مريم السعدي
بقايا حواء
بارت15
اليسار- فرحني جدو فدوه
جدو حيصير عدج اخ ههه خالتج حامل
ياااللله فدوه يمه ويصير عدي اخ يدير باله عليه
زيد- لج واني لعد وين رحت
انجب لك انت متمشي بله لفه همبركر باوعت لحدو حباب جدو قنعها ترجع
عوفيها خل ترتاح بينما ماهيالها امورها هي ماعدها احد هناك غير خالاتها وكلمن عدها بيت خوما تضل من بيت لبيت اني هنا اهيالها امورها واحضرلها بيت واكعدها بي
بابا دره صفنت
لا بعده توها البنيه خابرت
جدو بربك اني حروح اكوله لتخابره رجعت لبست حذائي وطلعت ركض لبيتنا دكيت الباب وفتحها بابا ابتسم
ها بابا شونج
حضنته طلعت ماما تضحك ضل يباوع بوجهي طبيعتي ماابين حبي بس فرحانه حيل منا الواوي ومنا فضه. طبيت للبيت وياهم واني طايره ماما تقدمت حضنتني كالت
ها ماما اخيرا قررتي ترجعين
لالا ماما حرجع بيت جدو هناك مرتاحه بس جيت ابشر بابا
نعمان- خير انشاء الله
بابا حيصير عدي اخ كلتها ودمعت عيني اباوع بابا داخ لزم الخايط وهاي عيونه انترست دمع وحنجه كام يرجف نصه راسه ورجع رفعه كال بصوت مبحوح
وينها جتي
لالا بعدها متقبل وجدو حيشتريلها بيت باوعت لماما وجهازكام يضرب الوان كملت كلامي جدو كال اسجل بيت باسمها ماما راسن باوعت لبابا بغضب بابا منصبجي وتك ايده عالحايط شوي وصعد فوك بس شارد لغير عالم. صعدت وراه لملمت غراضي الفرحه مدتسوعني بابا سليم ومحد يكدر يمسه بكلمه وحده طبت ماما ورايه الغرفه كالت
متاكده حامل لو سوالف نسوان
ماما شنو هالحجي بابا وكدامج طاب ومبي شي
منو طاب ابوج
اي. درت وجهي اكمل تلملم سمعتها كالت
منيله طاب حتخبلوني
التفتت راسن فكيت عيني شنو ماما
ماما ابوج تعبان
يعني شنو متقرب منج
بقت صافنه بوجهي ودارت وجههه كالت بملل هسه هي وينها
منو
فضه افندي
يم اهلها
وجدج على يا اساس يسجللها بيت باسمها هو الفحري لولده مناطي بيت ينطي لبت اخوه عشتوو والله حضوض. عفتها وطلعت رحت لبيت جدو ليترالغراض وروحي طايره وكلسا اروح للتلفون اكول على ساعه يتصل محمود نمت واني فرحانه كعدت الصبح ابدل اروح للجامعه محاضرتي جانت ب9واسمع صياح ماما وصراخها وبابا ماله صوت كمت اسمع تكسر بالبيت بقيت صافنه عمو سلمان لمحته طلع من الطرمه المشتركه بين بيت جدو وبيته وراح لطرمت بيت بابا ركض شوي واجه اني بس صافنه نوبات امول اني صدك بتها ليش هيج كلبي قسى وارجع اتذكر من تركتني شصار بيه اتذكر من عرفت تزوجت واتذكر من اخابرها ومترد لو اسمع صوت جهالها يصيحون ماما لو اتذكر ولا مره اتصلت وكالت ماما شطلعتي وارجع اقسى اكثر من قبل رجع عمو سلمان كال
ابوج مااجه هنا
لا
لعد وين راح هاي امج كالبه البيت كلاب ولمت هدومها وطلعت تغلط
ههه شنو السالفه مصار لها سبوعين
شمدريني ابوج شمسوي دريتي بفضه
اي اي ههه
الله يهدي عليها ابويه نايم
اي بعده سمعت هورن ابو غايب يله عمو رايحه
الله وياج دكتورتنا ابتسمتله وطلعت صعدت يم زمن وطلعنا للجامعه قبل اخر محاضره اجه محمود وكعدنا بالكافتريا سوالف وضحك اخر شي كال
اني راح انقل
شنوو وين
والله حنقل اوراقي يم اهلي نسيبي لكه بيت وامي لامه فلوسنا وكالت تعال هنا داوم
زمن- محمود صدك تحجي
اي والله باوعت لا ليسار جريت نفس بقت صافنه بوجهي
اليسار- احجي ماانقهر معلم على الصدمات كلبي
محمود- البارحه خابر
فكيت عيني كلبي راد يوكف كمل كلام
وطلب سحب اوراقه لجامعه ذي قار
بقيت فاكه حلكي
و اهله هم حيسحبهم
صدك تحجي همست راح صوتي
ام بله باوعتلها ادري داااذيها بس شبيدي هذا قراره سالت
سال عليه
بقيت اباوعلها
احجي مسالك عني
اللو ابن اخو استشهد ومتدمر تره استشهد كدام عينه
خليت ايدي على حلكي كلبي انعصر واتخيل شكله كمل محمود كال
التحق وياه وي عباس راح تالي سبوع واستشهد
يا الله
اي والله وحالته حاله
اريد احاجي
مانصحج
عفيه بس اشوفه ولو
تردين تشوفينه تعاي جريت نفس هذا كلبت بالتلفون طلعت صورته شوفيه
اخذت التلفون بلهفه اباوع عالصوره اللي بالصوره مو هو شبح لحيته وترابه اللي بشعره الثخين ابد ماله صله بمهدي ضعفان حيل وتك ايده مربوط رجف كلبي ابد ماله اي شبه بواوي
هذا الواوي
اي معرفتي مو
ابد همست واني اباوع عالصوره وهناك جذب نضري شي خلاني اشهك ودموعي نزلت من انتبه على ركبته لاف حجابي يمممه يكلبيي. نصيت راسي اريد ابقى وحدي
محمود- اليسار ارووحلج فدوه
محمود عوفني
هادج بس خل تضل زمن يمج
اليسار- كلشي بيه يوجعني نضره عيونه بالصوره مال واحد مايس حيل مستسلم للموت ونفس الوكت بيها انتقام بيه كره جبير للدنيا برمتها دمرتني نضرته وخزرته وعكدت حاجبه رجعت للبيت والف ونه بكلبي نمت راسن حسيت على تلفون محمود
الو حوده
هايابا شونج
زينه احسن
ماشي اخ ربي
شبيك
بنت اخته سوت حادث
شنوووو كمزت من مكاني انت شدتحجي عزيزه
ام بله
وين
بعبره شارع المدرسه
لا بربك خومبيها شي
لا كسر بالفخذ ولازمهازبلاتين ماكلتلج زمن
لا نزلت دموعي لا مكالت
ولج مصطفى اخوها الشالها ووداها
تالي انت وين
بالمستشفى جريت نفس
اني راح اجي هسه
بقيت ساكت
يامستشفى
يرموك
شتصخم هناك اقلها لو طالع للكندي ولو ارحم بس اليرموك فد نوب
شسوي
كمت من مكاني كبل نهيت المكالمه ورحت لجدو عرفت همه ماعدهم
جزو
ها يابا
جدو فدوه عدي صديقتي مسويه حادث وماعدهم احد نازحين من الموصل
اي وشتردين
اريد اروح ادفعلها تكاليف المستشفى
ها دمشي اني وياج
لا حدو انت كوه تمشي مابيك حيل
لا يابه امشي اني وياج وعمج امشي احس ماانطيها لناس مااعرفزمحتاحين لو لا هاي الخمس الها
كيفك جدو بس امشي عفيه بدلت وبدل جدو واخذنا ابو غايب ----
مصطفى- عدت شهر اني اوديها واجيبها ابد مااحجي وهي هم متحجي البنيه ثكيله بس عيونها تحجي جنت اخاف اكول شي او ابين شي وتنهزم او تكول لخالها وتنكسر الثقه بس مااكدر مااباوعلها ومتجيني الضحكه. لحد ما فد يوم
صعدت بالسياره لان جنت انتضرها كعدت وخلت جنطتها باوعتلها بالمرايه ابتسمت دارت وجهه
- خو موحاره السياره ديوصلج تبريد
اممم
زين ليش ضايجه. مردت
انتي دائما مدلغمه هيج هه
انه هيج مايعجبك لاتوصلني نترت بي
هههههه
عليش تضحك انه ماكلت نكته
ههههه
خرب انه اليوم اذا مانزلت وكف السياره
لج اوكفي عههههه خرب لج بابا انتي شبيج اني مااكدر الزم نفسي من تحجي
اسالك سوال وتجاوبني بروح عزازك
وكفت السياره باوعتلها كاتف ايدي كولي
خالي ماكالك توصلها موهيج
بقيت اباوعلها صارت صدك عصبيه
باوعي بابا اني وخالج اصدقاء وانتي عرضي
انه ماشايفه واحد هيج يباوع على عرضه
شتقصدين لج صدك صزجرت اعصاب اني وين مباوعلج تتبلين عليه
انه مااتبلى عليك بس انت لو ببكاني شتشوف
بقيت صافن جريت نفس ودرت وجهي رجعت كالت
كول الصدك خالي ماكالك لانه وصاني هواي على مشيتي وعالطريق مال المدرسه ماكالي عليك ولاحاب سيرتك
رفعت عيني باوعتلها عيونها تجدح نار لزمت الستيرن درت لفيت جسمي وجهي عليها اباوعلها خجلان
اني خفت عليج مكدرت اعوفج ترحين وتجين والشباب تباوع عليج وهذا عمران مو خرش ولد
احد طلب منك انه اعرف ادافع عن نفسي ماعايزه منيه احد ورحاءا لا ترجع علي بعد ولا تحاجيني تره اكول لخالي
- بقيت اباوعلها صافن. نزلت من السياره ومشت سريع ممتاثر بحياتي بشخص بكد متاثرت بيها مشيت وراها حد ما وصلت العماره وطلعت اليوم كله مخنوك تعلمت اشوفها يوميه ثاني يوم رحت لباب العماره طلعت باوعتلي ودارت وجهه بغضب ومشت سريع بقيت الحكها لحد موصلت الندرسه وطلعت لجامعتي تفكيري بيها صار واشتياقي يزيد لنفسها بالسياره مرت كم يوم واني اوديها واجيبها رجت اليوم انتضرت انتضرت مامو مطلعت توقعتها ممداومه فتت بفرع مدرستهم دااطلع عالشارع واشوف لمه يم مدرستها بنص الفرع نزلت اشوف شكو واسمع البنات يتهامسن اي هاي النازحه الموصليه خطيه اني كلبي انخطف كمت اتلفت اصيح وينها هناك المحرجنطتها عالرصيف عبرت ركض كمت اصيح عالولد وخررررو وخرررو اشو اختي هاي يابه وخررررو ابتعدو سوو طريق والله والكه ملاك ممدد وصدريتها الرصاصي كلها دم تخبلت شلتها بله مااحس وركضت للسياره جانت توها مدعومه وديردون يشيلوها لحكت اخذتها وكبل للمستشفى اباوع عليها واصيح
لج عزيزه صاحيه عزيزه جاوبي
جانت ترد بونه وتهمس رجلي حموت. كوه يطلع صوتها الخوف التملكني ابد محاس بي قبل وصاجلت المستشفى واني اصرخ جابو راسن سديه واخذوها طببوها طواريء هدومي صارت كلها دم شوي ودك تلفوني امي تصيح
ها يومم
لك يمه البنيه وين يامستشفى
يمه باليرموك اهلها دوجرو
لك امها حتتخبل خابروها صديقاتها كلولها بتج اخذها السايق وركض للمستشفى بس فهمني عايشه
بقيت صافن يمه مدمايه تدمي بس صاحيه
المهم صاحيه الحمد لله راحت امي شوي وجتي امهم ومحمود يركضون كعدت بالكع مبيه وكفه بعد الام حسها مطلع هاي لو امي جان هرجت المستشفى بالصياح بس سامته وشفافها ترجف. مدري شتقره وبيد ها السبحه. طلع الدمتور كال كسر بالعضم مال فخذ واريد دم ركضنو اني ومحمود تبرعنا ورجعنا لكينا الام تبجي
خويه ليش تبجين اذكري الله مابيها شي الحمد لله كالت
احنا بغربه الله يدري شكد جاي نعاني تعبنا ماضل بينا حمل من كثر مامتلنا عزيز
اباوع محمود نصه يبجي
ام علي هذا موحجي المومن مبتلى
اي صح. الحمد لله خويه ماكصرت وماكصر ابو ذيبه من كال ثقه
رحمه الله والديج احنا اهل يابه طلع-- الدمتور كال البنيه لازملها عمليه حالا امكانيه عدكم بقينا واحد صافن بوجه اللخ رد محود كال
دمتور شتنصحنل
يابه هاي يرادلها مستشفى خاص وطبيب مختص حرامات بعدها صغيره من تكبر تكزل لو تجر برجلها
شكد يرادلها
يرادلها بالقليل 3ملايين
اباوع امها كعدت عالكرسي ونصت راسها رجعت رفعته كالت
خليها عالحكومي شكاتبلها تشوف
الدمتور- اني بعد كتلكم يله اترخص انتضرو دوركم منا لسبوع اللخ بالعمليات
وهاي تضل بنتي هيج تتوجع
سوينالها تجبيره موقته اي تضل شتسوي لعد الله يعينها
محمود- تسحبت وبالي فاير من نصت امها عرفت الحاله معدومه والمن تخابر اخوها صالح منيله واني هم ماعدي يارب دخيلك بنيه مثل الورد هناك تدمرت اليسار دكيتلها ردت وحجيتلها راسن كالت جايه وفعلا 3ارباع الساعه واليسار يمنا ووياها واحد جبير بالعمر يمكن هذا جدها شكد حبيته طب تفاهم وي الطبي شوي واجوي اخذوها بالاسعاف لغير مستشفى بليل وثاني يوم الفجر سوت العمليه
اليسار- ام علي لتهتمين
لا فدوه شنو ذنبج انتي تدفعين عنا لا انه ماارضاها خليها حالها حال العالم
ام علي لتخجليني افضال الواوي مناسيتها اني متعرفين شكد ساعدني متدرين احجي وياها ودموعها نزلت كالت
كطع بيه كون هسه يمي
حضنتها واشم بيها ريحته لتكولين هيج كلنا وياكم
مصطفى- رجعت للبيت من كال الدكتور بقوها سبوع يله يجي دورها متحملت رحت ركض طكيت القاصه وجبت منها 3وزجعت للمستشفى طبيت للدمتور لكيت اليسار وجدها
دكتور اريد تنقلها مستشفى خاص
اليسار- مصطفى راح ننقلها هاي شبيك اباوعلها يرجف وعصبي وحالته حاله. كال لالا اني ادفع مالج دخل انتي ابو ذيبه. صديقي
يابه شبيك اندفعت واخذوها للبنيه اصبر خل نفتهم بقه عصبي وطلع ورد رجع كال
البنيه كايله للشرطي انها داخت وعبرت الشارع
ام علي- بلي هي من قبل يوم ماماكله شي مدري شبيها فاكيد تدوخ خطيه الولد خلي يروح هو هم حالته مبينه تعبانه الله يساعده ويساعدنا عوفو
مصطفى- جد اليسار قفل ودفع كل المصاريف وسوولها عمليه الفجريه لل7الصبح اخوهم الحبير اجه يركض اني اعرفه لان من رحت كم مره شفته تعرفت عليه بس جان عبالك كبران عشر سنين ولابس اسود حضنته اخته وبجت وهو يبجي بقيت صافن ليش يتفاولون للبنيه ومحمود هم تقرب منه حضنه وبجى
هاي شبيهم هناك سمعته كله هذا شهيد راح والاب غمض عينه وهز راسه بقيت صافن منو الاستشهد سالت محمود
كال
ابن صالح محمد بالموصل خطيه قبل اربع ايام استشهد
لا يابه محمد الاسمر ابو حاحب المطبور
اي هو تعرفه
ولك ياماعرفه غير نام بصفي صدك تاذيت صدك بجيت طبيت لاحمام واتذكر تصنيفه وشون علمني اصيد الطبن ونام بالديوانيه يمي والصبح تريكنا سوه كلبي انعصر هاي شديصير بيهم لو يموتون احسنلهم يايابه كلبي انفجر طلع شفتهم كاعدين عالمراسي ويحجيلها لاخته شون جابو رفعت راسي اليسار تحاحي محمود وتباوع لاخت الواوي رحت جبت غده ورجعت واخيرا خلوها غرفه وحدها وصحت من البنج الفهمته سوولها بلاتين طببت الغده ونطيته لمحمود باوعتلها ابتسمت عاصره وجههه متامه ولازمه ايد امها وخاله ايده على راسها طلع محمود واني مثل السطل واكف باوعتلي ودارت وجهه بعدج زعلانه مني جرني محمود باوعتلهزمستغرب
شبيك
تره مايرضون. شعدنا ضالين بالغرفه
ها اي صح تحسرت باوعتله ورجعت نصيت طلعت اليسار كالت لمحمود
اني حروح وي ابو غايب اي شي خابرتي
ممنون اليسار ماكصرتي
كلشي ممسويه اني باي مصطفى
هلو باوعت لمحمود منين تعرف اليسار
جا غير ويانا بالحامعه
اي اعرف بس انت وين وهي وين انت اخامس وهي اول
لا احتاجت فد نوبه مساعده وابو ذيبه ماقصر خطيه بقه يدرسها ويفهمها وكل يوم راده جاييته وهسه رادت ترد الحميل
تعرفني بابو ذيبه لو ماهو مااكدر اشتري سيارتي
محمود- احجي وي مصطفى وامتمت اخاف يشوف اخيته بعيوني بس حلفت ماحاجيها غزل بعد لان كرهت روحي حسيت داخونه او دااضحك عليه واكف واباوع بعينه وانه كاضيها تغزل باخته ماضل شي بس تخلص هالسنه واستقر بكربلا واتقدم الها ----------
