مساء الخير
قصه للكاتبه ذكرى المندلاوي
دخل روحان وريتني ماشفتة متت جمدت بمكاني كلبي يدك حيل وجهي حار صخنت عرقت وتلخبطت كوة سيطرت ع نفسي سلمت علي ومادري بروحي شنو حجيت المهم تغدينة يمهم وهوة كلساع يخطف مني واموت بمكاني من يخطف مني اباوعلة دفن وهوة هم ويعرف بية معجبة بي واحبة لكن الصمت سيد المواقف .. بقة ابيتهم ماراح لبغداد وخطار يومية يجيهم واحنة كل يومين ٣ ونروح عليهم احير شنو البس جنت ع بساطتي بس نازكة وهوة هم حبنة فطري ماكو مصالح لا فساد لا عذري *
**راحت ورجعت ايام وبيوم من الايام اجانة روحان العصر كعدنة برة بالحديقة ومحد بلبيت بس اني واخواتي رحت سويتلة جاااي يحب الجاي لان هوة يدخن بكثرة رحت جبت الجاي وكعدت يمه كال عندج قصائد او رنات حسينية فتحت بلوتوث وهوة هم فتح بلوتوث ...
. اجاني اشعار مال اقتران بلوتوث منه ....... مغير اسم البلوثوت وكاتب كلمة احبك اني دزهة الي جمدت بمكاني رجلي مايشيلني باوعتلة وهز راسة الي كلتلهة هااا ايييي اي هوة هذا هاا .... ارتبكت كلش شرب الجاي وراح واني بقيت الوب وحدي شلون بية يربي اخخ ماصدك معقولة روحان يحبني هاا لالا اوهوس هوة اسم البلوتوث هيج هاا اوووه خل اروح اسوي عشة واللله كريم
وبعد يومين اجه البيتنه
روحان
خالة خل وحدة تفتحلي باب السطح اشوف جيرانكم
امي
زوزة اصعدي افتحي الباب ...
. صعدت فتحت الباب وصعد وراي جان يشرب جكارة وبيدة الثانية لايت مال قداحة شلع الضوة بوجهي يباوع علية اني باوعتلة جمدت ابمكاني تقرب علية بحيث سمعت انفاسة جمدت استسلمت نسيت للدنيا كلهة واني يمه كال نزلي اخوج الزغيروني وتعالي عندي وياج حجي
رحت نزلت نص الدرج كال
اكلج زوزة راح اقفل باب السطح يعني لاتصعدين .... ااوف باءت امالي بالفشل
رجعت مشاعري متلخبطة بيني يحبني بين لا متوهمة والله نزلنة وتعشة يمنه كبد لان اكثر اكله يحبهة كبد تحميس هههه ويحب سوب لحم طلي وتمن وعلي حبشكلات احنة انسميهة (الحشو) ويحب زنود الست ويكره الرمان والبرتقال لان صعب يتقشر .... اي احب كولشي يحبه واكره كلشي يكرهة ....
وبعد يوم الخميس اتحضر
روحان يروح ال بغداد بدون مايودعني .. شبعت بجي بيومهة وانقهرت وتمرضت ليش هيج ربي ليش مايجي يشوفني بدا الدوام اني صرت ثالث متوسط ووزاري ولازم اقرة بديت ذبيت حيلي ع الدراسة وروحان ماناسيتة بكلبي وعقلي لحد هسة والابد فد يوم من الايام رحت على جيرانة بنية حبابة بكدي قريبة علية كلش حجيتلهة البداخلي كله كالت باجر تعالي وخابري وسلمي علي وشوفي ... والله رجعت للبيت وثاني يوم العصر وهذا احلى تاريخ بحياتي كلهة 2014/4/5 العصر يوم السبت الساعة 4:30
زوزة ....الوووو سلام عليكم
روحان .... وعليكم السلام
زوزة ...منو روحان
روحان ...نعم تفضلي
زوزة ....شلونك روحان
روحان .... منو وياي....
زوزة....بت خالتك ....
روحان ... ياخالة منهن هنة هواااي .....
زوزة... اني زهراء زوزة
روحان... ياهلا ومية هلة بنت خالتي شلونج شخبارج امورج ....
زوزة ... بيك اكثر ...اكلك روحان يمتة تجي اريد اكلك شي ....
روحان... والله ماعرف يجوز شهر او شهرين كولي ...
زوزة ...هاااا لا هيج من تجي
روحان ... دكولي محتاجة شي
زوزة... اريد احجي وياك بشي .....
روحان.... زوزة اكلج شي بس لاتزعلين ....انتي كلشي بالنسبة الي الدنيا ماوسعتني من اتصلتي عرفت وجان عندي حدس انتي بهاليومين راح تتصلين والله جنت مقرر اكسر خطي الاثير بس كلبي كلي راح تتصلين ..
زوزة .... بداخلي كل الكلمات ماتكدر تصف حالتي هسة عقلي وكف كلشي وكف بية بس كلبي يدك والنفس يتصاعد .... روحان اني اجوني ناس قبل ايام وبيت فلان تعرفهم واهلي موافقين...
روحان.... زوزة انتي الي للموت اليقرب عليج اشرب من دمة والله ...زوزة احبج
زوزة .... بجيت دموعي نزلن اي دموعي نزلن وحدهن حاااارات على خدي وصديقتي يمي لازمة ايدي .... وسمعت كل الحجي اخ يبن كلبي ويبن بالي روحي انت مم الدنيا عشقي ..
زوزة.... روحان
روحان... عيونة
زةزة...احبك
روحان .... الدنيا ماواسعتني طاير من الفرح
كلت
ولج من انتي طفلة واني اموت عليج اعشقج مرة من المرات سمعت جاي عليج واحد واني بغداد كسرت غراض البيت وتفلش المعرض مال امي الي تعتز بي كالت هاي ليش روحان
كلتلهم زوزو الي مو لغيري اذا احد لمس طرف ثوبهة اذبحة والله ....
زوزة... تعرف مامصدكة بحلم بعلم اوووف ربي ...
بقينة نحجي نص ساعة وبعدين رجعت للبيت رجعت ارجف امي تكلي شبيج .... كلتلهة مابية شي بس مصخنة ماتدري صخونة الحب هاي ... رحت لفراشي تدفيت وغمضت عيوني وشريط ينعاد ك
امي معقولة الله التفت علية اخ ماصدك وبقيت افكر مانمت الة ساعة ٣ بليل ....
روحان....
