Niyakap mo ang aking katawan
habang dumanak sa lupa ang aking dugong
kumapit din sa iyong balat.
Pilit kong hinabol ang aking hininga,
ngunit ungol lamang ang aking naitugon.
Inilayo ka na nila
na sa tagal kong nakasalampak
ay napugto na ang pagpapadaloy ng aking pulso.
Ang basal kong kahubdang binihag na ng taglamig.
Inilayo ka na nila
ng ilang daang kilometro
at di mo na naabutan
ang paghingi ko ng tawad sa Diyos,
ang pagtangis ng iyong ina't kapatid,
ang mga bulaklak na binawian ng samyo,
at ang aking kanlungan sa gitna ng lungsod.
Natapos ang pagpapakalayo
ng ilang kilometro
ng maraming inog ng mundo.
Biglang may tumawag sa telepono,
tinugon mo
sabay ang aking tanong: "kumusta ka na,
naaalala mo pa ba ako?"
BINABASA MO ANG
Kung Saan Ang Liwanag
PoesíaKoleksiyon ng mga tulang espiritwal ng bagitong manunulat... makikita ang mga ito sa teddyliterati.blogspot.com