قصص أخرى بينما تنتظر
اليسار- بقيت انتضر ساعه ساعه وربع دك تلفوني زمن التفتت راسن شلته رديت الو ببرود وحيره جاني صوته عصبي
الو
هلو
هله بيج الوش حاضرتني
انت مو كلت
انه احضر انتي ماتحضرين فاهمه
انت مو تزوجت شتريد مني بعد. جر نفس وسكت
الو
الو
بقينا ساكتين لاهو اليدري شيكول ولا اتي السادته نفسنا واحد نسمعه سوه صوت يمه نسوان يحجون وساعه اسمع صوت بجي وهو يتحسر
الو
ها اليسار
انت وين
بالشقه
رجعتو
امم
وانت رجعت
اي باجر صار سبوع راجع
ها رجعنا سكتنا
ردت شي مني
اي
شنو احجي كلتها بصوت هاديء
بلي
رد عليه بهدوء
شنو تفضل
رجع سكت تحسر واني سكتت صوت البجي مستمر يمه. بقيت وياه عالخط شكله يريد ايقى وياه والا جان راح مبين عليه ميت قهر ومحتاجني وياه وخجلان يبين ضعفه الي . همست اخاف افزز جروحه
انت وين رد جار نفس
بغرفتي
دتسوي تحسر وكال
متمدد
تنام
اممم
نام واوي نام ارتاح
خليج وياي بس هالمره
وياك اني هم متمدده اشرت لزمن تروح طلعت وسدت الباب وطفت الضوه
متغطي
لابس تراكسودي
تغطه
مابردان
ميهم
اوك تغطيت
نام همست انسى كل الدتمر بي ارتاح.
وين الراحه
هنا يمي
انه وين
انت يمي غمض عينك واتخيل انت يمي تنفس سريع همس
امممم
ابو ذيبه احنا بمكانه دنسمع اغنيه الدنيا بارده وانت عالك النار واني وياك كاعدين نشرب جاي وساكتبن
اممم
انسى كلشي همست ردلي بصوت مبحوح
نسيت
اني يمك
امم. عطرج بالستره وانه متلفلف بيها قوي عبالك مادري شكولج عبالك انه ---
سكت جر نفس جاوبته
عبالي انت بحضني.
اي اي بالضبط انه مردت احجيها مااعرف شجاي اسوي بس اريد انسى كلشي خلينا بس اليوم
اششش انسى كلشي تعال احضنك الزم راسك واحضنك تنسى كلشي
ماريد اتذكر اي شي
اششش نام انت بحضني
اليسار،
نعم
ريحتج دوايه
اششش واوي ارتاح اني هياني ماروح
اممم تعبان
اي عيوني انت ارتاح هاي ايدي داامسد على شعرك بقه ساكت واني اتذمر خاله فضه قبل يوم. شون بردت بابا من قهره لكيت روحي اتذكر كلامها واقلدها وهو صوته هدا وروحه ارتاحت بقيت اهمس باذنه
انت بحضني ومراح اعوفك ارتاح. ارتاح وهو يرد بونه
اممم
وصوت البحي يمه مستمر جان بجي بهدوء مدمر للنفسيه ونه بالم وشهكه مخفيه ---
ابو ذيبه
هم
نام
امم لتفتح عينك قربت شفتي منك بستك من راسك
بقه ساكت زاد نفسه وهدا واني سكتت خجلت ومااعرف شحجي بعد بقه ساكت بس صوت النفس اخر شي حسيته غفه من خشونه نفسه غمضت عيني وغفيت فزيت على سده باب يمه فكيت عيني صوت حجي وهو صوت نفسه خشن بعده مبين نومه ثكيل او صارله كم يوم منايم بقيت اسمعه لحد ما طفت الكهرباء وراح النت عدي خرررب باوعت الدنيا توها تجهرجر واني مصليت صلاه الفجر كمت راسن توضيت وصليت ونزلت اشرب مي شكد عيب من زمن لبستها عساس دتبات بطلت شسويلها محتاجني واتصل لان محتاجني مكدرت اعوفه متركني من احتاجيته شربت مي دااصعد سمعت خاله فضه تسولف وي بابا وبابا يضحك وهي هم تضحك بهدوء ابتسمت سمعت بابا
وانتي شبيج ميته خوف ههه عبالك شفتي جني
شمدريني مدتلي راسها مكفوشه والله نسيت جايه عالخبز كالتلي شتردين كتلها نسيت
بابا خرب ضحك
جان حجيهم تافه بس المهم مشاركه بينهم جانت ماما. متشارك بابا بكلامها ولا بيومها المهم عدها اللبس والطلعه خاله حتى مسلسلات متابعهه وياه وبابا ترك جماعته وسهرات الحديقه والنركيله وكضاها وياها سوالفهم تضحك عبالك مال نراهقين وخاله تجيب العافيه. باكلها وسوالفها وتصنيفها سمعته كال
شعرج ليش متصبغي
ليش تريدني اصبغه
كيفج بس اتخيله يلوكلج
يالون اصبغه
كيفج انتي شيعجبج
احب اللون الاحمر
ههههه لاعاد مو هاللون صبغي اشكر
اني صفره واصبغ اصفر شصير
لا منيلج صفره انتي بيضه ويلوكلج الشكار
ماادري هسه اشوف بس مو هو خفيف كلش
اي بس حلو سرح
تحبه
ههه اي ناعم
هههه انت هم حلو
منيلي شعر اني اكرع هي شعرايتين جنتي عصفور مهلوس
لالا جنك تويتي الكرتون مال عصفور
ههههههههاي خرب دينارج كومي اريد انام انتي بس تلغين
وانت تحب تسمع شسويلك كل مااريد اغفه تسالني شي واني انفتح
هههه احجي شكد متردين احب اسمع كلامج
ههه هو هذا هم كلام هذا خريط
اي احب اسمع
تدلل ههههه لا ادوخك السبع دوخات بس هسه نعسانه من اكعد،
هههه
طبيت لغرفتي واني فرحتي متنوصف فرحه حجيت وي اللي كلبي ينبض باسمه وفرحه ابويه وحياته اللي انترست بخاله فضه كملت صلاه ورجعت نمت للصبح وصلت رساله
شكرا عالبارحه اول مره انام بعد 5ايام عذاب وصراع ماامدر انام
شوكت متريد اني موحوده رسلتله. مرد شي بعد بقه بالي عليه صح اني محجيت شي ولا سالته لان مبين عليه ميريد يحجي يريد ينسى الصار وياه ثاني يوم الضهر جتني زمن تعذرت منها كالت
لا عادي بس جيت امولج اخباره
شنو اخباره
اسكتي مصطفى لزم امي يحجيلها
باعي مصطفى مو عده تكسي وبقه هو وحده هنا بالبيت فهو مخابره كايله تطلع محافضات كله اي اطلع
فمصطفى ماخذ اهله كلهم وصدديقه ماخذ تكسي لخ وطالعين سيارات 2للديوانيه
مصطفى- جانو هواي ابو ذيبه بصفي وليوره امه ونسوان 2والبنيه ام المرايه صارت ورايه مجعوصين وبالسياره مال صديقه 3بنات واهل صديقه هم. طلعنا للديوانيه وصلنا بستان جبير وبي بيت بعده مبيض بس جبير كلش وطلعو ناس هواي يسلمون عليهم بجي ونياح وعتاب وحجي ممفهوم احس كلبي فز من مكانه كلها تبجي نسوان وزلم بس ابو ذيبه واكف بشموخ وويفرك بوجهه وايده ويستغفر اخر شي البنيه ام المرايه تخربطت وركضو عليها طببوهم للبيت مكدرت اعوفه والدنيا ضلمت ليل صارت جلبو بيه وبيت صديقه راحو بيانهم هم من الديوانيه بس شوي ليغاد منهم بقينا بالبستان تالي حجالي ابو ذيبه كال
تعبتك يابا
لا يابه لو بيدي اسوي اكثر بس ماادري شون اساعدك
هاهي الحمد لله
شنو الصارولو تدخل
بقه يباوع بوجهي تالي كال
والله اختي الصغيره ام رجاء رجلها طلع عايش والحمد لله وكدر يطلع من الموصل بس ابنها استشهد كدامه وهذا الشفته حضنها ويصرخ مكدرت انقذه ونزف لين مامات هو هذا ابو علي نسيبي والثاني الحان حاضن اني هذا اخوي صالح هذا اخوي الجبير والبقيه اولاد اختي وولد عمي وعمتي وولد خوالي
لعد هاي المره الرحنا للنجف دفناها ماعدها ولد بس بنيه باوعلي ونصه كال
بلي بس بنيه وانه عقدت عليها مالها غيرنا وخوالي استشهدو وعدها ولد عم اربعه واللي خاطبها وانهاي عليها استشهد والثلاثه البقيه اختفو مانعرف وين وتدري كلها بالدوله تشتغل اللي ضابط والملازم واللي شرطي. فداعش مابقو احد من الجيش
- يحجي ويجر نفس احس يحترك بجرته سكتت وسكت احس بالكوه يطلع الحجايه حيل مبي بعد
بقيت ساكت دخلو شباب 2 وكعدو يمه بقو ساكتين تالي ابو ذيبه التفت عليهم بس كالهم
شونكم خالي نصو راسهم وطكو بجي جرهم لحضنه وهمه حضنو قوي يبجون. ويصيحون
راح ابونا واللخ يصيح راح اخويه المن عايشين بعد. اباوع لبو ذيبه مبجه بس مغمض عينه ويمسح على راسهم جانو طول النهار يبجون وعبالك من شافو خالو مكدرو بعد دمار الصار بالموصل مينوصف. ثاني يوم الصبح خطيه ريكوني وترخصت واني كلبي مقبوض حيل. مقبلت اخذ فلوس من الواوي بس خجلني كال
ماريد اخسرك مصطفى ارحمني ولا تذلني لخذهن وخليني اامن على اهلي عدك ومااخجل ادز عليك مره لخ لان مااخذت مني كروه
سكتت واخذت وطلعت محلفه اي شي يريد يتصل. عرفت انه راح يلتحق بعد كم يوم. طلعت واني روحي تلوب عالشافو وره شهرين اتصل وكال اذا تكدر تجيبهم من نفس المكان كتله ليش مااكدر شو كاعد وهم رحت اجيبهم وصلت لليل وجلبو بيه طبيعتهم بس يعرفون شخص يجلبون بيه يصيرون مثل اهله بليل طلعت وي ولد اخته واخو وولد عمه للصيد الهدوء يخبل والجو ولا عبالك بالعراق صادو طبن حيوان دجاج صغير مااعرف حمام وجابو لاهلهم. ونمت بالديوانيه وياهم بقيت اباوعلهم احترامهم لبعضهم وللضيف وحبهم وتكاتفهم مبينين من لبسهم ولد خير. بس الزمن جار بيهم بقويحجولي على بيوتهم وحلالهم بالموصل يصصصصفن. كلمن عده قصور مو قصر وشغلهم زراعه وحلال يعني ابقار وادجاج وحليب واجبان كلمن بصنعه ناس فلح وناس اهل غنم بس راقيين يعني كلها كهبائي عصري
عمي بس تفض ويرجع الامان اشتغل عدكم اني مهندس كهرباء شغلوني يمكم
هو بس خلي ترجع الموصل الا نلزمك مصنع الحليب بمكاينه يمعود
هههه الله كريم. رجعنا الصبح صعدت امهم توادعو وهمه يبجون رجعو اقل من ما رحنا نسوان 2 وبنات 2ومن ضمنهم ام المرايه جانو من يحجون يحجون همس بينهم. شكد حلو وقارهم والطريق كله كلمه محجو العرفته ام المرايه اسمها عزيزه. الطريق طويل وكلها نامت بس هي. تباوع عالطريق وكلسا تمسح دموعها خنكتني خنك ابلوع امها وبيبيتها والبنيه مرت الواوي فاتحين حلكهم نايمين الا هي كاعده وتمسح ببدها دموعها انتبهت عليه اباوعله دارت وجهه راسن شلت باكيت الكنينس هذا العام اخذته ماانطي منه بس للعزاز ها شلته وجريت كم وحده ومديت ايدي ليوره ماشرلها تاخذ وعيني عالطريق
بقت متاخذ باوعتلها عكدت حاجبي هاج همست خاف امها تكعد
اخذت ومسحت وجهه كامت كلسا تباوعلي وتنصي لو تباوع عالشباك ابتسمتلها باوعتلي ودارت وجهه راسن صارت حمره يابه شحلوه وصلنا ونزلو وره يومين اجه ابو ذيبه لبابي ونطاني فلوس الكروه جان وجهه تعبان حيل اخذت الكروه وراح
----
اليسار- يعني امها ماتت منهاي عقد
اي خطيه لج عيني قهر
اي الله يساعدهم جريت نفس شفته شكد تعبان صوته جان. وشكد جان محتاج احد ينسي همه الحمد لله مكتله شبيك همزين سكتت
خلصت العطله وبعد يومين دوامنا تهيانا ورحنا اني وزمن ومصطفى وزيد وعمي سلمان للجامعه سجلنا وبقينا اباوع الحرم الجامعي والسنتر وادوره بين الوجوه
زمن- زين هو بهاي الجامعه
ماادري هومصطفى مو بهاي الحامعه
اي
هو غير وياه لعد منين تعرف عليه
اي صح من الجامعه يعرفه باعي هسه من وحده يبين هههه
صار سبوعين ممراسل واني ماريد احسسه انه لان خابرني محتاجني اذب روحي عليه واستغله
عفيه زين تسوين
تدرين اني عدي اشوفه بالشهر مره من بعيد ومبي شي يكفي
اي ليش لا وهو خل يتزوج ويرتاح عادي
لا مو عيج بس قصدي والله زمن ماادري مااعرف
هذا مو حب اللو هذا تلبس انتي متلبس الواوي بيج
اي هزيت راسي منصيه طبينا لقسمي وهي راحت لقسمها لحد الان ولا بنيه اعرفها بنفس قسمي بس اني طبيه كعدت بنصهم احس روحي بس اني المزيفه وكلهم حقيقيين اجه الدكتور نطه محاضره وراح واني كلشي ممفتهمه كمت اتلفت اباوعهم يجرون خط على مصادر المواد عدنا كمت اسوي مثلهم شيسوون طلعو واني هم طلعت لمحت وحده تسال عفيه هاي شون شنو الكاله الدكتور مفهمت لان انكليزي فهموها وافتهمت كمت اسوي مثلها واسال واني مهتمه والزك واخطط واترجم وياهم رفعت راسي لمحته عاكد حاجبه يباوعلي وايده بجيبه واكفين يم ولد كلبي وكع كعدت عالمصطبه واحساسي انه يمدر يجي يمي ويحجي بس موصل اذاني بقيت منصيه ماريد عيوني تكوله تعال وماريد احرجه بتوسل عيوني لجيته رفعت راسي اشبع عيوني من طلعته شفته مموجود صوت زمن ورايه
ها كملتي
ها اي هسه شلت الغراض وطلعت وياها وعيني ليوره بلكن المحه. بس ماهو دنمشي وزمن تحجي واني شارده اصلا بالي مو يمها واحجي وي روحي
اصلا مااجه سلم عليه بس خطيه شكد تعبان وجهه واللحيه مطولها سوده عليه كون اشيل الحزن منه واخلي يضحك مثل مجان بالمدرسه. طلعنا دااصعد بسياره ابو غايب وي زمن وننتضر زيد اجه يكمز كال
هاااا شونكم
زينين انت شونك
زين بس الله وكيلج كلشي مفهمت من الديكوله الطبيب كله انكليزي لو يفشر ويسبني هم ماافهم
عهههه طلع ابو غايب ووصلنا للبيت زمن ورجعت للبيت بقيت اتصفن ترجمت الكاله العينتين افتهمته وبدت حياتي بدت ماسات الدراسه والتعب الحقيقي ردت ابجي لل2 بليل اني بغرفتي اقره وافهم شون ابدي ااشر وشحفظ دخلت على الكروبات مال قسمنا وافتهمت شيريد الدكتور سديت الكتب وكمت نزلت اكللي شي متت جوع طبيت المطبخ واكلت من الضامته خاله فضه دااصعد سمعت بجي جمدت تقربت من باب الغرفه سمعت
بابا يحجي ويكولها
اعتذر مااكدر بعد
انت متفهمني
اي ومراح افتهم اتركيني
شتركك روحي تعلقت بيك لو اموت احسنلي
زين روحي لبيت ابويه فد سبوع
تطردني من بيتك
لاحول ولا قوه الا بالله يبنت الناس انييييي داموووووت ارحميني
ماشي بس لتصير عصبي باجر الصبح اروح والله
دنزلي جوه نامي
صار
طلعت خاله من الغرفه ميته بجي انسدت باب غرفتها قوي شافتني عالدرج نصت راسها نزلت ونزلت وراها
خاله شبيكم مو جنتو تخبلون بقت سامته مترد وتبجي
خاله فدوه احجي شنو الصار
ابوج. مدينطي مجال لروحه خايف اليسار شايفه واحد يخاف يقترب من مره من البس شي كصيف لو بي فتحات يدير وجهه ميباوعلي لو يطلع من الغرفه
خاله انتي متعرفي
يمه ابوج طايب بس هو يخاف
شون عرفتي
اني مره واعرف. مو صغيره بس هو يخاف يقربلي يكولي دائما افشل ليش اتعبج واتركج بعذاب
كلشي مداافهم
اليسار ماما بعدج طفله
خاله شون صدك حتروحين بيت جدو
اي حروح. بس لتخافين انتي عليج بدراستج لتدزين على ام غايب اني انضف من يطلع واركب واحضرله كلشي
خاله يعني هو شنو تقرب منج وابتعد
يمه بس اجي يمه ويحضنني ينتهي بيدي ويبادلني وتوه يقترب مني من يحس على روحه ينهزم يخاف عبالك اكوله لتفكر بشي ابقه فكر بالديصير بيننا بعلاقتنا الحلوه بالمشاعر الصارت تجمعنا يكولي كلشي ماكو بيننا متوهمه ويرجع اني ماريد اضلمج
- العمليه نجحت يعني
اي نجحت بس ابوج عده. حاله خوف حاله نفسيه خاف يتعلق بيه واعوفه يوميه يكولي هم يجي يوم وتعوفيني
واحلفله اني ماعوفك
سوده عليه بابا حبيبي
ميخالف كومي صعدي درسي داانضف البيت اليسار مو متدرسين ادرسي
لا خاله اقره بس شون حتروحين
معليج ماما هو بيت جدج بصفنا اني الصبح اجي احضر كلشي ومن تجين من الدوام اكلو سوه انتي وياه لتخلي وحده اليسار
اي خاله زين شون اكوله اريد خاله
ابددد ابدد خلي اذا صدك ميكدر دوني راح يجي ويقضي على خوفه
الله كريم خاله حضنتها وصدك خايفه لا افقدها نضفت البيت واني اقره فوك وراها. ركبت نزلت لكيتها تخلي طاسه الزلاطه بالثلاجه التفتت كالت رايحه اتي دير بالج على ابوج
اي خاله الله وياج راحت واني رجعت بابا نايم اليوم عدي عطله واللي سمعته من خاله وبابا مخلاني انام بعد للصبح راحت خاله ساعه 10ااصبح واني صعدت نمت سمعت بابا نزل فزيت رجعت غفيت مااكدر اشيل راسي لل4كعدت ونزلت توه بابا رجع من شغله باوعلي كال
ها بابا اكو غده لو اجيب ويدور بعيونه عالبيت
طلعت الاكل من الثلاجه مجاوبت كال
شنو منو ركب خالتج
خاله ركبت و راحت بيت جدو
ها يله يابه حمي دناكل
اوك بابا اباوعله تعبان حيل ومقهور صبيت ونزل نتغده وهو سامت كلسا يباوع لكرسيها الفارغ ويجر حسره مااكل هواي تركته نوبات الحجي بالجروح يفتحها عفتهم براحتهم لليل رحت يم ساره شفت خاله فضه وضلت تسالني حجيتلها تغدينا وهاهي كالت
شون تعوفي وحده خطيه خاف يحتاج شي
لا خاله هو دائما هيج بس من تزوجتي كمتي متتركي فتعلم خلي يعرف قيمتج
لا ماما خطيه
ساعه واجه بابا هي راسن طبت للغرفه كعد يم جدو يسولف وياه ويجيبها منا ويوديها لهنا وعيونه على باب الغرفه الجوه اباوعله شجابرك عالبعد يابابا ايس وجدو تعب يريد يرتاح اجه عمي سلمان وتعشينا بيت جدو وخاله مطلعت ويانا تتعشى مع العلم المبه والكباب هي اللافتها واني وساره نكلي ميت جويه انجويت بيدي ووحده منهن بطبطت بالدهن مال كباب اول مره اوكف على طباخ واكلي بالعاده بس احمي. وهاهي لليل رجعنا بعد ما بابا ايس من طلعتها قفل بابا الباب واندار باوعلي كال
ها بابا باجر عدج دوام
اي بابا
زين شفتي خالتج
اي شفتها اااشوي مالها خلك عكد حاجبه كال
شبيها
مادري كالت راسي يوجعني
نصه راسه ومشه من يمي صعد فوك شارد بدنياه عفيه دنيا لات حم غني ولافقير---------------
يتبع
اعتذر تاخرت جان عدي شغلهالبارت 2500كلمه مو تكولون قليل
وبلكن اكدر انزللكم واحد لخ منا لل12 اذا صارلي مجال تدللون بس عفيه لتكولولي مقصره
ساره علي محسن
