بقايا الروح من سلسله (ضلم حواء )

Bart(34)

بقلمي..
Ghofran. Mohamad

.........
ركضنه كلنه جانت
شمس واكعه من الدرج
والدم بطولهه اخذهه غيث
وطار للمستشفى ركضت للغرفه وادموعي تصب لبست الصايه والشال طلعت محد ماكو كلهم رايحين ضليت الوب وميته من الخوف شسوي ربي اخر ما توصلت إليه اخابر قصي يجي يوديني بس تراجعت لا مستحيل شويه ودك غيث ركضت على الموبايل .....

...الوو. هاا غيث

...حمامه بعد اخوج شمس راح تسوي عمليه هسه ويريدون غراض الطفل واني ماكدر اجي جيبيهن وتعالي...

...زين اني منو يجيبني

...خابرت على قصي يجيج لان انتي وحدج بلبيت وهاي سناء ماتعرف تبقة ابيتهه يوميه اموليه لهلهه ...

......
سد الموبايل غيث واني
ضليت حايره ياربي شلون اروح ويا صعدت فوك لميت ملابس الطفل بجنطه شويه سمعت صوت هورن اكيد قصي اجه قفلت الباب وطلعت جان قصي كاعد بلسياره ومبدل وكاشخ يمكن جان يريد يطلع بس غيث خابره اجيت اكعد وره بس مقفول اضطريت اكعد ليكدام ....

.....

حمامه..السلام عليكم

رد بدون مايباوعلي

قصي...اهلا...هلكد مستنكفه تكعدين يمي
بلصدر ...

حمامه..لا بس...

قصي...أشش ماكو داعي تبررين راسي يوجعني..

...........
استغفر الله هسه منو الحاجي اني لو هوو...
بعد شويه وصلنه قبل ما نزل كال قصي...

قصي..عود اذا تحتاجين شيء خابريني...

حمامه...سلامتك مااحتاج
شيء نشالله...
.....
كلت هيج ونزلت
باوعت قصي نزل وياي

حمامه...تره ماكو داعي اندل اني..

قصي...امشي وبلا لغوه

..........
اول ما دخلنه
اجى واحد ما عرفته
منو بس أثناء الحديث عرفته صديقه..

...شلونك قصي شخبارك...

...الحمد الله انته شلونك

...الحمدالله فد يوم مر علينه وتعال..

...ههه والله مشغول

....
يا طلابه الطلابه
هاذا جلب غير يفضهه
كلساع يريد يروح قصي ويرجع يجلب بي واخير بعد نص ساعه من الخريط
مشينه...

حمامه...يمه عززا هاذا شكد يلغي...

باوعلي صفح وكال

قصي...على منو قصدج

حمامه...على هاذا صديقك..

قصي..هاا ي هاذا مثلج هوواي يلغي...

حمامه...قصي تره واصله عندي لهنا ومالي حيل اتعارك ..
.....
وصلنه وجانو كلهم كاعدين مقابيل. غرفه العمليات
رحت على غيث..