صباح الفل والياسمين
على كل متابعين قصص ذكريات الحيات
قصه للكاتبه ذكرى المندلاوي
غلطه عمري
💔💔💔💔💔💔
اسمهان اختي
تعبت والايام تعبتني واني صغيره ولا حول ولا قوه
المحب يا سادتي محتاج كل انواع الاسلحه
حته يواجه كل شي عائق في طريق حبه
وزهره ماتحمل هذي الاسلحه غير ايمانه باالخالق
وقلب الحبيب والصبر على الاذى
ولكن الى متى
زهره
اسمهان اختي
تشتغل ضدي لان تريد روحان واهلي محاربيني نفسيا ف وكعت بدرس بالرياضيات ومعدلي ٥٧ واني جنت شاطرة واعفاء بالدروس اي اخفقت بسبب الضغط ومحد سند الي واختة نجحت والله فرحت الهة وكيفت وهية تضحك وي اختي علية لان صارن صديقات واني جنت مامقصرة وي اخته شي لكن صفت وي اختي علية ماحجيت شي اخاف اخسر روحان
وكلت بمرور الوقت يصيرن زينات وياي واني احبهن مثل اخواتي الطرفين اذوني لكن روحان يعرفن كلبي طيب وماكو منه وما احقد ع احد والله قريت وسجلت دورات بمنطقة قريبة علية وروحان
مخابراته قلت الي ومايهتم لشي واني بس ابجي لحدما طفح الكيل تركته مااهتم على كد المخابرة وهم اتلكاه بحبيبي وهلا وماقصر وياه بكلمة حلوة لكن البرد تاااارس العلاقة ترررس
دخلت للدورات شفت طالب اسمة جود
جود
يختلف عن الكل جمال وادب واخلاق واكبر من الكاعدين ورزن لاحضته منتبه الي لان اني الوحيدة لابسه عباءة ونقاب بس عيوني طالعة والبقية كله
قصير ومكياج كمت يومية اداوم لحدما فد يوم
عرض مساعدة ع الكل كال شنو تحتاجون اني موجود اخوية دكتور جامعي اني رجعت كلت لاهلي كالو جيبي رقمه كولي للاستاذ العليكم وجيبي رقمه رحت داومت وجبت رقمه من الاستاذ وكالة هاي علوية ومن معارفي ماريدك تقصر وياهة هوة كال اتشرف بيج علوية بعيوني اني ماجان بكلبي وعقلي غير روحان
لكن هو جان الظاهر معجب
وها للعلم روحان يعرف كل هاي الامور يعني كلتلة ع هذا الطالب وينصب علية مرات يكول هاا عاجبج اكله واذا اعجاب مااهتم اني احبك انت وحدك
والغلط الوحيد عند روحان
جان يشجعني ويضحك من احجيلة هذا شخص حلو وهذا هيج المفروض مايقبل من اول مرة حتة اذا منطيني ثقة اني صاينة الثقة بس مدام البنية تشوف اكو تساهل ومرونة بالموضوع ف ترتاح وتستغل هذا الشي لحدما
اختي الجبيرة تعرفت على هذا الولد واني فعلا احتاجيت مساعدتة وخابرتة لكن بحدود والله العضيم مااكولة غير كلمة خوية واختي بالجامعة ومرة من المرات رحت وياهة وخابرت روحان كال روحي
طبعاااهنا
جان اول بدايه للشرخ الصار بعلاقتنه
رحت وي اختي للجامعة والطالب هذا اسمة جود اجة عندة تقديم بالجامعة وسلم علينة وراح للبيت واحنة رجعنة للبيت واني الغبية لاوالله مو غبية لان مااضم شي على روحان رحت وحجيتلة كلشي ماقدر ولا احترم هذا الشي كام يصيح ويغلط ويسب بية واني احلف كل يمين ماعندي شي وي غيرة احبة هوة لكن غيرتة وعصبية وهوة ماخذ موقف من كلشي واخواته يحجن براسة مثل النفاخة تنترس هوة كلش وتطك
روحان انفجر بوجهي وبدقايق
روحان
اعتبري كل الي بينه انتهى
نهة كلشي كمت ابجي والطم واندب حضي ويارب نجيني من هذا الشي اني احب روحان لكن روحان التجأ لاسلوب ❌❌❌
كام يهددني انه راح يفضحني ويكول لاهلي ع كلشي وع علاقتنة واني ابجي واتوسل بي واحلف الة ومافاد بي
