شيخ وفصليتي بنت اشيوخ

جزء -4-

بقلمي/ مريم علي

نزلت من السياره ونزل بابا انه ما رفعت رأسي بس مدنكه وابجي
بابا : شيخ محمد هاي روحي امانه عندكم
الشيخ : ولا يهمك روحك بل حفض والصون

...........

علي أخو حسن : كعدت الصبح الساعه سبحت ولبست دشداشه بيجي وغتره وساعه و حطيت عطر ونزلت كلت
علي صباح الخير
الكل : صباح النور
بابا : علي الفصليه اليوم راح انجيبه وانته راح تعقد عليه
علي : بس انه ماريد ازوج خل منتضر يأخذه
منتضر : لا بابا انه ماريد
بابا : علي كلت انته تاخذه افتهمت
علي : بس ...
بابا : لا تبسبس انته تعقد عليه
علي : ما حبيت أكسر كلمته فوافقت
طلعنه من البيت رحنه حته انجيبه وصلنه للمكان الي راح نلتقي بي بعدين وصلو نزلت بس شنو الطول راسه منزلته مرفعته ابد كلت درفعي راسج خل اشوفه. شنهاي علي شبيك أعوذ بلله المهم وصه أبوها عليه وسلم وراح
بنين: إجه رجال جبير بلعمر كل لواحد اسمه علي تعال أخذه
علي : اي بابا جاي انطيته أيدي حته اصعد للسياره وكضت أيدي اتخبل اديه ترفه اتجنن بس انه لحد هسه ما شايف وجه
بنين : مد ايده كال انطيني ايدج انطيته وصعداني بس انه شفت بس جسمه كلش حلو وضخم وبعدين إجه كعد يمي وانه بس ابجي الطريق كله
علي كعدت يمه اسمعه تشهك وتبجي بره شويه وصلنه نزلته بابا دخلاها
بنين إجه هذه الرجال الجبير بلعمر دخلني وصاح الشيخه
إجت الشيخه ها شيخ آمر
الشيخ : هاي البنيه صارت وحده من بناتي وتعتبريه بنتج هم
الشيخه : صار من عيوني
الشيخ : تسلم عيونج
بنين :بعدين هو راح إجت الشيخه كالت أمشي وراي انه كبل مشيت أخاف ليضربوني
الشيخه : هاي غرفت ابني وبنفس الوقت غرفتج يله دخلي
بنين : مدنكه راسي حاضر شيخه
الشيخه : درفعي راسج خل اشوفج
بنين : رفعت راسي هيه ضلت فاتحه عيونه علكبرهن
الشيخه : ألله مصلي على محمد وآل محمد هاي متأكده عيونج مو عدسات
بنين : اي شيخه
الشيخه : يله دفوتي ونزلي وي البنات جوا
بنين : حاضر . انه رحت طبيت الغرفه تخبل لونه اسود وبيج وكشي بيه ايخبل ضليت واكفه فد 5 دقائق وبعدين اندك الباب كلت اتفضل إجت خادمات دخلن جنطي طبعا بيتهم اذا اكول قصر هم مو كافي كلش جبير عبالك فندق بعدين أخذت الجنط صفطت اهدومي وطبيت سبحت وطلعت ضليت كاعده منتضره أحد يجيني إبرا دقيقه إجت خادمه كالت الشيخه اتصيحج
انه كلت اي همزين اتذكروني لأن راح اموت من الجوع رحت نزلت
بنين : السلآم عليكم
الكل : وعليكم السلام
الشيخه : كعدي
بنين : حاضر. انه مادري أحس الشيخه حبابه بس تعامله جاف وياي المهم كعدت كله ضلت صافنه عليه عبالك الوحي نازل من السمه بعدين كال مره جبيره بلعمر اعتقد جدتهم شسمج بنيتي
بنين : بن..بنين
جدتهم: ليش خايفه
بنين : شيخه ولله انه مالي دخل بليصار واجيت ابجي بس كضيت روحي
الجده : لا بنيتي مالج دخل الي صار قضاء وقدر وحسن راح قطعه من روحنه المهم هيه ضلت تحجي وعرفتني علبنات وكلتلي انه شمخلصه المهم سولفنه هواي
بعدين رحنه صبينه العشه همه اتعشو انه ماتعشيت رحت صعدت فوك سبحت ولبست وقت التلفون و حطيت شوي مكياج ونمت
علي : ابره ما دخلت هيه انه ضليت اتمنه الوقت شيخلصه باجر أعقد عليه لاعبالكم راح ارحمه راح اشوفه شلون اخوي مات المهم صاحونه علعشه احنه طلعنه ورحنه كعدنه كلنه سوه بس هيه ماهيه كال أبوي وينه البنيه
ماما : وله خطيه نايمه ماخلت شي ماسوته طبعا انه حبيت هاي البنيه بس صورة ابني الي راح ماتروح من بالي كل ماشوفه أذكر ابني فأعامله هيج  بكلبي كلت
بابا : ها يله خوش
علي : يله انه راح أنام بلعافيه
الكل : آلله يعافيك
أمي : يمه نام بغير غرفه لأن البنيه نايمه بغرفتك
علي : ماشي
بعدين صعدت صحت نور اتجيبلي ملابس من غرفتي راح جابتلي ملابس ورحت طبيت لغرفه ثانيه سبحت ونمت
بنين دك المنبه بل5 طبعا انه مو من عوايدي اكعد هيجي وقت بس لان فصليه فلازم اكعد حته انضف واطبخ المهم طبيت سبحت ولبست دشداشه سوده شويه عريضة من جوه ومخصر من فوك وسرحت شعري ولميته طبعا شعري طويل يوصل جوه خصري و حطيت شال وصليت صلاة الفجر ونزلت أحضر بلريوك بعدين كعدت الشيخه كلتله
بنين : صباح الخير شيخه
الشيخه : صباح النور كملتي الريوك
بنين : اي شيخه بس  بعد اذا كاعدين حته اصبه
الشيخه : لا محد يكعد هيج وقت
بنين : ماشي يله راح اروح انضف علما يكعدون
الشيخه : اي روحي نضفي الطابق الثاني والثالث الجوا انه انضفه
بنين : حاضر . رحت نضفت كملت تنضيف بديت من ال6 خلصت بل9 انه بس انضف بعدين نزلت كلت خاف محتاجه شي خل اسوي كبل لا أسبح
بنين : شيخه كملت محتاجه بعد شي اسوي
الشيخه : لا ما عندي شي سبحي وتعاي صبي اكل واكلي
بنين : حاضر ، رحت سبحت ولبست دشداشه سوده هم مخصره وسرحت شعري ولميته بلشال و حطيت مكياج اشويه بعدين طبيت للمطبخ اكلت شويه وغسلت الماعين كله خلصت بل11:15 خلصت الماعين وبدينه بلغده كالو العصر راح يعقدولي كملنه الغده انه ونور وانه أكلت بلمطبخ بعدين صعدت اسبح وبدلت دشداشتي ونمت شويه العصر إجه الشيخ كعدوني اجتي آيات كعدتني انه كمن لبست الحجاب والعبايه ونزلت رحت من وره الباب كال تقبلين بلشيخ علي كلت اي وهو كذلك بس شلون عليه صوت رجولي ايجنن
علي : سمعته اتكول للشيخ نعم يمه الصوت العليه بلبل ايغرد
بنين رحت نزعت العبايه ونزلت وياهم انحضر العشه كم أنه العشه انه رحت سبحت وبدلت لبست  دشداشه طويله تسحل وراي 😂 بس هوه هيج موديله نزلت سلمت وردو السلام كله الأماكن محجوزه بس اكو مكان يم علي فارغ يربي هسه وين اكعد ضليت واكفه عبالك شمعة فكر فوك روسهم
الشيخ محمد : بابا ليش واكفه وتعاي كعدي يم علي هوه رفع رأسه وانه هم م اكدرت اكول لا
فأجيت اكعد
علي : ولله من كال بابا اله تعاي كعدي يم علي الدينيه  ماتوسعني من الفرحه وشون كامت تباوعلي بعيونه الخضر الجنه غابه عود هاي شبيني بعدني حته ماماخذ ثار اخوي منه
بنين اجيت كعدت يمه بس ولا مديت أيدي استحيت كلش كلت خل اكوم احسن اترخصت منهم وكلت بلعافيه كالو كشي ماكلتي كلتلهم شبعانه ماشتهي  وبره شويه هوه كام وراي رحت صعدت غرفتي طبيت للحمام حته اسبح سبحت وكملت لبست

للأن عبالي راح انام وحدي كاعد اسوي بشعري إجه علي انه مانتبهت عليه ضليت امشط واغني
علي : طبيت للغرفه شفت بنين جاي تمشط ولابسه شورت وبلوز وتغني جنه بلبل انه كبل حسيت عله روحي كلت احم احم هيه كبل  كمزت وشوف رجليه جنه كيمر
بنين : ماحس اله واحد كاعد ايحمحم درت وجهي لكيته علي ضل صافي عليه انه كبل غطيت  روحي بشعري استحيت كلش كتله مادري بيك تنام هنا هسه اروح ابدل هدومي
علي : هيه من كالت  ابدل انه اريد حجه حته ماتروح كلتله كبل لا تبدلين جيبيلي هدومي من الكنتور خل اسبح كلتله بس ابدل ولله استحي هيج أمشي كدامك
شنو تستحين غير انه رجلج يله بسرعه روحي جيبي هدومي هيه مشت والشعر جوا خصره واصل كلتلي تريد تلبس هذه انه اريد اخليه تتأخر كلتله لا مو هذه وضليت ساعه اكله مو هذه بلأخير شفته تعبت كلتله يله هذه
بنين : تعبني ياهو الاكله ايكول لا هوه طب سبح وحسيته ما يريد ايكوم
بعدين ردت اروح انزع وصاحني بعدين ضليت بيهن مانزعت كلت ها
علي : تعاي سوييلي الماي دافي
بنين : بكلبي هذه حته ماي ما يعرف ايسوي
كلت أمري لله
طبيت وهو ضل واكف يم باب الحمام جوا وانه جاي اسوي ماحس اله وجرني من أيدي
وكال. ......

يله هذه نهاية البارت باجر اكمللكم القصه تعبت اريد أنام بيباي