مساء الخير
قصه
غلطه عمري
للكاتبه ذكرى المندلاوي
بطل قصتنا
روحان
من مواليد
١٩٨٤ اسمر طويل لون العيون اصفر على ليموني بلون الشمس وكت الغروب
صاحب شارب ولحيه خفيفه لكن متساويه شعري محابس عضلات وبطن مسطح يعني رياضي
الطول ١٨٢ من عائله ميسوره الحال
نبدا القصه قبل ١٢ سنه بلتحديد سنه
٢٠٠٦
ام مهدي جوارين بيت ابو روحان
هااشكو شبيهم ذوله اجو عليكم جاا همه ماعدهم بس روحان بهل الديره
ام روحان
ولج داده لحكيلي ام مهدي(تفرك بيدهة ) وتبجي
الامريكان اجو على ابني روحان فتشوا البيت كله كلبوا كلاب
وهو هسه وينه
طلعوا كوه ابوه واخوته طفروا من سطح السطح البيت خالتهم
مايرضه هو عصبي نارر كبره مايتفاهم يريد يتكاون وياهم اله ابوه خربط روحه ولزم كلبه كله تريد اتموت ابوك
يااا هذا شبي ميعرف بس يلزمونه بعد مايفكون من ياخه
ام روحان
يكول العمر واحد وكلمن يموت بيومه
ام مهدي
بداده هذا الولد جايز من عمره ماتشوفيله بت الحلال
واتزوجينه هل بلكت يخف ويعقل صدام بكبره ماكدر عليهم
تعالي ليه وكليلي اشبيدي اني تعبت ايدي على كلبي
اخاف ليرمونه ذوله مايخافون الله ادور ياخذون اخوته ابمجانه
لا داده
همه جايين عليه بالاسم وابنج معروف الكل يعرف بي ضد الامريكان يحاربهم وفنه الي يلزمه
******
اعرفكم على اخوات روحان ... عندة من امه الاولى ٤ اخوات و٢ اخوان ومن ابوه يعني ابوه متزوج ٢ عندة ٢ اخوات و٣ اخوان
مروه .....اختة الجبيرة من امه وابوه مروه متزوجة ابن عمتهة وعدهة ولد ٢ زغار وبنية تجنن عيونهة ملونة اسمهة عسل ومتعلقة ب روحان كلش الى ابعد حد يعتبرهة بنته
رقيه عمرهة ٣٠ مامتزوجة عيونهة خضر وكلش حلوة ضعيفة وبيضة وشعرهة طويل وهية تدير البيت يعني امهة معتمدة عليهة وهية ربة بيت
فاطمه عمرهة ٢٥ متزوجة عدهة ولد وهية خريجة كلية علوم
اسمهان عمرهة ٢٢ وهية خريجة.... بكدي نفس مواليدي
احمد... مامتزوج عمرة ٢٦ الاصغر من روحان
علي عمرة ١٧ اصغر واحد بيهم
*********
احمد
يابه الي متى احنه نظل هيج تعبنه واحنه نتراكض هسه مينجب ويكعد يوميه جاك الذيب وجاك الواوي
الاب
كافي تعبت الله يموتني
الام
احمد خف على ابوك شويه
مدكوليله الاستاذ روحان الهاجم البيت هجم دشوفي
هسه زين هاي وضعيه
وهو يأشر للبيت الي انكلب بيد الامريكان لا خلو فراش لا كنتور لا كاونتر
رقيه
يمه شوفي هدومي ملابس المدرسه والكتب شلون مطشريهة
الام
وهسه اني بحالج لو حال اخوج الي مااعرف وين راح
قابل وين راح البيت خالتي لتخافين عليه
اشششش ليسمعوج الحيطان تسمع احنه مصدكنه
التفتت الزوجه
انت متاكد ميعرفون مكانه
الاب
كافي بعد لتلحين بيت اختج مصارلهم هواي من انتقلوا لهنا وعنوانهم محد يعرفه
******
ابيت خالته الروحان
روحان وهو يشوف زهراء لاول مره جانت طفله
ذات ١٠ سنوات
لك هذا منو القزموز
زهراء عقجت حاجبه
انت منو عيني
ابتسم
اني ابن خالتج روحان
اشجابك يمنه
روحان يتنهد
الجابني الشديد القوي
صفنت ببرائه
يعني شنو ؟؟؟
اممم ابوي
ليش
انتي ليش تسألين هواي بعدج صغيره متفتهمين من تكبرين عود اشرحلج هسه ادوخيني صعب اشرحلج
وكفت تتخصر والشامه على شفتهة تشيل السيف من ايد الذباح
والشعر اسود مثل الليل
وتضحك بعيونه العسليه الكبار وتكلب برموشه الطوال والخدود ورديه
اني عيني مو صغيره عمري
وتمد اصابعه العشره كدامه
عمري
عشر نسوات
هههههههع روحي من يمي قزوم ضحكتيني واني روحي جانت طالعه
شو ما ** ما * ماروح
ركض عليه يسكته لزم ايدهة وعصره بقوه بقصد
يبجيهه
زهراء
ههههههه ماخاف
الام
ولج تعالي زوزوهنا لتضوجين ابن خالتج
هو منين ابن خالتي اني مشايفته
جذاب
الام
ههههه
روحان
هههه تردين اشوفج الجنسيه حتى تصدكين
زهراء
بكل اصرار
اي طلعهه الجنسيتك خل اشوف
روحان
التفت الام زهراء
هاي اخاف الامريكان دازيهه عليه مو بعيده
كل قصير فتنه
زهراء
*****
زهراء
هلاو اعرفكم عن نفسي شوية اني اسمي زهراء والكل يناديني زوزة اني عندي اخوات ٤واخوان ٣ وماما وبابا يعني عائلتنة متكونة من ٩ اشخاص...
مواصفاتي بيضة وشعري قصير اسود فاحم وضخين وعيوني وسيعة ولونهن اسود لكن من اخلي كحلة يبينن لون بني جسمي متناسق كولش واحلى جسم ب اقاربي وخدودي مليانة وشامة بخدي بارزة تجنن وشفايفي مليانة يعني شي ع شي اخبل فديتني
خواتي
سها الجبيره وحوراء وصفا
اخواني حسن عمرة ١٢ وحسين عمرة ٨ سنوات ومحمد
اني من عائلة ملتزمة الى ابعد حد عدنة الببنية ومانطلع لاقارب ولا نطلع لاماكن عامة يعني سجن
احجيلكم ع شخصية كل شخص من عدنة ...
بابا واحلى بابا عمرة ٤٤عصبي ومندفع يتصرف بدون تفكير لكن حنون وكلبة طيب كلهة استغلت طيبتة لكن بالاخير كدر يوكف على رجلي وكل شخص عاداه الله بين حوبتة بي يشتغل بمحل مال تحفيات وانتيكات ...
وماما مدرسة رياضيات عصبية كلش ويوم زينة وي وحدة من عدنة يوم لا لكن كلبهة طيب مو قريبة لاخواتي لان ماتضم شي ع بابا واخواتي يخافن يحجن الهة لكن ضحت علمودنة وسوت الي محد تسوي انطت ماي عيونهة بس علمود نتوصل بالدراسة وتحافض علينة ولو نطيهة ارواحنة قليلة بيهة امي مثال لكل شخص يسمع باسمهة مثال للصبر والقوة والشرف بوكت ماجانت النسوان تنطي عرضهة علمود الفلوس هية تستغل وي عمال بناء حتة توفر لقمة عيش النة وبابا كان يشتغل ويطلع يسافر ومايدري شنو اكلنة شنو شربنة لان هوة جان يشتغل علمود يبني بيت وطن النة وماما تشتغل حتة تعيشنة ناكل ونشرب ونلبس كله بفضلهم ماقصرو ويانة يستاهلون نبذل كل نفيس لعيونهم
******
.
قصه للكاتبه ذكرى المندلاوي
