بقايا _الروح
بقلمي ghfran_Mohmmad
...........
حمامه :غسلت وجهي وطلعت ثوب طويل يصير ضيق من فوك ومن جوه كلوشه اسودوبي ورد احمر صغار لبست شال احمر وحذاء اسود وجنطه سودا طلعت العبااا وطلعت لكيتهم جاهزين
حمامه:سم الله سم الله عين الحاسود بيهه عود خلي ابخركم اخاف تنحسدون ياستار شعدكم كلكم لابسين ستر شنو معرسين وشمعنه كلكم لبستو نفس الشي هاا
محمد:😒ممكن تنجبين
حمامه:ههه وخروو شويه اصير بنصكم خلي اكشخ بيكم
مصطفى: تعالي
رحت يم مصطفى حضني وصرنه نمشي سوه صعد بابا بسياره محمد مصطفى اخذ عائلته بسيارتهم واني صعدت بسياره غيث خليت السماعات وشغلت اليسا وخليت راسي عل جامه وصرت اتئمل الجووو والمنضر
.....
بعد عدت ساعات_ كربلاء
وصلنه لكربلاء يمكن اكثر مكان احبه بهل دنياا احس بلراحه من ازور الامامين (سلام الله عليهم)لبست العباا ونزلنا فتتنه للتفتيش وام التفتيش رزلت سناء من هاي الرزاله الزينه لان خاله مكياج يي هسه انتي متوازيه ياعيني
طلعنه زرنه ولزمت الشباك وصرت ابجي وادعي اخ ربي شيصير لو ماحارمني من حضن ماما والله متمنيتهه يمي اني يتيمه بعدج يووم بس اريد اشم عطرج اووف ربي سمعت زهراء صاحتني مسحت دموعي ورحت اني وزهراء وسناء للمغاسل غسلت وجهي حارر من البجي وذبيت علي مي بارد احس حراره طلعت من وجهي خلصنه وطلعنه كالو خلي نتغداا فتنه لمطعم كعدنه على طاوله جبيره بل زاويه مخصصه للعوائل طلبت كص وببسي جابولي لفتين اكلت وحده بس احس نفسي لعبت واجيت اتقيئ رحت للحممات وغسلت وصارت دموعي تجري وي المي تعبت ربي ليش حرمتني من دفوو حضن ماما سحبت نفس بقوه وطلعت كالو يله خلي نروح طلعنه نتمشى بشوارع كربلاء شفت محل ساعات عجبني اخذ ساعه اخذت غيث ورحت شتريت ساعه فضه تخبل سناء مخلت شي مشترته كبرر دكول مشايفه شويه وشفت محل يبيع حلويات
......
حمامه: غيث عفيه اريد من هاي
غيث: شنوو
حمامه: كلبي حيموع عفيه اريد من هاي البقلاوه
غيث: هههه امشي
حمامه: اخذنه كيلوو بقلاوه
بعدين رحنه للفندق والصبح طلعنه واحنه نمشي شفت مرره تبيع كاهي وكيمر شتريت لفه بعدني اول لكمه لعبت نفسي ودخت كعدني بابا عل رصيف وجابلي مي
ابو مصطفى: شدتحسين بابااا
حمامه:لعبانه نفسي ودايخه
مصطفى: اخاف رجعلج التيفووو
حمامه: يي قبل من صار بيه هيج اعرض صارت عندي
محمد: امشي نحلل اكوو عياده قريبه هناا
حمامه:لا لا ميحتاج خلي نرجع
......
بعد طول الطريق واخيرا وصلنه
كبل رحت للجربايه بملابسي بشالي بحذائي نمت جنت متعاجزه حيللل مادري شكد نمت بس كعدت ساعه 5:30 العصرسبحت وبدلت وطلعت الكتب كلت شويه اقرا مالي واهس لميتهن وخابرت دليان( صديقتي المقربه وياي بل كليه نفس القسم)
......
حمامه: الوو حب
دليان: ياهلا شلونج
حمامه: الحمدالله وانتي
دليان:اني تمام بس كوليلي اشو ماداومتي ليوم بيج شي
حمامه: لا بس جنه طالعين
دليان: اها وين
حمامه: لكربلاء
دليان:عاد دعيتلي لو لا
حمامه: يي حب دعيتلج عود دزيلي المحاضرات مال اليوم عفيه
دليان: نشالله هسه ادزهم
حمامه:يلله باي بعدين احاجيج
دليان: الله وياج
......
شويه ودخل غيث
غيث: وي منو جنتي تحجين
حمامه:دليان
شفته جره حسره وكال
غيث: هاا يله اني طالع محتاجه شي
حمامه: سلامتك عيوني
اعرفه يحب دليان وعترفلهه بس رفضته ودكوله اكوو واحد ابالي رغم اخويه مناقصه شي جمال وهيبه
....
طلعت للصاله احضر مسلسل بابا ومحمد طالعين وغيث هم بس اني والسعلوه هناا شويه واجت الماتتسمه
سناء:اكووولج عيوني اني نضفت المطبخ وسويت غده انتي نضفي البيت كووله وسوي عشه اوك
حمامه:والله يعمري هسه حنضف البيت بلنسبه للعشه اليوم اخويه مصطفى الله يحفضه و يرزقه وينصرا ويطول عمره مسووي ثواب للماما
سناء: هاا خوش لعد ماتعشه ليوووم اكل هناك
حمامه:يي والله اني منج ماا اكل شوفي شسمنج صايره
باوعت لنفسهه وكالت
سناء: عزززا كولي والله
حمامه: وداعتج حبي
.....
عفتهه وكمت نضفت الطابق الفووك بعدين الصاله ونوب الكراج خررب شكبرره الكراج هد نص حيلي رحت للغرفه تمددت شويه ارتاح اجت سناء دفرت الباب ودخلت اني هيه كمزه هيه وكفه
.....
حمامه: شبيج احترمي شويه دكي الباب عاد
سناء: والله احترم اني وغصبن ما على راسج
هزيت ايدي وكلت
حمامه: استغفراااللله بوجه منو مصبحه اني
سناء:المهم حضري نفسج اجه محمد وكال خابرني مصطفى كالو تعالو
حمامه:ماشي ماشي طلعي وسدي الباب وراج
.....
رحت بكسل للكنتور طلعت بنطرون اسود وقميص فوك من الرگبه شويه رصاصي شيفون وشال رصاصي وحذاء رياضي اسود رحنه وصعدت كلعاده وي غيث مو افضله عن اخواني لاكن احب اضل ويااا طول الوقت وصلنه بيت مصطفى كلش حلووو ودائمن نضيف هيه زهراء حيل نضيفه متخلي كشايه توكع بل كاع اول مدخليه كراج صغير بعدين مطبخ نوب صاله جبيره بيهه غرفتين واكو طابق ثاني بي غرفه ومخزن وسطح مصطفى عازم عمامي ثنين وهمه واوالادهم جتي زينب بنت عمي سلمت عليه وبعدين صبوو عشه ماشالله مصطفى ممخلي شي ممسوي سمج دجاج برياني دولمه لبن وتمر ...الخ خلصنه عشه بعدين كلهه طشت احنه بقينه ل11ورحنه اول ما وصلنه راسلات شويه دليان بعدين نمت
..........
كعدت الصبح متاخراا خرب لبست بسرعه شون مكان وصلت للجامعه حتى عثرت ووكعت من كد السرعه هل محاضره علينه استاذ قصي يدرسنه القانون الدستورري افف والله هاذه عقده ميدخلني يمكن دكييت الباب ودخلت
........
حمامه:ااا .استاذ
قصي: برره
حمامه: استاذ والله اخرر مره
قصي:انييي شداكوول
صاح بيه عززا هاذه شبي مخبل ونبي طلعت للنادي انتضرر دليان شويه واسمع صوت يمي فززني
.....
...عاااااااااااا
حمامه: ولج يمممممه
دليان:ههههههههه خررب اخترعت
حمامه:خرب لج حيوانه هسه لو صاير عندي سكررر كبرر امداج تبقين مخبله شوفي اذا حاجيتج بعد
دليان:ههههه تصلين صلي اطي مجال شبيج
حمامه:😒
دليان:والله ضحكني الاستاذ من طردج
حمامه: 👐نجبي
دليان:بس شفتي ينكرط ونبي
حمامه:نجبي عوبه
....
كاعدين اني ودليان نشرب عصير اجتي بنيه تباوعلي من وره خشمهه شبيهه هاي
....استاذ قصي يريدج بمكتبه
حمامه: نعم يريدني اني
...يي نعم انتي شنو مداتسمعين
حمامه: هاا لا لا دااسمع هسه جايه
دليان:عززا كلبي حيموع استاذ كيكه يريدج
حمامه:نجبي هسه اكل طن رزله
......
رحت للمكتب دكيت الباب ودخلت
حمامه:احم نعم استاذ يكولون طالبني
قصي:.....يتبع
...................
انتضروناااا
لتنسون التصويت والتعليق
أنت تقرأ
بقايا الروح من سلسله (ضلم حواء )
Romanceبقايا الروح بقايا جسد محطم بقايا قلب متعوب كطفله انا تداعب النجمات كطفله يتيمت الام كطفله تفتقد لحنان الام كطفله تفتقد لحضن الام هل من احد الاناجيه نبذه قصيره عن القصه (الضلم اليتم استبداد ادم اخذ حيزززز كبيرررر مني هل من احد لااتمسك به من و...
