شيخ وفصليتي بنت اشيوخ

-18-

بقلمي / مريم علي

لمياء : ولله لأن اني أحبك  ( وهيه جاي تبجي )

علي : احجي بسرعه (بصياح )

لمياء : را...ج احج..ي 

اني لأن أحبك،  هيج سويت اني الي وديت جعفر وكتله هيج يسوي

اني كليتله روح البنين اني الي سويت المحادثات ( تبجي وتحجي )

علي : لييش خربتي حياتي لأن تحبيني هيج اسوين بيه ليش انتي ضالمه لهاي الدرجه تشوفينه

كدام عيونج مضلومه وماتحجين اتشوفينه حامل

وسويتي بيه هيج ليييييييييش ( يحجي ويصيح )

لمياء : كل هذه لأن اني أحبك ماريد وحده ثانيه تاخذك مني

علي : هذه ماتعبرينه بعد ( واشر عله عتبت الباب )  واذا طلعتي رجلج اكسره

طلع علي وهوه يفكر شلون ضلم بنين بنت كلبه حبيبته

راح علي صعد بالسياره وكان محمد منتضره بالسياره

محمد : هاا علي كلي شسويت

علي : اااخ ولك بنت عمي هيه الي خلتني اضلم حبيبتي كلي شسوي ( وضل  يضرب عله الستيرن مال السياره )

محمد : اهده اول شي بعدين خل نفكر شلون نرجعه

علي : اكيد ماتقبل ترجعلي بعد الي سويته بيه مو شويه

محمد : هسه خلينه نجرب والله كريم

علي : الله كريم . يله خل اوصلك لبيتك وارجع

محمد : يله

...........................................

بنين : حبيبي انته بقيت عايش علمودي هاا حبيبي
انته تحبني؟ اني أحبك كلش . اممم بله راح تطلع حلو مثل ابوك واريدك رجال مثله (حاطه ايده عله بطنه وتحجي )

اندك الباب ...

بنين : منو ؟

غيث : اني

بنين : ها غيوثي أدخل

غيث : شلونج شلونه ابن اختي مايعذبج موو

بنين : لا مايعذبني

انفتح الباب ...

جعفر : هاا بنون كالو انتي حامل واجيت أركض . صدك ؟! ( وهوه يتنفس بسرعه من وره الركض )

بنين : اي حامل ( حجته بفرح )

غيث : وعلي....

بنين : شبي علي ( تغيرت ملامح وجه )

غيث : راح تكليله

بنين : مادري

جعفر : لازم تكليله لأن هوه اله حق بي مثلج

غيث : اي صحيح لازم تكليله

بنين : اي صدك غيوثي يمته تسوون العرس ما طول أنتم مخطوبين