بنت _ الشيخ

Part 10

🌹🌹🌹🌹

احمد: زهراء اسمج مو ؟..اسمعيني انه راح اكون هادئ وياج واحجيلج كلشي .. اخوي هذا الي انقتل هو اقرب شخص الي اقرب انسان الي جاي تفهميني ..انه ماقبل يروح دمه هدر زهراء سمعي اذا مهدده او احد مهددج احجيلي ولله اوكف وياج وانه تشوفيني هيج عدواني وعصبي وطالعه روحي لان جاي تشككيني حته بروحي واخوي لحد هسه مالاكي منو قاتله وترديني اكون هادئ..الله عليج لو اخوج لا سامح الله صار بي هيج ؟ راح تستكتين ؟

زهراء.. (ضلت تبجي) لا اكيد ماراح اسكت

احمد ..لعذ شون نطاج كلبج تعرفين القاتل وترفضين تساعديني او تساعدين ابوي والمقتول يكون اخوي وابن ابوي ،،، زهراء خلي ضميرج كدامج واحنه اولاد  عشاير واكيد راح الكا واعرفه منو بدون مساعدتج بس اطول يعني انه محتاج بس السرعه ومدام  انتي تعرفين انه جاي اسالج كوليلي منو من هذوله الصور ..

زهرا..ماعرفه

احمد..(يحجي بعصبيه وعيونه يريد يطلعن) لا تفورين دمي شون ماتعرفينه وانتي بعدج ماشايفه الصور

زهراء.. (بس تبجي كلشي ماتحجي)..

*_______________*

بيت الشيخ سالم
،،،،،،،،،،،،،،،،،،،،

جابر ..يمه بسرعه حضريلي السلاح

سالم..جابر لا تتسرع وتتهور مانريد نعلك وي عشيرتهم خليني انه احلهه وي هذا احمد الجبان