صفقة زواج من متعجرف

البارت 20

انا كنسمع و رجليا كيتقالو عليا دموعي وصلو فين بغاو قلبي خرج من بلاصتو و رجع خواو بيا رجلي شدني غير مروان
زينب: مروان كيكدبو ياك 😭😭 قول ليا كيكدبو قول ماشي هو 😭😭😭
مروان زينب متديريش هكدا شوفي كلشي كيشوف فيك
صرت لقيت كلشي كيشوف شي بحسرة شي مخلوع شي مهاموش كلا ونضرتو
زينب: انا مسوقيش في الناس بغيت ياسين ديني عند ياسين 😭😭😭
مروان: واخا تهدني و يالاه
خرجنا وانطلقنا للمستشفى لقينا الدنيا عامرة صحافة بوليس كارد كرو دخلنا و انا كنطلب في خاطري ميكونش هو كنقنع راسي انو ياسين ميديرهاش غير شفت الكل واقفين ووجوههم مكتفسرش طحت على ركابيا مقدرتش نحبس دموعي جات شداتني سوما جلساتني فوق الكرسي وكطبطب عليا
سوما: متخافيش غايكون مزيان ياسين قوي
زينب: 😭😭😭😭😭
شويا خرجات الممرضة كتجري قالت
الممرضة: خاصو الدم وملقيناش زمرة دمو عندنا
زينب نقزات وسط دموعها: انا نتبرع ليه
الممرضة: اشنو فصيلة دمك
زينب: انا فصيلة دمي O- نقدر نتبرع لأي واحد
الممرضة: اوكي اجي معايا
مشيت معاها دخلتني لواحد الغرفة سولاتني شويا الاسئلة و فحصاتني لفات كلشي هو هداك خداو مني الدم و عطاتني عصير قالت ليك باش منسخفش نرتاح اودي فينها الراحة شربت شوبا من داك العصير و خرجت جلست حداهم
محمد: بنتي شويا
زينب: الحمد لله
لمياء جات حدايا وعنقاتني: 😭😭
ايمن: زينب متخافيش ياسين اكيد غادي ينقزها
زينب: ان شاء الله
بقينا جالسين اكثر من ساعتين كنتسناو حتى خرج الطبيب طرنا عندو نطمئنو
الطبيب: لحسن الحظ القرطاسة متعمقاتش كانت ممكن تضرب الكبد و لكن موسيو العلوي نزف بزاف قبل ميجيبوه داكشي لي تطلب نقلو ليه الدم
ايمن: دكتور طمني العملية كيف دازت
الطبيب: الحمد لله العملية كانت ناجحة و دابا غادي نتسناو 24 ساعة ان شاء الله خير خليت ليكم الراحة
اووف ارتاحينا شويا مني سمعنا العملية نجحات
سوما: زينب سيري نتي و لمياء و ايمن ارتاحو و رجعو غدا ها حنا معاه
زينب: منقدرش نمشي و نخليه غير سيرو نتوما ارتاحو
ايمن: اوكي سيرو نتوما انا نبقى معاها راه باينة مغاديش تخليه
مشاو الكل وحتى مروان وبقيت انا وايمن حتى بانو لينا مخرجينو من غرفة العمليات مغمض عينيه وناعس طرت لحداه ودموعي مبغاوش يحبسو
زينب: ياسين 😭😭😭
ايمن جرني دخلوه للعناية المركزة نقدرو نشوفوه غير من الزاج كيبان صفر ودايرين ليه دوك الخيوط في صدرو هادا ياسين لي  قدامي  ياسين لي دخل حياتي بدون سابق انذار ياسين لي كيشد معايا ضد ياسين لي غير كيشوفني كيضحك ياسين لي عشش ليا في دماغي وقلبي نااس و مكيهضرش معايا 😭

بقينا واقفين انا وايمن قدام الزاج حتى بانت لينا واحد الممرضة طلبناها تخلينا ندخلو عندو وافقات بحكم انه موسيو العلوي لبساتنا اللباس ديال la réanimation ودخلنا جلسنا حداه مقدرتش نقرب كنشوف فيه كيتنفس بصعوبة دايرين ليه الأوكسيجين و التخطيط ديال قلبو كيطلع ويهبط
زينب: ايمن شكون هادو و علاش دارو هاكدا
ايمن: ششش تهدني حتى انا معارفش بالضبط و لم يقدر يكون على قبل شي صفقة( بغى يبعدها على السبب الرئيسي )
زينب: صفقة! يقدرو يكونو the Black
ايمن: شكون هادو
زينب: شركة كانو بغاو يشفرو واحد المشروع من الشركة ولكن كشفناهم في الوقت المناسب و مداو والو زعما يكونو كينتاقمو
ايمن: كلشي ممكن نتي ارتاحي متفكريش بزاف ان شاء الله كلشي يكون بخير
زينب: ان شاء الله
بقينا داوين و كل شويا نشوف في ياسين واش كيتنفس واش هداك التخطيط باقي طالع هابط حتى داتني عيني
أصبحنا وأصبح الملك لله
فقت كيبان ليا ياسين حال عينيه طرت من بلاصتي و دموعي كيسيلو عوتاني تخلطو عليا صدمة فرحة كلشي معرفتش منقول خليت دموعي يهضرو في بلاصتي
ذخلات الممرضة طلبات منا نخرجو باش يفحصو الطبيب و داكشي لي كان خرجنا و دخل فحصو الطبيب و خرج عندنا و جهو مبتاسم
الطبيب:  الحمد لله على سلامتو كلشي عندو مزيان واحد 10 دقايق وينقلوه لغرفة عادية
ايمن: شكرا دكتور
زينب: الحمد لله
مدازش بزاف خرجوه و داوه لغرفة خاصة و لحقنا عليه انا وايمن
ايمن: العود خلعتينا عليك
ياسين بزز باش كيبتسم: و راك عارف خوك قرطاسة وحدة متقديش فيه
ايمن: شحال بغيتي كوليكوسيو بااز
انا غير كنرمش و ساكتة واش هدا ياسين لي كان البارح ناعس مكيهضرش
ياسين هز عينو شافني بتاسم: قربي
قربت حداه هز ايدو كيمسح ليا دموعي
ياسين: خليتك تبكي بزاااف ياك
زينب: 😭😭
ياسين: وا صافي هانا حداك مطرى والو
زينب: 😭خفت عليك
ياسين: حتى انا خفت عليك