Muling pumarito ang katahimikan ng gabi,
Nagbihis na ng itim ang kalangitan
Kaya tila ito'y nahamugan. Di maglalaon
ay mapaparam din ito sapagkat mayroong talang
naging kartograma ng tatlong manlalakbay.
Sa walang patid na paglululan sa ilang,
Ay paparating na rin ang senyal ng pagtubos:
Isang liwanag na bubulusok mula sa kalayuan.
Wala nang dahilan para sila'y maligaw.
Susuungin nila ang paghaplit ng alabok sa ilang
at pagtatalukbong ng gabi. Isang mahabang pagtahak
upang makarating patungo sa isang munting yungib,
Na kung saan naroon ang paslit ng buong santinakpan.
BINABASA MO ANG
Kung Saan Ang Liwanag
PoetryKoleksiyon ng mga tulang espiritwal ng bagitong manunulat... makikita ang mga ito sa teddyliterati.blogspot.com