صفقة زواج من متعجرف

البارت 5

زينب: موافقة
ياسين: كنت عارف اوكي اتافقنا
زينب: عندي شرط
ياسين: اياه هادشي فيه الشروط قولي نسمع
زينب: مبغيتش الناس في الشركة يعرفوني مدام العلوي
ياسين: وعلاش😤
زينب: هكداك مبغيتش
ياسين: اوكي اوكي
عيط لسكرتيرة داتني للقسم لي غادي نخدم معاهم كانو فيه 6 ديال الناس وانا. علمنا عائلاتنا انه تافقنا وقالو لينا السيمانة الجاية غادي يجيو يخطبوني رسمي تأقلمت مع الناس ديال الخدمة وحتى هما شادين معايا الخاطر ومعاونيني بزااف دازت سيمانة جاو عائلة المتعجرف ودازت الخطبة غير بيناتنا وتافقو العرس يكون بعد شهر جراتني ماما وسمية مقاداهم فرحة تلاقاو دخلنا للبيت
ماما: خاصك تخرجي تشري دهازك راه شهر دغيا كيطير
سمية: اه انا نعاون مرات ولدي اونتهلا فيك باححم يكونو سيكسي
زينب: أودي بان عيبك قولي باغية تهلاي في ولدك وصافي سمعوني بجوجات متندمونيش حيت عرفتكم على بعضياتكم من الأول وداكشي ديال شري شري تكلفو بيه غير نتوما انا خدامة اه( تلفت عند سوما)وهادوك الخيوطة راه منلبسهمش 😏مبقيتو تحشمو ماما وسوما دقة وحدة: الحشمة سي كوا شي حاجة كتكال
زينب: اودي اش غادي نقول ليكم مني كتلاقاو ميقد عليكم غير لي خلقكم وتميت خارجة حتى حسيت بشي يد جراتني وكلاتني مع الحيط جات عيني في عين ياسين وقال
ياسين: هي غادي نتبرع باحمم فكرة مبيهاش
انا مركت وكاع الألوان الطيف دازو فيا انا بطبعي مكنحشمش ولكن عمرني تحطيت في بحال هاد الموقف وهو كيديرها بلعاني باش يستافزني المتعجرف لاخر
طلقت منو وقلت بصوت متقطع
زينب: ب بقى تحلم وهربت دخلت لبيتي
داز شهر طاير عند ماما وسوما لي معياوش من الشريان والتوجاد عندي انا في الخدمة 😍والتيم ديالي مفروح كثر مني كنجي للخدمة فرحانة واخا العيا عند ياسين الله اعلم مكنتشاوفوش بزاف وحتى الى شفنا بعضياتنا في الشركة مكنهضروش القسم ديالنا خدام على واحد المشروع مكملناه غير بمشقة الأنفاس وجالسين كنراجعو فيه وكنتناقشوا شكون غادي يعرضو على ياسين حتى سيفطات ليا سوما ميساج
"مرا ولدي الغزالة راه حجزت ليك نتي ولمياء في beauty centre وراه غادي تدوز عندك تديك" يالاه غادية نخرج وهي تصيفط ليا تصويرة ديال شوميز دونوي اشمن شوميز هادو خيوطة دونوي أنا بالصدمة لحت التيليفون وقفت ميفيقتي غير تصفيقات اويلي هادو مالهم
رئيس القسم كيضحك: برافو زينب سيري اكثر وحدة دارسة المشروع
تصدمت هادو يحساب ليهم نضت باش نمشي عند ياسين سيري اسوما كون ماكنتي استادتي العزيزة كون فديت فيك دقتي 😭 تميت غادية على وعدي وسعدي دقيت الباب سمعت دخل مع الدخلة تكوانسيت ماشي حيت خايفة لا واااع تيتيز سهيت فيه الطريقة باش خاشي راسو في الوراق كيفاش مطلع كمام القميجة وكيفاش مركز مع الخدمة موقفش وريحتو لي دايرة في المكتب كامل 😍مفيقني من سهوتي غير صوتو
ياسين: نعطيك تصويرتي
انا كنسحب داكشي لي قلت كامل كون غير بقى ساكت 😏
زينب: نخلع بيها الدراري الصغار مثلا
ياسين: كيبان ليك مسالي لملاغتك اش جاية ديري عندي اه بلاتي ياكما جاية تفكريني في عرسنا غدا متخافيش مفكرو
زينب: تحت سناني يييخ على متعجرف دابا انا كنت حالة فمي في هدا وغدا غانتزوج بيه وااع جمعت راسي وقلبت للمود ديال الجدية
زينب: موسيو العلوي جيت على ود المشروع الخاص بالقسم ديالنا بغيت نوريك المخطط باش الى كانت شي تعديلات قبل الإجتماع
ياسين: اوكي تفضلي
جلست وبقيت كنشرح ليه وهو بدورو كيعطيني ملاحظات الصراحة الحاجة الوحيدة لي فيه زوينة خدمتو والحاجة الوحيدة المشتركة بيني وبينو كملنا وخرجت لقيت لمياء كتسنى فيا وشدينا طريق لي beauty centre لمياء بنت زوينة صغر مني بعامين كتقرى تصميم المجوهرات شخصية ماشي اجتماعية و معندهاش صحابات ولكن معوضه خوها فيه كلشي الأب الأخ والصديق. وصلنا دخلنا وبداو لينا les soin de visage ها l'épilation ها السونا ها الشعر ها المساج المهم خرجونا جداد هاهاها طلعت في الطوموبيل كنا ساكتين حتى كسرات الصمت لمياء وقالت
لمياء: اوا كي كتحسي وعرسك غدا
انا درت الوجه الملائكي الحشمان وقلت
زينب: الصراحة حشمانة وخايفة ومخربقة☺
لمياء: الصراحة انا عارفة زواجكم غير صفقة
زينب: اوا قوليها من الصباح علاش مخلياني نقلب على احساس البنت فليلة الدخلة
لمياء: 😂😂😂😂لانتي والله حتى علام يعني متقلقتيش
زينب: علاش غادي نتقلق بالعكس نلقى علامن نبرد ونشبع في خوك سبان على خاطري
لمياء: 😂😂😂علام معرفتش كي غادي تعيشو تحت سقف واحد ونتوما كي طوم وجيري
زينب: انا اكيد هي جيري وداك الوحش ديال خوك هو طوم
لمياء: وحش كاع😂هو ياسين عصبي اه ولكن كيعرف يسيطر على غضبوا وحنين
زينب: شكون شكارك العريس عرفتي انا خوك فاش كنشوفو اشمن صفة كتبان ليا
لمياء: شنو
زينب: متعجرررررررررف
لمياء: 😂😂😂وااااااع ويسمعك
زينب: ويسمع كااع اش غادي يوقع اووووووه زيدي فصوت تيتيز ديالي كيغني😍😍
لمياء: حتى انت من معجبات مالوما
زادت في الصوت وغادين كنغنيو حتى وصلنا للدار ومرات
هي لدارهم ودارت معايا غادي تدوز عندي غدا باش نمشيو مجموعين للصالون
دخلت للدار لقيت الباتول مسرحة الحوايج على قد الصالون ها التكاشط والتواب وشي بيجامات وتخربيق قالت ليك دهازي وجالسة عليا اجي تشوفي
زينب: الباتول
والله حتى مهدودة من الخدمة وزيد مشيت ل beauty centre مع لمياء ومزال خاصني نطلع نجمع الحوايج ديال هاد 3 ايام دالبصل راه غادي نمشيو نيشان من العرس
ماما: اوا هاكي جمعي هادو مع حوايجك
زينب: اش هاد المسخ صافي الباتول بان عيبك اجي العربي تشوف مراتك كتشجعني على الفحشاء والمنكر
ماما: اوا اش غادي نقوليك ابنتي الله يمسخك راه راجلك هداك عادي
زينب: اوا اجي بيني وبينك عمرك لبستي بحال هادشي للعربي
ماما تحنات على الصندلة: اوا الله يقطع شيطانك يا الماسخة
زينب: واصافي متقلقيش اريه( دايرة ليها الخاطر)
ماما عينيها مغرغرين: صافي ابنتي عاتمشي عليا
زينب: الباتول كنقوليك متبقايش تفرجي في سامحيني بزااف راه خرجو عليك وزايدون ياك نتي لي كنتي باغا غير تفكي مني
ماما: ياسين ولد الناس وباينة غادي يتهلى فيك نوصيك حتى نتي ديري عقلك وتهلاي فيه
أنا في خاطري لاباينة حنا قالبينها صباط نهار الأول
زينب: ان شاء الله يالاه تصبحي على خير بستها وطلعت لبيتي جمعت حوايجي ونعست 😴😴😴
أصبحنا وأصبح الملك لله جاء اليوم الموعود 😂😂عرسنا البنات العاديين مكيجيهمش النعاس وكتشدهم الخلعة أنا لا بايته نحلم بمشروعنا والإجتماع وزيد المتعجرف قطع ليا الوراق قدام الناس وخلاهم يضحكو عليا 😤😤 فقت قافزة
زينب: سير المتعجرف بغيت ليك الحكة في المناطق الحساسة بغيتك تمشي للاسكا وتكوفر تما بالبرد بغيت...قاطعاتني
ماما: شكون هاد المسكين لي كتدعي عليه
زينب: واحد المتعجرف متعرفيهش
ماما: اوا تكعدي راه لمياء وحنان كيتسناو فيك برا
لبست وخرجت عند لبنات غادين ل beauty center محيحين وطالقين الموسيقى على جهد تلاقينا حتى نطقات حنان: صحايبتي غادي تزوجي وتديري عقلك ومغاديش نبقاو نديرو الزبايل 😭
زينب بضحكة شريرة: اشنو رأيك فشي وحدة دابا
حنان: هي الأولى لمياء حبيبة رومي لليمن
لمياء: كيفاش علاش
زينب: اجي كلسي في بلاصتي خليني نسوق
دارت داكشي لي قلت ليها طلعت انا في بلاصتها وهبطنا السراجم انا وحنان وتمينا غاديين قربنا حدا واحد الطوموبيل فيها بنت سايقة ومضاربة مع ولادها
زينب: ختى متعصبيش راسك راه كاع دراري مشطونين
حنان: لاأختي عنداك تعصبي تعصبي فين باه علاش ميشدهمش شويا أو كولشي علينا نحملو نولدو نربيو
البنت: اه بصح الرجال كاملين بحال بحال
لمياء حابسة الضحكة: الله يصلحهم ليك اختي بسلامة
وركت وحنا نطلقوها بواحد الضحكة😂😂😂😂
لمياء: هههههههههه وكان كرشي اليوم تخاصم مع راجلها المصطيات
حنان: شوفي شوفي قربي حدا ديك الطوموبيل
مشيت كان واحد الراجل كبير وحداه مرتو وهي تنطق حنان
حنان: الحاج كون كنتي غير صغير شويا وممزوجش كون خديتك
الحاج: الشباب في القلب ابنتي
زينب:😂😂😂 تبارك الله عليك حافظ قوالب الطريق
لمياء: الله يخلي ليك الحاجة
الحاج: امين راه العشرة ديال 40 سنة
قلنا كاملين: الله اخليكم لبعضياتكم ومشينا حنان اخر فيكتيم ونمشيو
قربت حدا واحد الكولف سايقها واحد الدري وحداه بنت
زينب:خويا ممكن نسولك
الشاب: مرحبا
زينب: اشنو سر الجمال ديالك
نقزات البنت لي حداه: زعما والله مبقيتو كتحشمو
حنان: زعما نتي لي كتحشمي راه غير مجرد سؤال
البنت: ومالقيتي شكون تسولي
لمياء: صافي اختي سمحي لينا مبقيناش نهضرو مع شي واحد في الطريق بسلامة
حنان: خويا قبل منمشيو اخر سؤال
الشاب: تفضلي
حنان: زعما منلقاش عندك شي بلاصة لحي محمدي عافاك
أنا تفركعت بالضحك وكسيريت
لمياء: 😂😂😂😂😂 واااااع كرشي يالاه راه تعطلنا زعما غير لي بغا يدير فيكم راسو
وصلنا نتي beauty centre بداو لينا ها الشعر ها المكياج ها الظفار كملنا لبست تكشيطة في اللأبيض ولمياء تكشيطة في الأزرق وحنان تكشيطة في البرودو سالينا وتمينا خارجين بانت ليا طوموبيل ياسين مشيت وطلعت حداه وتوجهنا لمكان العرس في السكات غير كنخطفوا الشوفات في بعضياتنا كان لابس كوستار في الأسود ومشيك على الحالة وريحتو سابقاه التيتيز المتعجرف وصلنا تلقاو لينا بالصلاة والسلام والزغاريت "العروسة جات لالة العروسة" زينب تحت سنانها: هانا جيت ومن بعد غادي تهزوني فوق ديك الطبلة وتقلبو ليا المعدة
ياسين حابس الضحكة قرب حدا ودني: على الله يتعكلو وتيطي
زينب: ياك هادشي لي باغي ليا اوا سير بغيت ليك الحكة وقلة الظفار سير الله يعطيك الصلع المبكر ونتشفا فيك بغيت ليك سريرة وقلة الما
ياسين: صافي صافي سكتينا زيدي خلي هادشي يدوز بخير وبزربة راه معنديش مع هاد الأجواء
زينب: بفففففف زيدني عليك
اوا بقينا بدل لبس دخل خرج وبنادم يتفرج فينا دايرين سبيكطاكل انا عييت وياسين حاسة بيه غادي يهرب لبست الكسوة ورخفو ليا شعري شويا وخرجنا جات لعندنا لمياء
لمياء: مبروك عليكم العرسان
زينب: واتي غير كمليها وقولي عرسان مزورين
لمياء: 😂😂وااع على مفروحة سيري قوليها في الميكرو راه مسمعوش
زينب: وهي الى مشيتي جبتيه
لمياء: شوفي راه خديتي النوارة ديال دارنا
زينب: متخافيش نديرو في عيني ومنخليهش يخرج من الدار ونتهلا فيه
ياسين معصب: لمياء طيري من قدامي راه غادي نقسمك على جوج
شويا وقف علينا شاب يكون قد ياسين هز ايدي باسها ودار عند ياسين
الشاب: مبروك اولد العم
ياسين: الله يبارك فيك العقبة ليك
الشاب: سيليباطير وبيخيييير
مشي وفي خاطرو ميقولش "ايه اولد العم تزوج غير نتا لي جات معاك خديتي كلشي ولكن لي حطيت عليها العين والله لا كانت ليك مزال غادي نتلاقاو"
سالا العرس وبدات دراما الباتول الصراحه راه مساهلاش حتى عليا فجأة كتلقاي راسك غادية من داركم لدار مكتعرفيهاش ومع شخص بالنسبة ليا انا غامض ومكنعرفوش قاصحة عنقت ماما وسلمت عليهم كاملين ومشينا شدينا الطريق لأكبر منتجع سياحي في مراكش غادي نكلسو غير 3 يام حيت عندنا اجتماع مهم انا مع العيا نعست محسيت حتى فيقني ياسين
ياسين: نوضي وصلنا
فقت مقلوبة خدا ياسين الساروت ديال الغرفة وطلعنا غير حل الباب وانا نتفكر سرات معايا انه غادي نبقاو في نفس الغرفة 😤قفزني غير صوت ياسين
ياسين:مالك تكوانسيتي دخلي متخافيش مغاديش ناكلك دخلت مع الدعقة مشيت نيشان للحمام اوا راكم عارفيني صكعة بقيت مضاربة مع الكسوة وحلفت هي إلى بغات تحل اويلي اش هاد الحصلة لا عافاك متديريهاش مغاديش نرضى نخرج عند المتعجرف يحلها ليا 😭😭😭 ماباليد حيلة جمعت تقزديرتي وخرجت نيشان لعندو كان كالس فوق الفوتوي
زينب: شوف ها غمض عينيك وحل ليا السنسلة ديال الكسوة
ياسين مبهوض: نعاااام
درت ليه اشارة للسنسلة
ياسين: اه دوري
زينب: ولا غمض عينيك هما الأولين
ياسين: وادوري من البسالة خلي هاد الليلة تدوز على خير
درت حل ليا السنسلة وطرت هزيت باليزتي ودخلت للحمام دوشت حيدت لعيا حليت الباليزة بان ليا داك المسخ ضحكت وتفكرت حنان فاش كانت شادة فيا "اوا الليلة ليلتك شوفي لبسي الحمر 🙊" وعلي "ياك البرهوشة مطلعتيش ساهلة كتضربي غير من التحت" ضحكت ولبست بيجامتي نشفت شعري وجمعتو وخرجت ملقيتش عريس الغفلة احسن مشيت تخشيت في الناموسية صافي خليوني ننعس سيرو عند ياسين شويا