Ghofran_Mohmmad
......
اريد اليل ياخذني ...
واتونس على طيوفك...
واريد الشوك يخنكني.....
واتلمس ندى جفوفك....
مالي حيل أستاحش....
وانته عله بالي ....
مالي حيل رسومك...
تموت بخيالي ..
ماريد وكلشي اريد...
بس اريد اليل ياخذني عليك ...
......
مرت أيام واسابيع
قصي ما اشوفه ابد ...
سائت حالتي اكثر ...
وجهي ذبل حيل
وضعفت اطلع بس على كد
الكمه وارجع قررت خلص
اذا اريد استرجع نفسي
ابدي من الصفر خابرت
شمس .....
...الووو شمس
...هلا حمامه بشري
شلون صرتي ...
...وداعتج من اسوء لسوء
..شبيدي عليج ياعيني مو كتلج تعالي للشيخ وانتي
متقبلين ...
..المهم هسه يكدر غيث يجيني ..
..ليش صاير شيء
...لا بس امووت.اذا ابقه بل بيت بعد...
تنهدت وكالت
.. ماشي نص ساعه ويجيج
......
سديت الموبايل ورحت
طلعت جنطه ولميت بيهه كول ملابسي طلعت الجنطه وكعدت بالصاله انتضر غيث شويه واجى
قصي باوع عليه باستغراب
وكال
.....
قصي...وين!!
حمامه..اروح لأهلي...
قصي..شتسوين
حمامه..اتوقع هالشيء راجع الي مالك دخل خربت حياتي بيدي تندمت على كلشي ...
كال بعصبيه...
قصي..على شنو تندمتي فهميني على حبنه لو زواجنه لو على كل لحضة عشتيهه وياي ...
حمامه...على كلشي
سحب نفس وكال ...
قصي..يله كومي اوصلج
حمامه...لا مايحتاج اخويه
غيث حيجي..
تنهد بغضب وكال
قصي..ماشي حمامه ماشي
عايفج على راحتج هسه بس بعدين الحساب ....
......
كال هيج وراح
عبالك ناقصني مشاكل
اني ويحجي هيج دموعي نزلت مو ضعف لا لا بجيت
على الحاله الوصلت نفسي الهه شويه واجى غيث طلعتله نزل حط الجنطه ليوره ورجع صعد واني صعدت طوول الطريق ساكت وكانه يعرف الصار وما يريد يضغط عليه وصلنه ونزلت باوعت محمد كاعد بالصاله اول ما
شافني كام وكال ....
.....
محمد...هااا حمامه اشكلنه!!
حمامه..شكلت انته شكلت اني الي دمرت نفسي بيدي اني الي اختاريت حياه الجحيم اني الي وصلت نفسي لهنا .....
......
عفتهم ودخلت
ضاق نفسي وكرهت الدنيا والي بيهه محد راحمني محد تمددت على السرير واني افكر وين تاليتي ...
ثاني يوم من الصبح اخذت شمس ورحنه للشيخ قراء عليه وإنطاني بخورات وحرز كمت كل يووم استعملهن مر اسبوع واني يم اهلي رتاحيت شويه من ناحيه نفسيتي لاكن شكلي بقى نفس ماهوو عبالك شبح بديت اعتني بنفسي
وعفت كلشي وراي اكل شوربه وحليب وموز يعني اكل صحي مالي علاقه بكل واحد عازله نفسي دخلت الشهر السابع شويه ردت نفسي رحت الدكتوره انطتني فيتامينات واخذتلي سونر حتى اطمن على صحت الأطفال لان طلعت حامل بتؤم فرحت حيل بوكتهه الدنيا ماسايعتني من الفرحه ...
جنت كاعده وابتسم وافكر باطفالي ندك الباب ودخلت شمس ....
أنت تقرأ
بقايا الروح من سلسله (ضلم حواء )
Romanceبقايا الروح بقايا جسد محطم بقايا قلب متعوب كطفله انا تداعب النجمات كطفله يتيمت الام كطفله تفتقد لحنان الام كطفله تفتقد لحضن الام هل من احد الاناجيه نبذه قصيره عن القصه (الضلم اليتم استبداد ادم اخذ حيزززز كبيرررر مني هل من احد لااتمسك به من و...
