بنت _ الشيخ

ساعديني

..........اسفه عالتاخير ..

ابراهيم...ابوج قفل بوجهي ههههه الضاهر ضاج ها شتكولين انتي

زهراء تباوعله  بحقد..انت جبان ولله جبان

ابراهيم..لا موجبان بس انتي جبرتيني اسوي هيج

زهراء..ههههه والله يا الله زين كلي شسمك

ابراهيم..هههه لا بربج انه طالع بره اكلي اكلج

زهراء باعتله باستهزاء وخرت الاكل  من يمهه .. ولله ما اكل واموت هنا وبذمتك واخلي ابوي يراويك حياتك شون تصير

ابراهيم.. زهراء اسمعي ولله العضيم ماعندي شي وياج ولج ولله ماريد منج غير تسكتين وتقفلين عالقضيه وتقنعين  ابوج يقفل لقضيه ...اسمعي انه قتلت واحد بالغلط  وكتلج القصه  ذاك اليوم واهل الولد االي قتلته متشددين بهاي الاشياء وهسه انه عقوبتي  يمهم انو يقتلوني ... واذا عرفوا اني القاتل راح يقتلوني بقت يمج  وامي مستحيل تبقه عايشه وراي ولله اختي بذمتي ... وانه الي شايل عيشتهم وراي يتبهذلون..

زهراء نضرت اله بحزن وعطف ودمعت عيونهه ،،زين ليش قتلته فهمني اذا انت هيج حالتك ليش ورطت روحك وليش تداينت منه

ابراهيم..حضي هيج سوه ولله بالغلط قتلته انه مستحيل اقتل بشر ولج لحد هسه يدي ترجف من اتذكر انه قتلت بشر ..

زهراء..هسه شنو اكول للناس فهمني شكل لابوي ولرئيس عشيرة المقتول كلهه عرفت انه شاهده ..
ابراهيم.. اذا وكفتي ًوياي وعد اوكف وياج ولله واساعدج بكلشي واطلعج من الموضوع هذه ..

زهراء..بس هسه انت لفتت الانضار لقضيتك وابوي مستحيل يعوفهه بعد انت خطفتني وقتلت شخص وهددت ابوي حته مايكمل القضيه يعني صارت قضيتك اصعب ..شسويت بروحك

ابراهيم..وداعتج مايهمني اصلا انه متعود عالطلايب من صغري بس انتي لا تحجين وانه بخير بس انتي املي الوحيد انتي الوحيده الي شافت شكلي من قتلت وانتي الوحيده الي تفضحيني وحياتي حاليا بيدج .. اذا سكتتي ماراح يعرفون راذا حجيتي،،بعد اقرع على روحي السلام

زهراءبدون رد ضلت ساكته ومدنكه راسهه طلع ابراهيم بره ...

—————————-

الشيخ سالم وشباب المنطقه طلعو وصلوا للمنطقه الي وصفتهه الهم زهراء  وياهم اسلحه ....

الشيخ سالم..دقيقه شباب اوكفوا شوفوا ذااك الجبل الوحيد الي كدامكم بهذي المنطقه بس اريدكم تاخذون الحذر لان اكيد اكو حمايات واكو مقرات هواي هناك ... جابر ومحمد اخذواكم جهه وانتم اخذولكم جهه وبقيت. انتم اخذولكم جهه وانه راح اخذ جهه وي المجموعه الرابعه ... اريدكم تحاصرون الجبل ومحد يكدرلكم يلا ولدي سباع ،..