بقايا حواء
جزء33
اليسار- عدلت شاليكدام المرايه وهو يباوعلي ورايه مخلي ايده بجيبه ومرجع راسه يتامل رجع القران بمكانه والتفت كال
ها نطلع
امم هزيت راسي فتح القفل واندار عليه كال
ماريد اطلع اريد اضل
يباوعلي بتعب جاوبت خاف يجون
اووف يمتى اصير مااهتم عسى مالكفوني اا. استغفر الله
وسكتودار وجهه استغفر ربه نصيت راسي مبتسمه رجعت رفعته بابا هسه يضل باله
اي فعلا امشينا بويه. لا يطلعلي بحجه جديده
ابتسمت فتح الباب وطلعت طلع ورايه وسد الباب وقفلها مشينا سوه كلسا يباوعلي وينصي مبتسم نطه المفتاح للحارس الحارس كله
عالخير زواجك ابو ذيبه تستاهل كل خير
باوعلي ابتسم ودار وجهه مشمور عمي خاجلف يباركلك بذريتك وطلع باوعلي مبتسم وجهه دم ضحكت لفرحته مال
وهاي اول تهناه من الحارس عباله مرتي
باوعتله بس ابتسم ساكته كال مكمل كلام
مايدري انتي اغلى بعد من روحي اوف بس الله اليدري مااشكي لعبد آنه وربي موجود
يمشي ويحجي وي روحه وكلسا يباوع للسما مديت ايدي خليتها ببطن ايده التفت واكف باوعلي وباوع لايدي
انتي رايدتلي الموت بويه بس كليلي
يحجي بعتب وتعب جاوبته بدلع
هاي شبيك شمسويتلك
الك الله يالواوي الك الله انه بله تنعوص وكاضيها تشمشم بالهدوم النوب هيج امشي اوديج لاهلج اشرف الي والج
مشه سريع عبرني الشارع ولازم ايدي قوي احساسي مينوصف خوفه عليه وغيرته يمشي ويباوعلي وكفنا كال
اكفي اكري تكسي
شنو
تكسي تكسي
شنو اكري
ههه يعني كروه بويه
هاه ههه وكف تكسي وصعدنا نزلنا راس فرعنا وبقه يباوعلي طبيت من يم الحرس وكلسا التفت وياشرلي امشي وحاجبه مغضب يمه يفدوه لغيرتك وصلت للبيت ومشت السياره طبيت ركض فوك رجعت لغرفتي لفراشي ودكه كلبي غفيت راسن كانما بالجنه نايمه حسيت على صوت التلفون بالجنطه كعدت خاله يمي تكعدني
ها خاله
ماما صار اربع ساعات نايمه لااكلتيلج شي جيتي وكبل نمتي وتلفونج مسكت
ليش ساعه بيش رفعت راسي
كالت ماماب7
عزه بعيني ركضت عالتلفون خاله صافنه عليه طبت منوش منار كالت اللو دادا
اي يمعوده فكيت التلفون اربع مكالمات من ساره ومحمود 9عزززه وماما خمس مرات ومكالمتين من رقم غريب مااعرف عليمن ادك اول بقيت صافنه دك تلفوني حوده
الوالوو وين انتي بابا وكعتي بمنهوله
لالا نايمه
ادري نومه اهل الكهف الجماعه ساعه ويجوكم وانه وياهم بعد شوي اصل وي ساره
هااا بقيت صافنه عالكنتور فتحته شلبس عزه بعيني طيني ساره
دهاجياها
الو
ساره حبابه شلبس
اش لتتوترين شويه واوصل بس اكلي خاله تكول كلشي مناكله
للا نسيت اكل
نيالي والله نيالي دروحي اكلي زين حتى خدودج تورد
اليوم اطير الجدر
يله بسع حتى اجي احضرج
ركضت جوه خاله دتصب كعدت راسن بابا باوعلي مستغرب كال
شعجب هيج متلهفه عالاكل
اااجوعانه اكلت بسع بسع عينه مفاركتني وكلسا يباوع لخاله وخاله تباوعلي كملت اكل ركض ركض وعيني عالباب وكفت اغسل دك تلفون بابا رد
الو ها اي شنوو اي اي زين اي مكلت شي داكولك زين لا معليه بعد يطبهاا مرض بيش ساعه هاهي ماشي لا ببيتي اي دروح معليه كتلك بعد هاهي سده بابا باوعلي ودار وجهه رافع تك حاحب ويهز برجله صبت خاله الجاي وتباوعله وتباوعلي جريت نفس وكفت اريد اصعد افلت كاعد كدامي التفت شافني واكفه كال بنتره
طبعا عدج علم انتي بالراح يجون
نصيت راسي جر نفس كال
سمعي اكولج اني حذرت وحاولت احميج وانتي مستعدتيني ورفضتي حمايتي خليها ببالج تحمل مراح تتحملين
بقيت ساكته ومنصيه كمل حجي كال
وين تكعدين بنص العرب وي المعيد والهوايش علشنو كتلتي روحج عليه
رفعت راسي بلعت ريك احم.
بابا احنا متفاهمين هذا كل مابالموضوع
دمشي ولي تحضري ويطبج مرررض بعد مالي دخل عسى مامتي روحي كعدي بهيكل حتى بياض ممبيضي من طاح حضج
عفته وصعدت شي بيه انكسر من كلامه مراضي من كلبه. انقهرت طبيت للحمام سبحت وطلعت لكيت ساره فاكه الكنتور تدور بيه تكلب بالهدوم شافتني وحضنتني تباوع بعيني
حبيبتي مبروك متتصورين شكد فرحانه
ساره حموت من اللهفه حتخبل معقوله حلمي حيتحقق
والله محمود ناذر ذبيحه لوجه الله بس تخلص على خير وابوج ميكلب
هالمره مراح اسكت لج باعي ايدي باع الرجفه
ههههه فدوه لكلبج باعي لبسي هذا النفنوف
شنو هذا لا عزه البس الابيض
لا لبسي الاحمر شعدج لو ابيض لو اسود لو رصاصي وكرايبه
عههه اوك لبست الثوب جان لون احمر طويل مخصر جوه الركبه بشبرساده ولون حماره مو طوخ ومن ناحيه الجيب والياخه مقفل ناعم باوعت على روحي كانما اول مره اكون بهالصوره وخرت ساره الخاولي ونزل شعري شسورته وعدلته مطول دقايق بيدها لان طبيعته كلش سرحه وخلت ماشه بيها فص على صفحه كدلتي تكحلت بكحل اسود ناعم ومسكرتلي بمسكاره زركه بينت الزراك اللي بعيني وحدته وخليت حمره ورديه لبست تراجي فص وي الماشه وكلاده نازكه هم فص واحد والمحبس وياها باوعت مره اخبره عالنزاكه حبيت روحي حيل طكتلي صوره ساره من الفرحه بينت كلش حلوه لبست حذائي الفلات الاسود وكلبي ساعه يفرح وساعه يخاف وساعه ينقبض وساعه اكول خاف ميجون وخابرت ماما هذا كلبي انعصر كلش احتاجيتها
ماما
حبيبتي شوفيني روحج
فكيت كام خطيه دكعت عينها وسدت الكام وحجت
ماما حبيبتي الله يفرح كلبج ديري تخبلين طالعه
ماما تمنيتج ويايه
ميخالف ماما اكو اغلاط متنغفر وهاي اني كدامج خسرت كلشي حبيبتي لتحذي حذوي ولتمشين على خطاي
دمعت عيني وساره شالت اصبعها تحذر ماابجي ماما احبج
اموت عليج ياعمري روحي ساره يمج بمكاني الله يسهلج ويهدي ابوج هالحجايه ودك الحرس واني اكمز ساره اجوي اجوي
ماما تضحك وكالت اهدي اثكلي
اي اي ههه اي راحت ماما وساره تحضن بيه تهديني بس وين اني كلبي رجف لدكه الجرص يمه يابعد رووووحي لزمت حجابي بيدي وبسته ربي بجاه هالحجاب اريد الفرحه تكمل اليوم
نزلت ساره وهي تبتسم وعيونها مدمعه كالت ابقي من ارسلج انزلي
بقيت احومي ساعه اباوع للسيارات بس سياره محمود وسيارتين لخ بعني هو هسه كاعد وي اهله جوه ياالله يعني الصار الضهر مجان حلم يعني صدك حضنته يمه حبيبي الحمد لله ورسلت ساره رساله
نزلي عروستنا
يا الله شكد حلوه هالحجايه من تكون لحبيبج كتبت
لتتوترين
امه ومرت خاله ونسوان عمامه وخواته 4 وبنات خالاته وعزيزه مرت مصطفى ونسوان عمامج وعماتج وبنات عمامج وعماتج جوه وعمامج وابويه وابوج بالصاله وي حوده وحبيبج
اخ يمه
نزلي عاد واهداي
اوك حنزل
نزلت كم درجه جريت نفس كلبي دكته متخربطه مشيت وصلت الهول طبيت
السلام عليكم
التفتو عليه كلهم حسيت كمت ارجف اجتي امه عليه باستني وتشم بيه وتباوع بعيني وترجع تبوسني قوي وتشمني اخر شي بجت
نصيت راسي بجيت وياها حضنتني اخته انصاف كالت
والله وحتصيرين بيننا يم حلو المواقف خجلت كلش بوست اخته اللخ كالتلي
والله اذا صرتي نصيبه ياحضه وياحظج بداخلي كلت اي والله ياحضي وصلت بوست بنات اخته وصلت لعزيزه جانت طالعه تخبل حليانه حضنتني وتباوعلي احسها تقره شكو بكلبي يمكن جانت حاسه وتدري كلشي بيننا كعدت شوي واباوعلهم كلهم يحجون وشغلا متنوعه بس اني وساره ساكتين وكلسا تباوعلي تكولي رفعي راسج وارجع ارفع راسي اريد اهدا مامو وكلسا اباوع لباب الصاله بده علينا التوتر وامه كالت
يمه شو بطو وباوعت على عمتي الجبيره عمتي كالت
والله مادري
اني كلبي راح شوي واجه زيد يحك براسه كال
يمه
ها ماما
يمه ابويه يكول قرينا الفاتحه
صاحت امه ياصلووات عالرسول واله وهلهلو احسن مااعرف شصار بيه رجفه باطرافي من الصوت الفرح مدااستوعبه ابد زيد باوعلي ابتسم وطلع كامت امه بوستنس وحواته متحملت بعد من صدك بجيت من حضنتني ساره وهي هم بجت مسحت دموعي وكعدت منصيه وزعو الشربت والكيك شوي وسمعت رمي صار وخواته يهلهلون روحي طارت منهم وراحتله هناك
ورج تلفوني بحضني لزمته رساله منه كاتب
ياهو اليبعدني عنج بعد ماكو فراك بعد. افرحي نفس ماانه فرحان يبعد اهلي يبعد بهيه انتي
نزلت دموعي رفعت راسي جتي ساره بصفي كعدت قرتها وهزت راسها كالت
شكد شفتو قهر ينعل شرفكم
طلعو اهله وامه قبل لتطلع كالت
انه اليوم طالعه منكم ورايحه سيده لبو فاضل وهذا العلك المعكود باسمج لا اشمره بشباكه وافكه هناك ماقصر ويانا تحجي وتبجي حضنتها وبستها مينلام من يكول امي كل حياتي طلعو وصعدت فوك اخجل من بابا وعيون عمامي بدلت وصعدت ساره كالت
حوده يريدج
اوك لبست شي مستور وحجابي ونزلت اول مشافني صاح
هله بمرت اخووووي
ههههه عابتلك
فرجان وروحه لابويه طاير اليوم انه معرس
نصيت راسي خجلانه اضحك
ولج صرتي للواوي صرتي لصكاروسبع الموصل الللله يبت بغداد --- باوعت بعينه
احجيلي شصار
شحجيلج ولج غير موتنا قهر
شون
يابا هو جاي واخو الجبير و عمامه الباقين ونسابته وولد عمه وعمته الباقين
اي
اي وكعد جدج نطه محاضره حلوه عن الزواج والاولاد والتربيه والحياه والمصاعب والله تصنتنا كلنا عليه
خوش
اي ف بلش كلام اخوه كال
انه اخوي ماداخل غلط ولا ماسه مس من طفولته وهو صلاته وصيامه ودراسته وامه وبس ومن هالكلام وعلى مواقفه والجنه التجي عدهم يعزوها بعدين عمهم حجه هم خوش حجي وبده حجي ابوج
اويل يابه
اي كله انت لا عدك مكان زين تعيشها بي وبعدك توك بادي عباس سكته
كاله عمي انه احجيها الك انه والواوي ومحمود خوان وماتفاركنا رغم ابو شكريه استقر بكربلا بس انه والواوي مايفركنا اله الموت فكينا عياده سوه والبارحه بليل طلعت العماله منها والفجر نزل بغداد واجه لدكتور عبد للمستشفى والله كتله لا تروح الحين كال يوم مااتاني بعد يكفي الضاع
محمود- يحجي عباس بنتره هووعكاله واباوع الواوي منصي مبتسم وابوج كال
اني شرايد كل الاريد بنتي تعيش مرتاحه معززهموقصدي اقلل من قيمتكم هاي حياتها واختيارها وامر ابويه لازم يمشي بس خايف عليها الاختلاف بين المدينه وحياتها والرفاهيه وبين حياه المحافضات
عباس- عمي انه مااخفي الاختلاف جبير بين الولايه والديوانيه بس انه اكولك شي همه ثنينهم اطباء يعني واعين ويعرفون شيردون
عبد الوحمن- والله اني لو عدي بنيه اله اخطب ابو ذيبه الها سبع من يفوت للعمليه ويايه احس برهاوه ايده وخفيتها سيطر عالعمليه والمريض بسهوله اني دائما اكوله انت حتوصل وتصير
محمود- اباوع لعمج يمدح بي وهو يباوع لعمج وعيونه تلمع ساكت ويبتسم بحياتي مشفته فرحان هالفرحه اخو الجبير ضرب على جتفه وكاله
رافع راسي بالولايه يخوك وين ماتروح ترش طيب ابوك وتربايته مافد يوم طبيت الغلط
بس شنو ابوج كزبر جلدنا بحجايه كلنا اختنكنا لج هذا ابوج شسايف قهر بحياته اللي هيج حجه
شكال
كله
شوف ابني اني صح اعترضت عليك يمكن لان خوف على بنتي لان مااتحمل افاركها بس احب اكولك سالفه اني بنتي مااعتبرها بنيه معتبرها بسبع ولد والله يدري المرينا بيه احنا سوه شنو من الشي جتي ايام عليه الله واهلي بس يدرون بيها وصلت الموت تدمرت ومن افوت اباوع بعينها اكول طفله تحملت واني متحملت جنت اخدجذ قوه من عدها نهي طفله ومن كبرت هم اني لاعلمت ولاحجبت ولا اكدت على صلاه كله هي من وحده التزمت من وحدها والله العضيم مااعرف شنو منزلتها اللي وي الاذلان تسمع صوت باذنها تكبير
حجاها واختنك ابوج بعبرته مردنا مرد
وسكت وراها كام ابو ذيبه بوسه كاله عمي لااخليها بعيني ونزل على جدج باسه من ايده وراسه جدج مقبل جر ايده
كله كوم انت سبع وصاكر الدواعش متنصي بس لايد امك وابوك ولسجادتك وتراب وطنك كاله
حجي جيتك دخيل ومارديتني ماراح انساها الك
اليسار- حبيبي فدوه لعمره يحجي حوده واني وساره نبجي ساعه على بابا وياعه على الواوي
شوكت اجاه دخيل
ليش ماتدرين غير بالمستشفى طب لجدج لغرفه عمج كاله حجايتين حجي ورد غطاها انه ابن شيوخ وماضللنا لاحلال لا مال بس سمعتنا وسمعه ابونا داخل على الله وعليك البنيه انه شاريها بعمري شني عمري شاريها بي وانت بعينك تشوف شجاي يصير بحالها انت جبيرهم واريدها منك اذا صار عليها شي المن عايش انه بعد
جان يحجي وينتر وووجهه دم وعصبي
عززه تالي
اسكتي وخليها تالي جدج كاله روح ياسبع وطمن كلبك البنيه الك ماتصير لغيرك روح كمل بناء وراك زواج احنا نريد ناس واكفه على حيلها عاد ابو ذيبه هدا وباسه من راسه وطلع مرتاح
ياعمري شكد احبه مراح اندم بيوم عن قراري
ههه معوله تندمين روحي نامي بعد اخيج روحي الولد رايح جاي لبو فاضل يتو سل بي تصير اله تكولي اندم ولج جان سواها دمايه لو ماناطين يكلي اخطفها وروح ابوي اذا اعترض
هههه
تالي من قروه الفاتحه قهرني من صاح همج يابه سمعونا الفاتحه هو رفع راسه شهك وكلهم رفعو ايدهم رفها واباوع ايده ترجف هذا اليقنص بالوحوش يمج صفررروالله بيج بخت وصرتي بكلبه بس خطيه فر محبس ابوه بباطن ايده وهو يقره الفاتحه واخوه ربت على جتفه عبالك حس بيه كمل قرايه وباسه وفرك وجهه محد منتبه بس اني اعرف اي يحس
سوده عليه والله لصيرله كلشي بحياته
كفوو كفو يبت بغداد يله راح اروحن انه متت تعب اليوم يله ساره امشينا بويه تعبان
اي حبيبي
باوعلي حوده وكال رايحيم ننام بغرفتها القديمه هههه
عابتلك راحو وسدو الباب وراهم صعدت فوك واتذكر حجي حوده ساعه ابجي وساعه اضحك ويفززني صوت رمي عباس وهلاهلهم اوووف يربي شكد فرحانه باوعت للساعه ب12 مخابر شكد تمنيته يخابر ومخابر افف
طفيت الضوه توني اغفه ووصلت رساله كمزت كاتب
كاعده
باوعتله راسن رديت
اي
خوماكعتدج
لالا
لا والله بيانج جتي نايمه
لا
اكدر اتصل لو زحمه
لا اتصل جنت انتضرك
اوك
شوي واتصل رديت بلهفه لازمه التلفون بيدي الاثنين مداصدك
الو
الوو
اروح فدوه ونذر لصوتج
ههه
هله يابا شونج
زينه ههه
اخ بويه فرحان حيل فرحان
سكتت عضيت شفتي
يبت بغداد
همم
فرحان چن لا مات ابوي رلاتهجرنا ولا ولد اخوي واختي وعمي استشهدو ولاحتى حلالنا انوخذ
بقيت سامته وعيوني تجري
فرحان بويه
اني هم
اعرف بيج يبت روحي يمي وجهي يغيرتي التحرك بكلبي
رخيت كل جسمي حجي بحياتي مسامعته لاالي ولالغيري
انه عاشكج بويه
سكتت كال
انه اليوم ميت وحييوني
اني هم والله همست
