بقايا الروح من سلسله (ضلم حواء )

Bart(36)

#بقلمي...غفران محمد....

.......
نايمه على السديه ...
واصرخ من الوجع مو بس
وجع جسمي وجع روحي اكثر وجع روحي تغلب شكد تمنيت هاي الحضه قصي يوكف يمي ويلزم ايدي ويهدي بيه بس امنيات لا اكثر ... دخلوني لصاله العمليات اجت الدكتوره كالتلي احسبي من ١الى٣ حسبت وبعد ماحسيت بشيء .....

........
طلعت واني اون
وبعدني تحت تأثير
البنج مادري شخرط
غفيت فورا
.....
كعدت باوعت واني افرك بعيوني غيث شمس محمد
سناء زهراء مصطفى كلهم موجودين تقربت شمس ابتسمت وكالت...

......

شمس..الحمدالله على السلامه

حمامه...الله يسلمج

حمامه..شمس من طلعوني من الغرفه شجنت احجي !!

ابتسمت وتقربت يم اذاني وكالت بهمس...

شمس..جنتي تهذين بأاسم قصي

.....
تذكرت قصي ونزلت دموعي جان المفروض هسه واكف يمي ويشوف اطفالنه مسحت دموعي واخذت نفس ...
تقربو اخواني والحيه سناء باركولي ...
...

حمامه..شمس عفيه وين الأطفال

شمس..هسه اجيبهم الج ...
...
راحت وشويه واجت
لازمه ثنين اطفال ولد وبنيه كلبي صاار يرجف من شفتهم وضحكت ضحكه يمكن شكت حلكي ماجانو
يتشابهون كلشي الولد مأخذ عيون قصي ولون بشرته حنطاوي وحواجبه ورموشه وكل باقي معاني عليه والبنيه كذالك بس عيونهه جوزيه طلعت من صفنتي على صوت غيث
......

غيث...يي حمامه شحسميهم..

حمامه...اممم ...البنيه نور الزهراء ..

شمس..حلو بس طويل حيل ..

غيث. .. لا لا حلو حيل والولد ..

حمامه ...الولد انته سمي ..

غيث.. زيد

محمد ...لا لا محلو شنو زيد  سمي احمد ..

مصطفى ...لا اسم احمد حيل متكرر رسول حلووو

حمامه ..لا عجبني زيد ...

......
تقرب مصطفى اخذهم
وكبر بذانهم من هاذي الحضه تغيرت حياتي بوجود ملائكتي الصغار احس الدنيا بعد كل هالمعانه ضحكتلي
مر يوم واني بلمستشفى ابد مافاركتهم ليل نهار بحضني رجعولي الابتسامه من جديد بعد ماكانت معدومه عندي طلعت وكضيت اسبوع كامل عند اهلي شمس مافاركتني وهتمت حيل بالاطفال صرت زينه واكدر اتحرك وامشي اليوم نايمه على الجربايه وحاطه زيد على بطني اناغي والاعبه ونور حللتلهه الكماط وتعلب بلكاع...
.....
باوعت موبايلي دك
نتبهت رقم دولي مادري ليش اجاني احساس انو هاذا قصي كلبي صار يوجعني كعدت على حيلي وجاوبت وصوتي مخنوك.. ...

...

...الووو

حمامه..الووو

...عفوا اختى ايمان مو