شيخ وفصليتي بنت اشيوخ

جزء -3-

بقلمي / مريم علي

كعدت اكل دك التلفون رقم غريب رفعته الو منو
...... : شتعود لحسن
علي : بعصبية أخو شكو احجي
......: أخوك سوه حادث تعال لمستشفى. ....
علي:  اي جاي دقائق وانه هناك
سهام ام علي :شكو ماما شصاير
علي : ماما حسن مسوي حادث خابري أبوي خل يلحكني لمستشفى. ....
وانه كبل طفرت رحت بدلت ونزلت رحت للسياره طرت بكل سرعة السياره وانه وصلت إجه أبوي وأعمامي وياي طبينه كلتلهم اخوي وينه كلولي لاهسه أكلب المستشفى كلاب وخابرت عمنتضر  إجه يركض اخوي وينه احجو بسرعه وين اخوي بعصبيه
الشيخ خالد : بابا اهدو بعدهم جوا بلعمليه ثنيناتهم ابني واخوكم وماندري الحق عليمن

.........................
خل نرجع للحادث شويه وي حسن

حسن : طلعت من البيت رحت للشغل رجعت للبيت اتغديت وسبحت وطلعت وي  جماعتي بعدين كلتلهم راح أرجع للبيت وانه جاي أمشي  وكفت صارت اشاره حمره بعدين إجت سياره من وراي تمشي سريع انضربت بيه ضربه أحس جمجمتي اتفلشت

..........................

بالمستشفى ....

جنه كاعدين عنار ابره شويه طلع الدكتور كال اكو عمليه نجحت واكو عمليه بعده وضع المريض خطر ويمكن انفقده لأن صاير عده نزيف داخلي والجمجمه متفلشه حته اذا عاش راح يعيش بس جسد ...
الكل : احجي منو نجحت عمليته
الدكتور : المريض غيث عمليته ناجحه بس عنده كسر بليد والرجل
أما حسن فمثل ماكلت وضعه خطر
الشيخ محمد : دكتور شجاي تحجي فدوه هذه ابني لا تحجي هيج
علي : ولله اله أخذ ثارك  ياخويه
منتضر : دكتور شنو انته متأكد من كل عقلك هذه اخوي وكضه من ياخته
شيخ خالد : الحمدلله ياربي  
جعفر : بويه خاف يطلع اخوي الغلطان
الشيخ خالد : الله يستر هسه انشوف غيث
علي أخو بنين : بابا اخذو غيث الغرفه  عاديه كالو شويه ويصحى
الشيخ محمد ااااخ انكسر ضهري راح وليدي
علي أخو حسن : اول مره اشوف أبوي يبجي انه هنا ان ثاريت رحت كسرت المستشفى كلبت الكراسي بعدين اجوي الدكاتره اطوني ابره مخدر
انه هديت شويه بس بعده كلبي محروك

نرجع لعائلة الشيخ خالد
غيث : فتحت عيوني مكسر تكسر عيوني من كوه فتحته اصابعي ماكدر احركه
جعفر : شفت غيث فتح عينه طفرت صحت بابا كليتله غيث كعد
بابا : ها بابا الحمدلله علسلامه شلونك يوجعك شي
غيث : لا بابا بس شويه مكسر تكسير
بابا : احجي شلون صار الحادث
غيث : حجه كلشي وطلع هوه الغلطان
بابا  : ولك انته شسويت من كل عقلك هسه ابنهم بين الحياة والموت والناس تتوعد بآثار
غيث : ولله بابا ماجان قصدي
بابا : أدري يا بابا مو قصدك بس محد يعرف هذه الشي بقانون العشائر

بعد مرور 3 ايام وحسن داخل يغيبوبه
وغيث بده يتحسن بس مجبرين ايده ورجله مايكدر يمشي
بعد مرور أسبوع

علي جنت كاعدين منتضرين  حسن يكعد
منتضر : علي راح اروح اجيب جاي من جوه أتريد
علي : لا ماريد شوف أبوي اذا يريد
منتضر  : بس مايصير لا كل  ولا شرب صارلك أسبوع بس الماي ا بطنك
علي : كلت ماريد بعصبيه
منتضر : ماشي بكيفك
علي : جنت كاعد بعدين إجت الدكاتره تركض كلتلهم شكو شصاير احجو
الدكتور : المريض فقدنا
علي : شنو فقدت المريض لا لا لا  شنو فقدت حسن
وطبعا عائلة للشيخ خالد ماتركوهم وحدهم كل يوم يجون ويبقون لليل ويرحون فلمن درو انو الدعمه غيث مات اجو وكالوا شتريدون احنه حاضرين
كالو ابره الفاتحه انسوي كعدت عشائر
نروح لعائلة الشيخ محمد