သွားတော့မယ်နော်"

" ဟုတ်ပါပြီ မဟော်ရေ သားငယ်ကို ကောင်းကောင်းခေါ်သွားနော်..သူက"

" အာ မေမေ.. လာ လာ ကိုမဟော် ကျွန်တော်တို့သွားမယ်"

အမေ့ရဲ့စကားကို အပြောမခံပဲ လက်ကိုဆွဲကာ ကားပေါ်ကိုအတင်းဆွဲခေါ်တဲ့ကလေး၊ သူ့ရဲ့ပြုံးနေတဲ့ပုံစံလေးကြောင့် ကလေးငယ် သူ့သူငယ်ချင်းတွေနဲ့တွေ့ရမှာ သည်လောက်တောင်ပျော်နေသည်လား။ ထားပါလေ သဝန်တိုလို့ကောင်းသည့်အနေအထားတော့မဟုတ်။

ကားပေါ်ရောက်တော့ အပြင်ကိုပဲကြည့်နေသော ကလေးကြောင့် ပျင်းနေမှာစိုးလို့ သီချင်းဖွင့်လိုက်တော့..

ကလေးလေးလေး သိပ့်ချစ်တယ်

ကို ဒါလေးပဲ ပြောတက်တယ်နော်

ဘယ်အချိန် ဘယ်လိုအစက

ကိုယ်ချစ်သွားမှန်းမသိခဲ့ပေမယ့်

ကိုယ့်အသက်ရှင်သန်နေသ၍ ဆက်ချစ်သွားမယ်

ကလေးလေး မပြောတက်ရင် ဘာမှမင်းပြောဖို့မလိုဘူး

ကိုယ်မြင်နေပါတယ် အချစ်တွေ မျက်ဝန်းနက်နက်လေးထဲမှာစွဲ

စကားလုံးတွေဟာ တစ်ကယ်တော့ တို့အတွက်သိပ့်မလိုဘူး

သီချင်းကို အသံထွက်ညည်းလိုက်မိတော့ ကိုယ့်ကိုယ် တစ်ချက်သာကြည့်ပြီး..

" ဟီး ဒီနေ့ကားနည်းနည်းကြပ်တယ်နော်"

ကလေးလေး လောကအလယ်

အတူတူတို့နှစ်ယောက် သွားကြမယ်နော်

ရင်မှာဘဝအမောတွေ

ကြုံတွေ့ကြလည်း တွဲလက်မဖြုတ်တမ်း

တို့ အချစ်တွေဟာ အင်အားများဖြစ်မယ်

" အာ ရပြီ ကိုမဟော် ဟိုက လမ်းချိုးထဲကွေ့လိုက်နော်..ပြီးရင် ၃အိမ်ကျော်မှာရပ်ပေးနော်"

တီ...တီ..တီ....

ကလေးရဲ့စကားကို မတုန့်ပြန်ပဲ သီချင်းကိုသာ အသံကျယ်ကျယ်လေးနဲ့ထပ်ဆိုပြလိုက်တော့ ကားရပ်လိုက်တာနဲ့ ဟွန်းကိုအသံကိုယ်သာဖိတီးနေတော့သည်။