صفقة زواج من متعجرف

البارت 7

ركبت حداه ومشينا في اتجاه اوريكا داني ياسين لواحد المطعم تما كالم مقابل مع الطبيعة شي حاجة روعة انا جلست نصور المناظر الطبيعية تما كتحسي بالارتياح ونصور راسي ونغفل ياسين و نصورو فشي لقطات مغمض عينو حال فمو ههههه و لكن تيتيز طلب ياسين الغداء تغدينا وشدينا الطريق وانا الطريق كاملة مضاربة مع راسي واش نطلبو ولا لا حتى نطقت
زينب: ياسين ملحنة
ياسين تصدم اول مرة ننطق سيمتو وزائد اللحن فيها ان عاق بيا وقال
ياسين بتشكيك: اش بغيتي
زينب: ديني لجامع لفنا
ياسين: كمت حاس غادي تخرجي شي حاجة ماهياش انا معنديش مع البلايص لي فيهم بنادم بزاااف
زينب: انا صافي حطني فشي بلاصة قريبة نمشي بوحدي
ياسين شاف حتى عيا: أمري لله
مشا باركة الطوموبيل ونزلنا لجامع لفنا مخليت قرودا تصورت معاهم لفاعي هزيتهم دخلت وسط الحلاقي كنصور ونستكشف خديت سوفونير وكادوهات للدار المهم ياسين باقي ليه شوية ويقجني حتى قال
ياسين: اشوفي راه منزيدش معاك الضربة صافي عييت وشحفت
زينب: صافي حتى انا عييت
ياسين: يالاه نجلسو فديك لكافي ناخد قهوة راسي غادي ينفجر معاك
مشينا جلسنا طلب ياسين قهوة وانا خديت لكلاص لي داي ليا العقل كنلتاهم فيه ونتبنن
ياسين:نتي والكلاص قصة عشق لاتنتهي عقلتي اش درتي ليا بيه ديك المرة
زينب: نتا لي قلبتي عليها وهاداك الكلاص غادي تخلصو 10 أضعاف غير بلاتي
ماما: هانتي وجهك منور واتاك الزواج
سوما: واييه شوفي كانت زوينة لات غزالة
زينب: للاواه زرافة اش هاد الجير عندكم منين تقديتوه
ماما: اوا الله يمسخك زعما راه هادي عدوزتك خاصك تحشمي منها
زينب كنشوف في سوما: عنداك تديري ليا داكشي ديال تهلاي ليا في ولدي ميخصك معايا حتى خير 😑
سوما: 😂😂😂نتي راه خاصني نهبط عندو نقوليه يعطيك سلخة الصباح سلخة لعشيا
ماما: يالاه انا معاك ويزيد السودانية لداك الفم
زينب: اوا شفتكم تحاميتو( دخلة لمياء وحنان)اجيو شوفوهم حكرو عليا
حنان و لمياء: نتي تحكري على بلاد
كلنا: 😂😂😂
دوزنا العشية تعشينا وشدينا الطريق للدار لي اول مرة نشوفها ياسين كان مستقر بوحدو كانت عبارة عن duplex لتحت كاين الصالونات ها التقليدي ها العصري والكوزينة وحمام وغرفة نوم صغيرة والفوق غرفة مكتب وغرفة رياضة صغيرة و2 غرف اشار ليا ياسين لوحدة وقال
ياسين: ها غرفتك دخلي ارتاحي وهاد الغرفة متوصليش ليها
انا بضحكة شريرة: اوكي
دخلت لغرفتي حطيت حوايجي و خرجت نكتاشف الدار دخلت لغرفة المكتب يا سلام 😍 لقيت عالمي تما تصاميم  كتب وعاد الفيوز خيالي خرجت واتجهت لغرفة ياسين 😈 حليتها بشويا قلبت بعيني مبانش ليا درت وذني مسمعت والو إذن مكاينش كانت غرفة كبيرة في الأسود رجالية بامتياز تعرفها غرفة ياسين من ريحتو فيها حمام ودريسينغ رووم وبيت مسدود حاولت معاه مبغاش يتحل شويا حتى كنسمع الباب تحل وياسين خارج حاني راسو لاوي عليه فوطةو كيستعد يحيدها وانا نطلق زواكتي قبل مانشوف شي منكر
زينب: ااااااااه ستوب اش كدير ساكن بوحدك
ياسين تصدم:  نتي اش كتديري هنا ياك قلت ليك متقتاحميش خصوصياتي
زينب:  خصوصية خدام في لانازا
ياسين تم جاي عندي وداير ايدو على الفوطة: اوا اجي نوريك فاش خدام
قبل ما يكملها انا كنت طرت لبيتي وسورتو أودي وجهي قاصح شي نهار نجيبها في عظامي
دخلت دوشت لبست بيجامتي ونشفت شعري وجمعتو جمعة مخربقة وهبطت للكوزينة نشرب لقيت ياسين تم
ياسين: باقي منعستيش
زينب: بغيت نشرب
ياسين: هاكي ها الما وسيري تنعسي قبل ماتديري شي كارثة عوتاني
زينب غادية وكتهضر تحت سنانها: تدار ليك يا المتعجرف
ياسين: سمعنا كتبركم شدها من دراعها و دورها بالجهد لجيهتو حتى تطلق شعرها قدامو كاع داك الغوات لي كان جامع ليها مشا توانصا خرجو عينيه بقى ساهي شحال حتى توكد و قال
ياسين:  سيري تنعسي بونوي
مشيت ننعس خليتوا ورايا بونوي سبرو عندو
عند ياسين لي باقي في حالة صدمة
هاد البرهوشة باغا تسكت ليا القلب مكفاهاش مجرجراني وراها في مراكش جات تكمل هنا في الدار اول بنت تحط رجليها في بيتي و أول وحدة تقول ليا متعجرف في وجهي كنت غادي نقجها كون ما شفت داك المنظر الخيالي قدامي تبارك الله شعرها خطف ليا انفاسي كحل بحال الليل حرير وطويل فكراتني في بوكاهونتاس 😍 ياسين جمع راسك اش كتقول متنساش هاد الزواج غير صفقة ومتنساش انها مستحيل تبقى معاك إلى عرفت الحقيقة نمشي ننعس احسن
أصبحنا وأصبح الملك لله عند زينب
فقت بكري عندنا اجتماع مهم في الشركة وخاصني نمشي نراجع شي وراق خديت دوش و لبست كلاص و طالون و درت الماكياج  وجمعت شعري وخرجت صاوبت الفطور فطرت وخليت لياسين و خرجت نيشان للشركة
في قاعة الاجتماعات واقفة كنشرح حتى قاطعني ياسين وباينة عليه معصب
ياسين: واش عندك فكرة على السيولة لي ممكن يكلف هاد المشروع
زينب: كنضن انه هدا ماشي اختصاصي خاصنا نشوف مع مدير المالية ولكن من وجهة نظري ان المشروع مربح يعني قدما كلف متأكدة غادي يكون ربح
ياسين: مزيان الواحد يكون واتق في راسو و لكن راه مكيناش ضمانة مغاديش نعتامد على الحدس ديال سيادتكم دير ليا دراسة كاملة على السيولة( موجه كلامو لمدير المالية) الاجتماع سالا
عصبني مكرهتش نتلاح نقجو
ياسين: انسة لحقي عليا للبيرو
دخلت للبيرو معصبة
زينب: موسيو العلوي محتاج شي حاجة
ياسين:  اولا سميتي ياسين تانيا علاش متسنيتيش نجيو مع بعضياتنا واش هاد الشعر مالو مطلوق وهاد الزواق لي دايرة في وجهك
زينب مسمقلة مافهمة والو: انا كان شرطي انه الموظفين في الشركة ميعرفوش اننا مزوجين و تانيا شعري تطلق راسو انا اصلا مكنحملش نطلقو و..
ياسين قاطعها: احسن يالاه جمعيه ونقصي من داك العكر وتفضلي لمكتبك
مشيت لبيرو معصبة شكون هو لي يتحكم فيا ياك قال في الاول كل واحد و حياتو ولكن واخا اسي ياسين نردها ليك في ساعة الخير جات عندي امل "خدمة معايا في القسم"
امل: اناري يا ختي مالو معاك هو عصبي ولكن مكيحتاجش يغوت غير الشوفة فيها الكفاية
زينب: امل قلبي عليا و هو يمشي يلعب انا خدمتي كنديرها وصافي
بقيت خدامة شويا حتى حسيت بالوجع عرفتها خالتي طلبت الاذن و خرجت لانو النهار الأول كتخرجها مني
دخلت للدار بدلت حوايجي لبست بيجامة صحية و درت فوطة صحية و نعست من عادتي مكنشربش الدوا حتى كنحس بياسين كيهضر معايا
ياسين: مالكي ناعسة دابا ياك لاباس
هزيت فيه راسي مقادراش نهضر والدموع محبوسين في عيني الوجع كيقطع فيا محسيت حتى كان قريب من وجهي نازل على ركابيه و حاط ايدو على جبهتي
ياسين مخلوع: زينب مالكي اش واقع مريضة وجهك صفر مفيكش السخانة نعيط للطبيب
زينب بابتسامة:  اول مرة تنطق سميتي
ياسين: دابا واش حنا في سميتك قولي ليا باش كتحسي
زينب حشمت: والو غير شي وجع دابا يفوت
ياسين: واش ديال ل periode
حشمت وجهي ولى بحال مطيشة وحركت  راسي بالإيجاب
ياسين خربق ليا شعري: زعما نتي كتحشمي بقاي هنا انا جاي
مشا وشويا رجع في ايديه كاس ديال الزعتر شربوا ليا بزز رجعني كيف كنت متكية هز ليا التريكو خرجو عينيا وحبستو
زينب: حبس اش كتدير كتستاغل مرضي المتعجرف
ياسين😂😂:نتي هي ديال سكران وحاضي حوايجو ترخفي مغندير والو حط ايديه سخونة على كرشي وبقى كيدير ليا مساج انا غرقت في حوايجي ولكن مقدرتش نحبسو لانو الوجع غادي و كيخفاف حتى نعست حتى كنحس بشي يد كتلعب ليا في شعري حليت عيني بان ليا ياسين
ياسين: نوضي تاكلي شويا
زينب: مافياش بغيت غير ننعس
ياسين: نوضي من الفشوش طلبت ليك بيتزا
انا سمعت بيتزا تحلو عينيا و وقفت مشى الوجع
ياسين: 😂😂يالاه كنتي مريضة زيدي قدامي
زينب شادة طرف في هاد اليد و طرف في اليد الاخرى و كتاكل وتبنن
ياسين 😂😂: برهوشة غير بشويا غادي توحل ليك
زينب كتمضغ: وا متدويش معايا مغاديش توحل ليا
ياسين: واخا الالة هاهو ساكت
تعشينا وكل واحد دخل لبيتو ينعس صراحة عجبني اهتمام ياسين و قررت نسامحو على الصباح ومننتاقمش 😇
بعد مرور أسبوع
دازت سيمانة و انا وياسين علاقتنا عادية كنتلاقاو في الشركة كنديرو راسنا مكنعرفوش بعضياتنا و في الدار كيجمعنا العشا و حديثنا كلو على الخدمة وخا بعد المرات كنقلبوها صباط 😊
داك النهار يالاه خارجة من الشركة يالاه غادي نركب في ببوشتي لقيت الرويضة مفشوشة 😢 وخرجت باش نشد طاكسي حتى وقف عليا ياسين
ياسين: مالكي واقفة هنا فين ببوشتك
زينب: منسمحش ليك تقول عيها ببوشة انا الوحيدة اللي عندي الحق
ياسين: 😂 دابا فيناهي
زينب: تفشات ليها الرويضة 😭😭
ياسين: رانا قلت ليك برهوشة كتبكي على الرويضة طلعي طلعي
ركبت حداه وقلت
زينب: إلى انا برهوشة نتا متعجرف
ياسين: دابا سكتينا  غادية للدار
زينب: لا ياك قلت ليك دارنا عارضين علينا
ياسين: بفففففف نسيت مع الخدمة عقلي ممعاياش
زينب: وي عارفة محمقك المشروع ديال الألمان ولكن الى بقيتي هاكدا غادي تمرض
ياسين: اممم خايفة عليا
زينب: ها شتي اش قلت ليك ها هما علامات المرض بداو كيبانو فيك
وصلنا للدار يالاه غادية نحل الباب وهو يوقفني ياسين
ياسين: زعما عادي إلى دخلنا بايدينا خاويين
انا عجبني الحال وقلت
زينب:  وا غير زيد راه الباتول هادي و الله وماجبتي ليها التقدية من السوق مع الصباح لا فرحات ليك بشي حاجة
ياسين: 😂😂😂 علام دخلي دخلي
حليتا لباب دخلت كنفوت وا الباتول فيا الجوع جات ماما عنقاتني
ماما: الله على كبيدتي توحشتك خليتي الدار خاوية
زينب: اححححح الباتول معرفتكش ونتي ضريفة
ماما: اوا الله يحرق طواسلك جاية بعجاجتك غا لي بغا ادير معاك الصواب بحالك بحال باك
زينب:  اوا ها الباتول لي كنعرف بيني صباغتك
سلمات ماما على ياسين و دخلنا جلسنا في الصالون نتسناو الحاج العربي يجي جا طرت عنقتو و بست ايديه
بابا: عمارة الدار جات
زينب: يخليك ليا أودي الحاج أما مرتك راه قربلاتها معايا قدام الباب
ماما: زيدي شويا نجري عليك ونخلي غير ولدي ياسين
ياسين: ربي يخليك الحاجة
دخل بابا سلم على ياسين وجلسنا جابت ماما العشاء تعشينا كنهضرو و ياسين مرة مرة كيجاوب بابا سلينا وجمعت طبلة و غسلت الماعن  وجيت للصالون قلت
زينب: سيادنا السلام وعليكم صافي الكرش شبعات
ماما: جايباك عندنا غير الماكلة الهيشة
زينب: ماكلتك لا تقاوم الباتول
بابا: جلسي يا هاد البنت راه والله لا مشيتو في هاد الليل باتو معانا والصباح سيرو انا في خاطري الله يا لعربي لاش لحلوف
مالقينا مانديرو طلعنا لبيتي
دخل ياسين كيتمنظر و انا مشيت نجيب ليه بيجامة من عند بابا جبتها حطيتها ليه
ياسين: كنتي زوينة فاش كنتي صغيرة وكتبان فيك البراءة
زينب:  منديش عليك عارفة راسي قرطاسة
ياسين: تبا لتواضعك شحال كان عندك هنا
زينب: 8 سنين دوز تنعس
ياسين: عندك فكرة اننا غادي نعسو بجوج في بيتك
انا عاد سرات معايا وقلت
زينب: او من بعد
ياسين مكاينش فوتوي علاش تنعسي الغزالة غادي تنعسي في الأرض و لا حدايا فوق الناموسية
زينب: لا هادي لا ديك نتا لي غادي تنعس في الأرض هادي راه ناموسيتي سنين و انا كنعس عليها والله لا كانت ليك
بقينا مني منك حتى نطق ياسين بصوت عيان وابتسامة
ياسين:صافي صافي غادي نعس في الأرض معنديش الطاقة باش نضارب معاك
فرشت ليه ونعس لكن مكانش الغطا بزاف وكان البرد حسيت بيه غادي يلعقها ولكن مقدرتش نقول ليه طلع فوق الناموسية