حبايب رجعتلكم بقصه جديده اتجنن عن جد روعه ومره ثانيه اكتبلكم عن الفصليه انشاء الله اكدر اوصل فكره القصه بشكل واضح ومفهوم 💗💗تابعوني ✍✍✍
البارت 1
للكاتبه Um Fatima
فصليه الشيخ هشام 😍
عندما ننضر الى المستقبل نتامل انه قد يكون افضل
بكثير نتمنى لو يتحسن شيء من وضعي هذه كنت
اتمنى لو ان شخص يخلصني من حالي هذه يالله
اجبرني ساعدني لقد قبلت بحكمك لكني فتاه لا
حول ولاقوه انته القوي الجبار ساعدني 😢😢
(كلام فاطمه)
فاطمه :مرحباا سمي فاطمه بالبدايه اعتقد عرفتو
الي بداخلي مو بنت صغيره عمر ومرتاحه لا امر
بمعاناه كثيره حيل اني من طبعي ملتزمه بصلاتي
وبحجابي ولبسي مستور دائما والطلعه ممنوعه مني
راح احجيلكم قصتي اتمنه تستفادون منهه عمري
23 سنه سكنه محافضه بغداد عيوني عسلي بيضه
حيل وزني 55 طولي 168 موصفاتي وملامحي
كولش حلوه وناعمه ابويه اتوفى بحرب ايران
ماعندي بس اخوان 2 كيان وغسان كيان عمره 20
سنه بعده يدرس غسان هوه الكبير عمره 33 سنه
مامزوج ولايرضه يزوج
ابديلكم قصتي باول مصيبه وكعت ع راسي هوه
وفاه امي اتوفت امي وتركتني بين 2 اخوان الاول
متسلط وطريقه اعوج والثاني طفل مايعرف الدنيا
طشت رشت ضليت اخدمهم ايام وسنين لاامل
ولااتعب درستي خامس علمي وبطلني غسان
يريدني اخدمه اني يتيمه لااكدر احجي ولااكدر انطق
بكلمه يذبحني احجيلكم عن اخواني اشويه
غسان:واحد سكير ومسونجي الى اخر درجه يطلع ب
1 بليل ماايرجع لل12 الضهر والريحته ماتنقبل ابد
هاي حياته عاجبته لايريد يزوج ولاابد امي اشكد
لحت عليه حته يزوج مايفيد اكول بكلبي يومه
اتورطين بنت الناس وي واحد مثل هذه الله يرحمج زين ماسويتي هالشي
غسان يريد كولشي بغرفته نضيف ومرتب اذا لكه فد
تقصير مني يضربني كنان ميكدر يحجي وياه شي
لان هم يضربه ويحرمه من شي اسمه طلعه ف كنان
يباوع من بعيد لبعيد اشلون الاحزام ينطبع ع
جسمي يدور وجهه ويطلع اوف ياخوتكم نصههه
مصلحه ماتوو اهلي وخلوني لذولي العار
فد يوم بليل كنت نايمه مااحس الباب اندفر نزلت من
الدرج اركض اشوفلك غسان مخلي وحده حمره
صفره منتجي عليهه ويتمايل وريحه الشرب ترست
الصاله وهيه الشعر طالع ولبسهه خزي صفنت
بوجوهم عاط بيه
غسان:لج حقيرا روحي سوي كهوه اثنين وبسرعه اخ راسي
نضال:عيوني مممح حياتوو روحي سوي لايصير
بحبيبي شي ههههههههه (المايعه الكبر😏)
فاطمه:صار رايحه بس ابتعدي عني ريحتج نكسه
نضال:اووي ع كيفج عيوني لاتخليني اخلي اخوج
الحلوو يكلب عليج ويخليج اتشربين سفري ههههه
فاطمه:انتي حقيرا كولشي اتوقع منج ولي عن وجهي
رحت اسوي الهم كهوه واحجي وي نفسي
وع اهلي من وراهم عافوني وامسح بدموعي اتمنيت
التراب اني الانطم بي مو همه ولااشوف هالشوفه
قدمتلهم الكهوه وهاي تشرب اركيله الكترونيه وتنفخ
بوجهي لعبت نفسي منهم صعدت بسرعه تركتهم
ضليت لل5 الصبح كاعده ابجي ااخو بي حظ ولا
ناس ترحم ولا عندي عمامي بيهم حظ من توفه
ابويه عمري 4 سنين شفتهم ولهسه وامي ماعدهه
اخوان واحد ومتوفي خالاتي مااعرفهم ولاشايفتهم
ابد هاي حياتي عباره عن سجن بسجن
هاي مقدمه الكم عن قصتي لتحبون استمر ورئيكم باول بارت يهمني 💗💗💕💕
