اليسار- يومين غايبه عن الحامعه نفسيتي تعبت وبس متمدده ودموعي تجري خاله فضه معافتني حست اكو شي وساره باتت يمي. لحت عليه هواي لخد ماكتلها كلشي بس عجيبه الراحه الحسيتها من حجيتلها مو مثل محجيت لزمن نصحتني
ساره- باعي اللو اني اتمنى عدي اخت مثلج العدي كلهم زلم ماعدي خوات وانتي اختي تقبلين النصيحه متقبيلها براحتج
كولي
باعي حبابه انتي حبيتي اوك فهمنا والولد وكف وياج ومتركج وخلاج تتغيرن 360مو 180
صح كلامج احجي وامسح بدموعي جرت نفس. وكالت
فياحبيبتي الرياجيل مثل الولد الدتحجين عنه انقرضوا ولو اني بمكانج ابقى ادرس واوصل للي راده نوصل سوه نكمل ونشوف متدرين يجوز من تتخرجون تشتغلون بفد مشفى
خاف ميرجع
بعد هذا امر ربج ولو اني بمكانه والله اسوي نفس السواه لان صعبه عليه ولايته تروح وماله واهله نصهم راحو ضلو بس نساوين الله يعينهم
اي والله
فهسه كل الاريده منج مو تنكسرين الولد خلالج حجاب بركبتج وتوسل بيج تحافضين على روحج وكلج انتي قويه وراح تكدرين ترجعين توكفين وكلج الملج متحتاج واوي بحياتها مو صح
اي صح كال هيج بالرساله
خلص لعد انتبهي لروحج وصيري مثل ماانتي تردين مو كاتبلج اريد اروح وارجع اذا الله كاتبلي عمر اشوف البنيناه سوه صاير للسما
اي كال هيج
خلص صيري واوصلي بكل قوتج ونفوذج الزمي مستقبلج مو بس علمود عمي لا علمودج انتي وعلمود حب عمرج والله هالولد ذهب صافي عمي والله انقرضو قسما بالله الا اخذ عربي
ههه بس خلي يرجع
اني كتلج عده خبزه بهالدنيا يرجع مال خبزه خلص نياله عالشهاده خل اكولج شي تدرين علماء الدين يكولون وي اول قطره من الشهيد تروح كل ذنوبه هاي اولا وثانيا اول ميوكع بالكع يسقط بحضن زوجتيه من الحور العين وثالث شي الانبياء يقبض روحهم عزرائيل وبقيه الناس كذلك الا الشهيد رب العالمين بجلاله قدره يقبض روحه
- ماريد غيري يحضنه كلتها وغطيت وجهي ابجي خربت ضحك الخبيثه
هسه انتي عفتي الميزات كولها لحكتي عالحور العين الك اللله واوي على هالغيره كومي كومي تحضري لباجر كسول
-لا قريت بس مالي خلك اداوم وماشوفه
-الولد صديقه خابرج 12مره
اي ادري مالي خلك ارد والله
اهوو شحجينا
اي والله راح ارفع راسه. واحافظ على روحي راح اكون نفس ميريد واحسن
خل اشوف شكاتبلج
بقيت اباوع بعينها. ونصيت شعر كاتب يشرح حالتنا ووراها موصيني كتلج شون وصاني
اممم زين شون طيتي الحجاب
خليته بجيس وذبيته بالشجره وبقيت انتضر يجي للوحده مااجه طبيت نمت بس كعدت الصبح لكيترالجيس ماكو وبمكانه جيس اسود فكيته لكيت علك مال امام وهاي الرساله وموصيني بمحمود اذا احتاجيت شي وكاتب طيته رقمج وانه ضامنه للولد
- هممم زين يله كومي اقري وتحضري
اوك شكرا ساره باوعتلي ابتسمت جرت نفس كللت
جنت اتوقع متعوفين سالفه انج مثلزالولد وهسه داشوف كدامي شابه متكامله الانوثه
هه كمت وكفت ورتبت الغرفه وكعدت اراجع طبت خاله كالت
ها ماما تاكلين ويانا لو هم وحدج
لا خاله اكل وياكم شتاقيت لبابا دك تلفوني باوعتلي خاله كالت يله عود نزلي
اوك باوعت التلفون محمود خزنت رقمه بعد ماانطانيا مهدي رديت خجلانه
احم الو
الو السلام عليكم
عليكم السلام والرحمه
يابه اخويه وصاني بيج وانتي مامداومه يومين عليش
بقيت صافنه لجراته ابتسمت والله شويه مريضه باجر اداوم
ماشي محتاحه شي مثل اخيج انه
لا ممنونه الله يخليك
انتي منا وجاي بحمايتي دراستج ماريد كسل اي تحتاجي كليلي وانه بالخدمه
ههه اوك شكرا
زين صاحبتج ماكالتلج شي
لا والله زمن
ام بله زمن هاي شجاها تره مانكل اودام يابا
لا العفو هي هواي تخاف
اي وياج بس انه فهمتها احاجيها علمودج كم سوال هي شردت شمجني السالفه الغلط بيه بيها
لالا ههههه لابيها
جا خوش الباجر مو تتاخرين رايد انطيج ملازم مال اول تفيدج مايحتاج تستنسخين
ها اي ماشي
يله فيماللا
الله وياك
هله بيج ياب
سديته واباوع عالتلفون حتى من راح ماخلاني وحدي يخاف عليه والبيننا كله وكلايله ثلث شهور واني امي مثل الورد دعش سنه وعافتني وراحت اوف يربي رده سالم بجاه هاي صلاتي لزمت العلك شميته يا الله ياريحتك ضميت العلك بجيسه وكمت. نزلت اكلت وي بابا وخاله بابا يباوعلي بقلق
بابا بيج شي يوجعج شي
لا بابا شوي بروده -- سكت تركني ورجع كمل حديثه وي خاله فضه كامت خاله من الميز بعد ماكملت عشاها وبابا بقه كاعد واني يمه صافنه اندار شاف خاله راحت همس
بابا امج دتحاجيها
بقيت صافنه عليه -- لا بابا هز راسه يباوع بغمج بعيني
همم يعني معرفت بيه تزوجت
بقيت اباوعله جريت نفس هزيت راسي لا بابا عرفت
اي وشكالت
مكالت شي بابا عادي
هااا
رفعت راسي اباوع لهاله فضه عيونها مدمعه عرفت سمعته وجانت وره الحايط كمت من يمهم اكو ناس تره تحب الادجذيه لروحها تحب واجد يذلها صعدت فوك حضرت هدومي وادور وين ماكو لبس مستر تحضرت وبقيت اقره لل12 ونمت وكالعاده حسيت الفجر صليت ورجعت نمت ورجعت كعدت ب7بدلت ونزلت شفت خاله كاعده بالهول
صباح الخير خاله شو كعده كالت
تعاي ماما داحاجيج
ها عيني
شنو ابوج البارحه سالج
جريت نفس هزيت راسي خاله بابا يريدني اكول لماما انه هو تزوج ومرتاح احسن راحه هذاكل الموضوع وداعتج لان جرحته
-يابه مو ضروري تعرف ليش يفكر بيها بيش مقصره وياه اني زين اليسار ميخالف تكوليلي امج شون جانت تعامله وهيج يحبها
- خاله ماما استغفر الله ماما جانت مثال للام والزوجه الغير صالحه
ليش يعني
خاله متفكر بس بروحها طبه وطلعه وسفر وفلان احسن مني هيج سوت انتي ماكو منج والله والقران خاله بس اباوع بوجهج احس بالعافيه دكولي يا الله
يا الله روحي بمه الله يجبر بخاطرج ويستر عليج وينولج اللي بكلبج
شهكت اوووف شنو هالدعوه الخلوه طلعت اخذنا ابو غايب مصطفى مااجه اليوم سيارته مجرقعه واخيرا حيوديها مصلح بعد ما ايس حرنت فد مره
مصطفى- ايست منها فد نوب وكفت اخذتها للتصليح الجان بفرع مدرسه زمن اختي ضل المصلح يجيبها منا ويوديها منا المهم لكه العطل فيوز صغير بكهربائياتها موكفها كعدت عالرصيف وهو يصلح رفعت راسي شفت عزيزه بله وعي ابتسمت ووكفت بس مشيتها مخربطه وتتلفت شبه تركض اباوع الساعه ب7ونص قليل بنات يجون هالوكت واغلبهم خطوط شبيها هاي شون تمشي صدك والمح عمران بيت ام خليل ديلحكها هذا ممخلي وحده بالمنطقه ملاحكها حتى امي من وكت انفال ويوميه مكتول ومهزوم لان اذا اكعده افصله كلها تطبك ويايه بالمنطقه لان مامو بنيه ملاحكها مشيت تجاهها شافتني احس لمعت عينها وكفت والتفتت صحت
هااا ولك شعدك وياها
لا مو يمها اني ببحدي داامشي
باوعتلها وكفت تباوع عليه وتمشي على كيفك وتتنفس صوت نفسها لهنا واصل رحت يمها اليوم ليش موصلج واوي ردت ووجهه ميت خوف
التحق قبل اربع ايام
هاا رفعت راسي وكف الحيوان عاب هالشكول رجعت باوعتلها تكمل مشيتها بقيت واكف دخلت المدرسه والتفتت عليه عدلت جنطتها العله ضهرها ورجعت كملت مشيتها
البنيه شبه اخذت عليه لان كم مره موديهم وجايبهم من والى الديوانيه والطريق طويل من غير كم مره بايت عد عمامها وخوالها هناك فمطمنه الي واني اخرب عليها. من اشوفها شكلها جنها كرتون كوري كيونها كبار وناعمه ومدبدبه تصلحت السياره ورجعتها وذبيت 70الف ساعه اتحايل على ابو التصليح قفل لابن الزفره دفعتها وطلعت بس متاكد مراح يتهنه بيها
