Tumambad sa akin ang nagkalat na mga abaloryong
humiwalay sa tali (kumakapit pa ang iba).
Nawawala rin ang krusipiho
At nakabulagta ito sa bangketa.
Pakana ito ng humawak sa kanya
Imposibleng mahablot o masagi ng dumaraan
O nangagkalas dahil nagkabuhol-buhol ito.
Siguro ay nababagot na siya
Sa walang hanggang pananambitang
tinatangay lamang ng hangin,
Naiinis sa kawalan ng tugon
at sa mga mithiin
O di kaya'y umiikli na ang kaniyang pisi,
Dahil sa pinapasan niyang krus araw-araw
(kaya siguro winala ang krusipiho).
Walang senyal na pagpapabuya mula sa langit --
Dahilan upang sambiting maramot ang Poon
Kapalit ay ang paghuhubad ng mga Salita
At pagsasakabilang bakod.
BINABASA MO ANG
Kung Saan Ang Liwanag
PuisiKoleksiyon ng mga tulang espiritwal ng bagitong manunulat... makikita ang mga ito sa teddyliterati.blogspot.com