عرفته رااح بيت جدو
ادري بابا ليش هالعناد البيك اكو واحد يعاند روحه اوف اوف رجعت صعدت فوك ادرس لليل علنوها عطله باجر بس سمعت عطله راسن تمددت انام من التعب كعدت الصبح تقريب العشره خاله فضه كعدتني كالت
ماما كومي درس
كمزت تريكت وغسلت ولملمت الغرفه وكعدت بالحديقه اقره وخاله خطيه تغسل بالكراج جتني زمن وبقينا نقره. للضهر اجه بابا من وكت نزلت لكيت خاله بالحمام تطلع الهدوم الناشفه من الغساله نزلت زمن كالت اجه مصطفى باي
الله وياج انداريت على خاله
خاله تره بابا اجه
ها دسديها الباب بينما يصعد واروح
اوك
مر اسبوع وبابا مشايفها اباوع بعينه الاشتياق ومن سالتها على قبل يومين من اجه مالت كعد يم ابو سولف وي اخوته وراح واني مطلعت من الغرفه
طب بابا من الشغل
ها بابا الله يساعدك
هله باباتي ها دتقرين
اي
اليوم عطله كشخه بعد شتردون
امم
شبيج واكفه بباب الحمام
ها هيج لا مشيت دااصعد صعد ورايه توه يصعد سمعنا صوت بالحمام وكفنا باوعتله عكد حاحبه كال
منو بالحمام
ااا كمت اتا اتا خاله تضوج من هالسوالف واني ماريد اتدخل
خالتج فضه
اممم هزيت راسي وصعدت راسن باوعتله من جوه ليحوه بقه واكف عالدرج ويباوع ناحيه الحمام. طبيت للغرفه سمعته نزل فتحت الباب مره لخ اسمعهم شفته دك باب الحمام على كيف وخاله مردت ابتسمت اضحك عليه رجع دكها على كيفها كال
ادري بيج هنا فتحي الباب
خاله مردت ضل يحاجيها
افتحي بس داحاجيج
فضه بس اسمعيني اني البارحه جيت اخذج بس خجلت من اخوتي وابويه
وخاله مترد بقيت صافنه
براحتج فضه بس ردت اكولج البيت اضلم دونج ودار وجهه يصعد طبيت شفته طب لغرفته وسد الباب سمعت باب الحمام انفكت ومشيه سريعه لباب الحوش
اوووف يابابا شوي وصاح يله بابا تعاي صبي نتغده
اوك بابا
نزلت تغدينا وهو يافاف ويستغفر الله كمل الاكل وكام تمدد بالهول عالقنفه كملت تلملم وصعدت بقيت حسبه تجيبني وحسبه توديني بابا منا ومناك الواوي وخوفه عليه وحرصه والحلقه البيده اوف ربي بقيت اكلب ماعدي شي حضرت هدومي وخابرت زمن كالت
باجر مري عليه توفي ميداوم سيارته عطلانه
بسيطه
بعدها تمددت سمعت الباب الحديد انسدت وباب بيت جدو اندكت وره شوي عرفت بابا راحلهم بدلت ونزلت الحكه اروح العب كيم وي زيد احسلي طلعت ورحتلهم شفت بابا كاعد بالهول وي جدو سلمت على جدو ورحت لساره للغرفه
هلاو
هلو اللو
هلو خاله
هله ماما شونج
زينه الحمد لله عاشت ايدج عالبرياني يخبل
ابوج اكل
اممم بقيت بجاباوع بعينها الاسبوع خلص فضه ياذهب شوكت تجين
مااجي
لا خاله والله ضجت
لا يمه عوفيني هنا
خاله تره هو يم حدي
اعرف بي
كيفج ماريد اضغط عليح
اي ماما فدوه.
دااحجي وسمعت الباب اندكت
منو كالت ساره
اني عمو ادخل
ساره- باوعت لخاله اشرت لا
ااالا عمو. دقيقه
ماشي
خاله شون
ماريد يطب
خاله يريد يحاجيج
ماريد داكولكم
اوك كيفج طلعت من الغرفه اني واللو وانقفلت الباب ورانا بابا ضل صافن يباوع بوجوهنا ونصه وراح عرف متريد تحاجي رجع لجدو كال
يابه حاجي فضه شوكت متريد اطلكها ليش اخليها بعذاب
اليسار- باوعت لجدو بقه صافن وبابا خله وراح للبيت سالنا جدو شكو جاوبته جدو بينهم وكلشي لتسوي عوفه من وحده يجي سكت جدو بس باهت مبجيعرف شنو السالفه عباله علموده جايه خاله حتى تداري من تروح ساره لبيتهم بقيت شوي ورجعت للبيت نمت حسيت الفجر صليت وبقيت كاعده رتبت روحي واشوف بعيوني ابو ذيبه. ماشوف روحي اعدل بنفسي و اتخيله من يشوفني. واتذمر ملابسه البنطرون الكحلي والقميص الابيض. ماركه لا كوست. حذاءه الشموا الرجالي مابي شي موراقي بس ساعته ذاك الحساب. يتمشى للعماره من الجامعه صح مشي تقريب نص ساعه رياضه بس تعب يوميه روحه ورجعه ونوببات وي صديقه اللي ميفاركه وياه وياه لبست ونزلت انتضر لكيت بابا نايم شعجب كعدته
بابا
بابا
ها بابا
كوم ماعدك دوام
لا يابه ماعدي شغل اليوم من تطلعين طبكيها الباب وكولي لابو غايب يروح ماعدي شي اليوم بس يرجعج
اوك باي بابا طلعت للحديقه مبتسمه عرفت يريد يصيد خاله فضه شو حلوين يارب يتصالحون ابويه صح صار سبوع بس ذبل ويدور باركان البيت عليها وبفتح ويسد بالثلاجه يشوف شمسويه حلويات لو شرابت اله. اجه ابو غايب ومرينا لزمن ورحنا للجامعه نزلنا دنمشي. ونحجي جان زمن توكف صافنه شكو التفتت على مكان نضرها اباوع تباوع على ولد يضحك نزع مناضره الشمسيه رفع تك حاجب عكدت حاحبي باوعت لزمن شبيج
ارتبكت كالت
هيج هيج امشي يله
باوعتلها هذا صديق ابو ذيبه
خرب حضي وجه وكفه امشي لتخلي ينتبه
اوك شوي وسمعنه صوته ورانا كال
وين الله وتضيعين بالجامعه
اليسار- جتني الضحكه تذكرت شفنا بالمول واني صافنه وين شايفته كملنا مشيتنا وصلت لقسمي راحت زمن واني طبيت والحمد لله مسيطره بقيت بالقسم. والدكتور ينطي المحاضره واني ااشر عالديكوله وطلع الدمتور بعدما كمل محاضره واجه الثاني وهم نفس الحاله وراها دخلنا عملي تقطيب جروح كملنا وطلعت احي روحي منسيطره وراح ابجي كملنا مخاضرات ولازم اترجمها وادور مصادرها وكبل للمكتبه اليوم لليل مااطلع. طبيت لنفس مكاني وكمت اسحب بالمصادر وي البنات البنات مطولو راسن كملو الا اني روحي طلعت واني ااشر واخطط واحضر حتى بالبيت احفضها واتلفت ادور ابو ذيبه مامرلي اليوم تعبت وركبتي كامت تون عليه وكالعاده دكت زمن
ها عيني
وينج يله
اني بالمكتبه
ولج موارجع وياج
نترت اني شون اطلع واعوف الضيم خنكتني العبره من ضعف الايمان خليت ايدي على وجهي والتلفون يم اذني وهي تمولي وينج مداالكاج هنا يم الفرع ب
جيتج سديته وذبيت التلفون عالميز غطيت وجهي بيدي بعدني عشر ايام واحس روحي عجزت ومن غير وجوده ديتعبني اكثر ومن انتضاره دااهلك واتعب ها وينه ها شو ممر عليه ها اشتاقيتله واني مغمضه وصراع بين عقلي وكلبي سمعت صوته
بيج شي
التفتت راسن اباوع بعينه يباوعلي بقلق ويتلفت لا احد يشوفه رجع باوعلي كال
بيج شي
مدااكدر رجعت غطيت وجهي سحب كرسي بهدوء وكعد كبالي باوع وراه وكدامه فارغه المكتبه رجع كال
شمحتاجه كليلي شنو الماجاي تعرفي
تعبت نصيت راسي ومقاومه الدمعه
شو رفعي راسج اشوفن عيونج
رفعت راسي بس باوعلي ارتجي جر نفس وكتف ايده كال شنو الجاي يتعبج
اي صعبه كلش
هز راسه بس انتي هم مو هينه
مااادري يمكن ماراح اكدر
انه من اول كتلج اذا تردين تدرسين خلي دراستج للجامعه وهناك يبين القوي من الضعيف
اني مو ضعيفه
ام بله ضعيفه
لا مو ضعيفه وكفت الم غراضي مناقصه تكسير جنج وصارت عيني عالحلقه مااعرف شصار بيه انهد حيلي كعدت اباوع جر ايده ودار وجهه
انت مو عاقد شعدك جاي عليه بقه يباوعلي مستغرب ورجع دار وجهه
كوم روح
مو مكتبه ابوج هاي ماشتراها لج نفس مشتره الامتحانات
بقيت اباوعله. سكتت وراها رديت بنتره اي اي زين روح وبعد لتحاحيني بقه يباوعلي بغضب ووكفت ابتعد راح عالميز البعيد كدامي جتني زمن كعدت كدامي كلشي محجت خافت من شافته وشافتني موجره شوي واجه يمه صاحبه باوع لزمن. وزمن ارتبكت بقت منصيه التفتت اباوعله يحجي وي صديقه وعينه عليه بغضب وصديقه يباوع مبتسم لزمن كمت لميت غراضي وزمن ويايه كامت طلعنا وصعدنا بسياره ابو غايب من دااطلع شفته طلع من الحامعه باوعلي والتفت على صاحبه وصلنا وزمن انفتحت
هذا حضي جابه عليه
شبيج
ولج هذا نفسه اللي بالمصعد ونفسه اللي من جبيت عليه الببسي
ههههههه
انجبي لتتمضحكين النوب لتحكني للجامعه
ياب دعوفي
ششفتني عاد لاحكته اتوسل بي
هههه رجعت للبيت لكيت خاله وبابا بالهول ووجوههم مكلوبه
السلام عليكم باوعت بالوجوه وصعدت فوك عفتهم يرتاحون غسلت وصليت ونزلت اتغده واسمع الكلام قبل لا اوصل الهول
فضه- اني لو ادري بيك هنا مااجي
بس انتي دتجين تنضفين وتحضرين الامل والبيت المن مو اليه
اي الك ولالو
خلص ابقي هنا ونامي جوه
ماريد ابقى اريد ببيت عمي
فضه اني مختنك وحدي رجعي هنا نتفرج سوه ناكل سوه
باوعتله. ودرت وجهي
شتكولين
ماريد نصيت ابجي مو بيدي
الوش الدموع ياعيني
انت لغيت وجودي
اني
اي انت من طردتني شنو معناه وبعدين شنو تمول لعمي شوكت متريد اطلكها اطلكها
انتي متطلعين وكم مره دميت الباب وانتي متردين تشوفيني
ردتك تشتاقلي ردت اشوف فراكي اثر بيك
يعلم الله شكد شتاقيتلج ولسوالفج بيش احلف اني وراج روحي طكت
اسم الله عليك همست ونصيت
وهسه شنو
هاهي كيفك بس اخر مره تطردني
ينكص لساني بعد
ماشي وكفت تتغده
بعد كيفج تغديني متغديني براحتج
خل اصيح اللو
جيت خاله هلاو ياعصافير
امشي بابا كواجلي لجدج خاله متجي
اي بابا خاله اصب وياج
لالا روحي كولي لجدج اني اصب
اوك رحت لج و ورجعت لكيت بابا ديثرد وياها ويضحك يمه فدوه شحلوين كعدت تغديت وياهم وصعدت ادرس اسمع الضحك مالتهم يارب تمم فرحتهم يارب بقيت اقره لليل سمعت بابا صعد صاح عود طفي الماطور جاوبت خاله
اوك
نزلت على كيفي طبيتلها للهول متمدده عالقنفه كبال التلفزيون
ها خاله،ها يمه تعاي
شنو لكفج
اي شفتي الحيال باقي بالبيت
احجيلي احجيلي الله عليج
ماكو كملت تنضيف داامسح واشوف احد يباوعلي شون فزيت كتله انت هنا
اي شدتشوفين
ششنو مرحت للشغل وتقرب مني
لا مردت اروح
شبيك تقترب وخر ايدي نكسه مال تنضبف
ذبي الوصله مال مسح
ذبيتها وعليت ايدي حسيت بي ورايه انداريت
شتريد ابو اليسار
اريدج تبقين ضجت وحدي
انت مو طردتني
ضلي حواليه
التفتت عليه يباوعلي مبتسم وعيونه متروسه تعب تقربت احاجي بصوت ناصي التريده سويته
كلشي ماريد بس رجعي زيني ببيتي تعبان بدونج والله فراغج محد سده
تقرب مني اكثر وخله راسه على جتفي جريته حضنته خطيه بقه بحضني عبالك جاهل سوده عليه
خطيه بابا والله ششاف من حياته
شسوي يمه هاهي الحمد لله كلي رجعي ولتنامين يمي حتى مااحس بعجز
كتله هذا هو صار
اي وجيتي
اي مااكدر اتركه خطيه
اي والله خاله خطيه متدرين شصار بي من تمرض ايام يصرخ ويعيط ويدعي على روحه ومرتين اندعم مامو باع روحه خصوصا وره المحاكمه مال ماما
سوده عليه كون من ذاك الوكت وياه وماعوفه ابد
ديله خاله نامي خوماتخافين
امشي لج امشي اخاف والله يابه زين طفي الضوه بدربج
صار ههه صعدت طبيت للغرفه وسديت الباب بقيت اقره. لل2 بابا فتح باب غرفته بقيت اتصنت سمعته نزل
خليت راسي اتصنط والله يونسون سمعته طب للهول
كاعده فضه
امم دااتفرج
زين تدني شوي سويلي مكان اتفرج وياج
متكفي القنفه. هههه
لالا تكفي
دفعني ونام يمي اختنكت تالي نيمني على صدره وتغطينا بقه يباوع بعيني تقرب مني باسني بلهفه مشتاق تركني بقه يباوع بعيني محافظ عالقرب الجان بيننا حسيت يفتح دكم التراك وبرجله يسحب بجامتي وعينه بعيني جمدت خايفه يرجع يفشل وهالمره اذا طردني من صدك مااكدر ارجع نضرته بعيني ذوبتني ورجع باسني وعصرني بقوته بحضنه تقرب مني واني بادلته مردت يتذكر شي ابد وفعلا توه يصفن همست باذنه
احبك نعمان صفن بعيني مستغرب
احبك كانما معشت قبلك ابد
بقه يباوع على شفتي وعيني باستغراب
هالايام هواي اشتاقيت لحضنك حسيت ببرد
اني هم اشتاقيتلج
ماريد تعوفني ابد
حتى اذا كتلج عوفيني لتسويها
رجع تقرب واشوف لهفه عيونه وعضت شفته وحضنه الدافي عشت يوم من العسل والحنان مثل الحلم لحد ماابتعد ومفارك حضني كال وصوته مخنوك ياخذ انفاسه
الف الحمد لله ربي
خنكتني العبره كمت التفتت عليه وغطيت روحي بالجرجف بسته من راسه غمض عينه قوي وخنكته العبره حضنت راسه قوي. خلصت حبيبي هاهي ازمه وعدت
لتعوفيني فضه
ناعوفك عمري مصدكت لكيتك
الله لايحرمني منج لزمت وجهه قوي اذا الج نيه تتركيني شتردين انطيج ومن هسه روحي
لو تنطيني الدنيا اختارك الك حضنني قوي يباوع على جسمي كال
مغريه لدرجه حسيت روحي مراهق وومجرب ابد
ابتسمت جرني على صدره ونمت بعمق اسمع دكات كلبه واحي بيده تتلمس شعري نزولا بضهري وترجع ترتفع باسني ومن راسي وجر نفس
الحمد لله
غفيت بيده براحه
اليسار- بقه بابا جوه واني رجعت نمت ورجع طيف ابو ذيبه احس بروحي نار من اتذمر الكاله انتي ضعيفه اني ضعيفه موو بسيطه واوي داومت وراها كمنجت من اشوفه بمكان انهزم بغير مكان بس صديقه وين منروح اني وزمن ورانا اخر شي تقدم تجاهنا اهووو كالت زمن
شيريد هذا
شمدريني وصل يمنا كال
سلام
اليسار- اهلا تفضل باوعلي الي داحاجيك
اانه محمود صاحب الواوي
اي تفضل يحجي وعينه على زمن مبتسم لابس المناضر الشمسيه على كصته ويحجي بثقه
اا بس عدنا مشروع وي طلبه الاول طبيه كل طالب رابع يختار طالبه طبيه
زمن- الحمد لله اني تحليل يله رايحه اللو
محمود- ليش زمن تحاليل
زمن- منين تعرف اسمي
هههه من ضعتي المول كله عرف اسمج
اليسار- زين ابو ذيبه ويامن حيسوي المشروع
ماادري طلع قبل مينطينا الدكتورخبر
هاه باوعت لزمن كالت اني حروح عدي محاضره
اوك روحي
محمود- اازمن
التفتت عليه نعم اخي تفضل
محمود- تره شعرج طالع ابتسمتلها عدلت ربطتها ودارت وجهه وراحت باوعت لاليسار ابتسم كالت
عدي محاضره اترخص
هو جاي وياج دكتورنا ينطيكم العملي
اليسار- بقيت انشي وياه طبينا لصاله العملي ابو ذيبه جان يدور بيد الطلاب من شافني ملامحه تغيرت
محمو- وينك انت معود
واوي- رادوني بالعماده
لا تالي
بعدين افهمك باوعت لاليسار حايره والطلاب صارو اي وبي جيت يمها
تعاي هنايا
ماريد وياك نترت
جا مو كيفج لا يروح واحد يخجلج جي ماتعرفين
معليك مني صاح الدمتور
ها دكاتره ترتبتو
اي دكتور جاهزين اكفي هنايا لا تعاندين ورانا شغل ماجايه تلعبين
اليسار- اباوعله ميباوع بعيني من يحجي وكف بصفي وبده يعلمني واني وي ايده اطبق وكلسا اغلط ويهمس
لا يابا مو هيج ويرجع يعلمنيويباوع خاف احد ينتبه واني وي عيونه تالي نزع حلقته وخلاها بجيبه ورحع لبس المف باوعلي كال
البسي يله
ليش متباوع بوجهي رفع وجهه باوعلي جر نفس ودار وجهه
جايين ندرس يابا خلي المشارط من اديج
اوك ذبيتهن ولبست الكف ابتسم وهو يباوع على ايدي كملنا وره ساعتين نزعنا الكفوف مرتاحه تعلمت وهو ساكت باوعله محمود كال
ها ابو ذيبه هسه كملت تروح
اي رايح. بعد التفتت على اليسارابتسم باوعت بعينها بقت مستغربه دير بالج على روحج
ووين حتروح
التحق عدي اجازه عشر ايام وهذا محمود اخيج شتريدن كليله
ليش انت موعدك دوام
يابا التحق تطبيقي يم ربعي ابتعد واحجي التفتت اشوفها غوركت عيونها رديت رجعت
ما تمولين انه كويه
اي اني قويه
راويني قوتج باجر تشريح
ليش متبقه بس باجر
لا تعورضيلي يابا خليني اروح
ابو ذيبه فدوه جر نفس والتفت
عيونه
دير بالك عروحك
انتي اللي تديرين بالج حجابي وين
مديت ايدي وعينه تلحق ايدي طلعته من جوه الحجاب غمض عينه مبتسم هز راسه
هاي هي مودعه بالله
ابو ذيبه تخابرني
لا ع ماراح اخذ جهازي
اوكف بس خل احاجيك كام يتلفن ويباوع عالمكتب مال مدير كال
زين دتانيني راح يطلع رئيس قسمنا
اوك بقيت انتضر مخنوكه بس احد يطخني ابجي شوي وطلع وبيده ورقه خلاها بجيبه اجاني كال لحكيني
اوك صعد فوك نهايه دوام وماكو احد فوك صعدت واباوع ليجوه مشيت وراه يمشي سويع ميلتفت عليه طب بوحده من القاعات كعد وجر ستول خلاه كدامه كال
اكهدي هنايا
شنو حتروح دمعت عيني منصي على الورقه يطبك بيها
اي
باوعلي شبيييك ليش متباوعلي
يابا اذا عاينتج اجرم بيج بعيوني نترت لا تصلين باوعني وباوعني مااكدر
زين ليش تروح جماعتك مو هنا يداومون ويطبقون بالمستشفيات حباب ابقى
لا انه اطبق يم ربعي محتاحيني وانتي سباعيه ما ينخاف عليج ومحمود اخوي اي شي تردينه بس تكليله تلكينه ينفذ انه وصيته بيج
وانت شعليك مني مو حتعوفني وحدي بعد معليك. برطمت حباب ممرتاحه لهالروحه
اللهم طولج ياروح فركت وجهي باوعت بعينها ابتسمت روحي هديتها. بقيت اباوع مثل ماتريد واذبل وصله وصله لحد ماعيني ماكدرت افتحها
خايفه
والله لو اموتن احسلي
ليش هيج تكول
جا هاي عيشه همست واباوع لزراك عينها المغوركه
ليش كول الحمد لله
الف مره الحمد لله غمضت عيني رفعت راسي
تزوجت مو
هزيت راسي
تحبها
ههه تحجي وماباوعلها رفعت راسي
بويه انت شتحجين شتكلين انه ميت تره
لالا انت عايش وبطل فدوه لتكول هيج
اليسار همست مميل ركبتي
ها عيني
انتي ششفتي مني وماتردين اروحن
مااعرف لتسالني نصيت
انه اتنفسج كلتها وفركت وجهي الموت الي والج رحمه
كافي بس
يبت بغداد الدنيا لعبت بيه وبيج ووكعتني وانه النجر احجي وجن سكران بعينها البريئه
متحبها لمرتك
انه ماشايفه تصدكين ماتصدكين بعد براحتج
ليش
انه عقدت حتى تضل عدنا امي ماعدها غير هالاخت والله يرحمها وصتها ببنتها وانه التورطت ضربت على صدري انه
زين هي متحبك
اااااخ اليسار انه ماشايفها مره بويه افهمي
يعني تحبك
امها ميته ماصارلها شهرين وابوها مستشهد قبلها خطيبها وابن عمها مستشهد واخوتها اربعه وياهم شون تتوقعين حالتها تكدر تحب
خطيه الله يساعدها
الله كريم جريت نفس باوعت بعينها هلكد بيها حنان
انت هم اهلك ماتو بس حسيت بيه
اووووف يابا وانه منين احيبلها كلب نفس كلبج نترت
مديت ايدي على ايده بس ردت الزمه باوع لايدي وجهه تغير غمض قوي كال
يابويه يادفو ايدج يابويههههه لزمتها قوي اليساركون الموت ياخذني ىمايردني بعد ولا اشوفج وي غيري
بقيت اباوعله
اليسار انه لااكدر ارتبط بيج ولا كادر اشيلج من راسي تتوسل امي بيه تكلي طب بات بغرفتك شكوللها لامي فهميني اكوللها اشوفها غير مره بس فهميني خليني انهزم من كلشي
واني تعوفني اني اليسار
انه موجود بحجابج شلت ايدها بستها وشميت عطرها اباوع بوحهه غمضت عينها قوي وبجت
لا تبجين تحسسيني انه مو رجال وكفت انه اسف الصار ماجان لازم يصير بس مكدرت انه وياج اتصرف كانما ملكج وشتردين اكولن تم وكفت اطلع صاحت
ابو ذيبه
التفتت عليها مبتسم اريد اشبع من وجههه احس ماراجع بعد
مهدي
عمدت حاحبي شنو
مهدي صيحي مهدي
اسمك الحقيقي مهدي
ام بله مهدي
مهدي بجيت مااعرف ليش كلبي نغزني مهدي اسمه عرفته بهاللقاء حسيته اخر مره اباوعله لزم الخايط وخله راسه عليه وايده هم نفس مجننا جهال ونلعب ختيلان. واشوفه اكتافه تنهز بقيت صافنه
ممعقوله ديبجي تقربت لزمت كتفه مثل النجوه اشر بيده ابتعد مغمض عينه
انت تبجي مستحيل اني احس جبل
اليسار انه باقي بس رماد وي كل شخص عزيز يموت يحترك بيه شي التفتت عليها وانتي القاضيه اتمنى لو نرجع لولايتي واخذج اتمنى نفوذ قبل عدي واعرفج من قبل شني واعوفج بولايتج لا بالله لا ازفج لاهلي واكولن لابوي حجايتك غلط يابويه مو كل اصابيعك سوه هاي بنت بغداد الماشفت مثلها بالبراءه
اليسار- فاكه عيني وحلكي انهار ويدك على صدره ودموعه تجري اريد احضنه ميقبل اقترب اريدالزم ايده ينتر ايدي مني
كافي حباب
انتي الكافي انه مو كد الحب ولا وكته انه مكممكطكم
شنو اسوي بس لتقهر روحك
ابتعدي حتى وان جيت حدرج تركيني واشردي انه عذاب الج وانتي موت الي
ليش والله اتحمل وياك واوكف خليني صديقتك
لج يابااا كذذذب ياصديقه انه يومين مااحجي وي امي كونها غسلت تراكي تعرفين شني امي بالنسبه الي امي بهيه كل دنيتي بس غسلت تراكي بدون ماتدري زعلت يومين ادور مثل اليدور حضن امه على ريختج
يخجي وياشر صار عصبي وصوته خشن حتى عيونه صارت تخوف ابتعدت واباوع دمارات ايده. من يقبضها تنط سكت جر نفس بقوه وكح نصه ويكح قوي نصيت وي نصيته
شبيك مهدي التفت راسن هز راسه كال
طلب واحد رايد منج
اعتبره تنفذ
اريدن شي من اثرج بي عطرج كون لا بسته
صار همست بلعت ريكي انطيك حجابي
بلي انطيني اياه حجيتها بتعب
بس اوصل اصفطه واخلي بجيس
اي اي وين تخلينه
وين تريد
خلي بالشجر بليل امرن اخذه
اوك
ديري بالج على روحج وانسيني
لتكول
اششششششش ولاكلمه اخر مره التقي وياج ابتعدي حتى لو كربتلج اتركيي المكان وروحي
بقيت صافنه
مهدي
فاهمه واعديني
بقيت اباوعله عيونه نار نتر واعديني
اوك
ادعيلي اليسار
بقيت صافنه طلع ركض واني جمدت بمكاني ليش هيج ليش اني شسويت بحياتي يابه دموعه تحفر بكلبي حفر احس رجلي ترجف والنفس يحرك من اتنفسه وراسي صار ثكيل دكه تلفوني فززتني اي هذا الواقع اي اليسار اصحى الولد مخد عج من اول كالج اني مافيدج شلت التلفون زمن
الو يمعوده وينج
احم فوك
شنوو
فوك مدااكدر اوكف
جاييتج
سديته منها اخذتني ونزلتني ورجعنا للبيت بس وصلت طببتني بغرفتي مترمتني قفلت الباب حضنتني واني صافنه
احجي اللو
راح
شنو راح
ولج يكولي اتنفسج شهكت بهدوء
هاي شنو اليسار تبجين هاي انتي القويه
لعد لو شايفته من يبجي ولج موتني قهررر
الله يساعده
لج يكولي الموت الي رحمه اكوله واني يكولي انتي اصعب امنيه جانتلي بحياتي ----
يتبع
عيوني وجعتني من البجي
الله لا ينطيك داعش
